त्वचेला थंडावा आणि आराम देण्यासाठी चेहऱ्याला लावा दही काकडीचा फेस पॅक, जाणून घ्या त्याचे फायदे आणि बनवण्याची पद्धत
उन्हाळ्यात तुमची त्वचा चिकट आणि निस्तेज दिसत असेल, तर दही आणि काकडीपासून बनवलेला हा फेस पॅक तुम्हाला त्वरित आराम देऊ शकतो. तर आजच्या लेखात आपण हा फेस पॅक घरी कसा बनवायचा ते जाणून घेऊयात.
उन्हाळा म्हंटल की तीव्र ऊन, घाम आणि धुळ यामुळे अनेकांची त्वचा निस्तेज आणि चिकट होऊ शकते. अशा हवामानात बरेचजण चेहरा थंड आणि ताजेतवाने ठेवण्यासाठी विविध ब्युटी प्रोडक्टचा वापर करतात, परंतु यामध्ये असलेल्या केमिकलमुळे अनेकदा त्वचेचे अधिक नुकसान होते. त्यामुळे आजकाल प्रत्येकजण हे घरगूती उपायांना पहिले प्राधान्य देत आहेत. अशातच तुम्ही त्वचेला थंड आणि आराम देण्यासाठी दही आणि काकडीचा फेस पॅक हा एक सोपा आणि नैसर्गिक उपायाचा अवलंब करू शकतात, जो त्वचेला थंडावा देऊन चमकदार बनवतो. चला तर मग आजच्या लेखात आपण हा फेसपॅक कसा बनवायचा ते जाणून घेऊयात.
दही-काकडीचा फेस पॅक त्वचेसाठी फायदेशीर का असतो?
दह्यामध्ये लॅक्टिक ॲसिड असते,जे त्वचेला हळुवारपणे एक्सफोलिएट करून स्वच्छ करते. तर काकडीमध्ये एक थंडाव्याचे नैसर्गिक घटक आहे जे त्वचेला आराम देते आणि दाह किंवा लालसरपणा कमी करते. त्यामुळे हे दोन्ही घटक त्वचेला आर्द्रता देतात आणि उष्णतेच्या परिणामांपासून त्वचेचं संरक्षण करण्यास मदत करतात.
हा फेस पॅक कसा बनवायचा?
हा फेस पॅक बनवायला खूप सोपा आहे. अर्धी काकडी किसून घ्या किंवा त्याची पेस्ट बनवा. त्यात 2 चमचे ताजे दही मिक्स करा. आता एकजीव पेस्ट तयार होईपर्यंत व्यवस्थित मिक्स करा.सुगंध आणि थंडावा वाढवण्यासाठी तुम्ही या फेसपॅकमध्ये एक चमचा गुलाबपाणी मिक्स देखील करू शकता.
फेस पॅक लावण्याची योग्य पद्धत
सर्वप्रथम चेहऱ्यावरील घाण आणि तेल काढून टाकण्यासाठी चेहरा स्वच्छ पाण्याने धुवा. तयार केलेली पेस्ट चेहऱ्यावर आणि मानेवर हळुवारपणे लावा. 15 ते 20 मिनिटे फेसपॅक सुकू द्या. त्यानंतर थंड पाण्याने स्वच्छ धुवा. हा पॅक आठवड्यातून 2 ते 3 वेळा वापरल्यास उत्तम परिणाम तुम्हाला जाणवेल.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
