Skin Care : कोरड्या आणि निर्जीव त्वचेपासून मुक्त होण्यासाठी खास 9 टिप्स!

प्रत्येकाला सुंदर आणि चमकणारी त्वचा हवी असते. पण जेव्हा तुम्ही स्वतःला आरशात पाहता तेव्हा त्वचा कोरडी आणि निर्जीव दिसते. याशिवाय खाज आणि लालसरपणाची समस्या देखील होते. यामागील मुख्य कारण कोरडी त्वचा आहे.

Skin Care : कोरड्या आणि निर्जीव त्वचेपासून मुक्त होण्यासाठी खास 9 टिप्स!
कोरडी त्वचा

मुंबई : प्रत्येकाला सुंदर आणि चमकणारी त्वचा हवी असते. पण जेव्हा तुम्ही स्वतःला आरशात पाहता तेव्हा त्वचा कोरडी आणि निर्जीव दिसते. याशिवाय खाज आणि लालसरपणाची समस्या देखील होते. यामागील मुख्य कारण कोरडी त्वचा आहे. कोरड्या त्वचेची समस्या दूर करण्यासाठी अनेक प्रकारच्या क्रिम वगैरे लावल्या जातात. मात्र, तरीही कोरड्या त्वचेची समस्या काही दूर होत नाही. जर आपणही कोरड्या त्वचेच्या समस्येने त्रस्त असाल तर आपण काही घरगुती उपाय केले पाहिजेत. (9 special tips to get rid of dry and lifeless skin)

क्लींज – सकाळी उठल्यानंतर सर्वप्रथम आपली त्वचा हायड्रेटिंग फेस वॉशने स्वच्छ करावी. त्वचेवरील अतिरिक्त घाण आणि तेल काढून टाकण्यासाठी त्वचा साफ करणे खूप महत्वाचे आहे.

टोनर – त्वचेच्या काळजीसाठी टोनर वापरणे विसरू नये. कारण ते आपली त्वचा हायड्रेट करण्यास आणि पीएच संतुलित करण्यात मदत करते. हे त्वचा घट्ट करते आणि नैसर्गिकरित्या घाण काढून टाकते.

सीरम – कोरड्या त्वचेपासून मुक्त होण्यासाठी व्हिटॅमिन सी, रेटिनॉल आणि सॅलिसिलिक अॅसिड सीरम वापरा. हे तुमच्या त्वचेला टोन देते आणि बारीक रेषा आणि निस्तेज त्वचेपासून मुक्त होते.

मॉइश्चराइझ – आपल्या सर्वांना माहित आहे की मॉइस्चरायझिंग त्वचेला ओलावा आणण्यास मदत करते. त्वचेला मॉइश्चराइझ करायला विसरू नका. मॉइश्चरायझर त्वचेला हायड्रेटेड ठेवण्यात मदत करते.

सनस्क्रीन – जर तुम्ही उन्हात बाहेर जात असाल तर SPF 30 क्रीम लावा. हे तुमच्या त्वचेला सूर्याच्या हानिकारक किरणांपासून वाचवण्याचे काम करते आणि त्वचा निरोगी ठेवण्यास मदत करते. यानंतर मेकअप लावा. कामावरून परत आल्यावर पुन्हा चेहरा धुवा.

एक्सफोलिएट – त्वचेला आठवड्यातून दोनदा एक्सफोलिएट केले पाहिजे. ते तुमच्या त्वचेचे छिद्र साफ करते. जेणेकरून त्वचा श्वास घेते. नियमितपणे एक्सफोलिएट आपली त्वचा निरोगी ठेवण्यास मदत करते.

टोनिंग मिस्ट – टोनिंग मिस्ट त्वचेला फ्रेश ठेवण्यास मदत करते. यामुळे तुमची त्वचा चमकदार दिसते.

टोमॅटो आणि बेसन

हा मास्क तयार करण्यासाठी टोमॅटो अर्धा कापून त्याचा रस बनवा. आता रसामध्ये एक वाटी बेसन घाला आणि एक चमचा लिंबाचा रस घाला. या सर्व गोष्टी नीट मिसळा आणि चेहऱ्यावर लावा. हे मिश्रण लावल्यानंतर 10 ते 15 मिनिटे सोडा आणि नंतर थंड पाण्याने धुवा.

ओटमील आणि अंडी

हा मास्क तयार करण्यासाठी, अर्धा कप शिजवलेल्या ओट्समध्ये एक अंडे मिसळा आणि एक चमचा लिंबाचा रस घाला. हे मिश्रण बनवण्यासाठी सर्व गोष्टी नीट मिसळून चेहऱ्यावर लावा आणि 15 मिनिटांनी स्वच्छ पाण्याने धुवा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(9 special tips to get rid of dry and lifeless skin)

Read Full Article

Click on your DTH Provider to Add TV9 MARATHI