Skin Care : घरच्या घरी तयार करा ‘माचा टी’चा फेसपॅक आणि सुंदर त्वचा मिळवा!

माचा टी हा जपानमधील पारंपारिक चहा आहे. त्याच्या अनेक फायद्यांमुळे जपानमधील लोक या चहाला ‘सुपरफूड’ देखील म्हणतात. असे म्हटले जाते की, माचा टीचा एक कप ग्रीन टीच्या दहा कपाच्या बरोबरीचा असतो.

Skin Care : घरच्या घरी तयार करा 'माचा टी'चा फेसपॅक आणि सुंदर त्वचा मिळवा!
सुंदर त्वचा

मुंबई : माचा टी हा जपानमधील पारंपारिक चहा आहे. त्याच्या अनेक फायद्यांमुळे जपानमधील लोक या चहाला ‘सुपरफूड’ देखील म्हणतात. असे म्हटले जाते की, माचा टीचा एक कप ग्रीन टीच्या दहा कपाच्या बरोबरीचा असतो. मात्र, तुम्हाला हे माहिती आहे का? की, माचा टी फक्त आपल्या आरोग्यासाठीच नाहीतर आपल्या त्वचेसाठी देखील खूप जास्त फायदेशीर असतो. माचा टीमध्ये फायबर, क्लोरोफिल, सेलेनियम, झिंक, मॅग्नेशियम, क्रोमियम आणि व्हिटामिन सी भरपूर प्रमाणात असते. (Matcha Tea is beneficial for the skin)

त्वचेसाठी माचा टी फायदेशीर

1. माचा टीमध्ये अँटीऑक्सिडंट्स भरपूर असतात. हे आपल्या त्वचेचे नुकसान होण्यापासून संरक्षण करते. तसेच यामुळे आपल्या चेहऱ्यावरील सुरकुत्या जाण्यास मदत होते.

2. एपिगेलोटेचिन गॅलेट (ईजीसीजी) मध्ये माचा चहा जास्त असतो. हे आपल्या त्वचेवरील जळजळ आणि लालसरपणावर कार्य करते.

3. माचा टीमध्ये आपल्या त्वचेला पोषण करणारी जीवनसत्त्वे अ, सी, के आणि बी-कॉम्प्लेक्स देखील असतात.

4. या चहामध्ये अँटी-बॅक्टेरियल आणि अँटी-इंफ्लेमेटरी गुणधर्म देखील आहेत. जे मुरुम रोखण्यास मदत करतात.

त्वचा टोन

आपण घरच्या घरी माचा टीचा फेसपॅक तयार करण्यासाठी त्यामध्ये गुलाब पाणी मिक्स करू शकतो. माचा टी पावडर घ्या आणि त्यामध्ये गुलाब पाणी मिक्स करा. या पेस्टमध्ये तेलाचे काही थेंब घाला. हा फेसपॅक चेहऱ्यावर लावा आणि कोरडा झाल्यावर थंड पाण्याने धुवा. आपण आठवड्यातून 2 ते 3 वेळा हा फेसपॅक चेहऱ्याला लावू शकतो. हा फेसपॅक आपल्या त्वचेसाठी अत्यंत फायदेशीर आहे.

मॉइश्चरायझर

माचा टी एक नैसर्गिक मॉइश्चरायझर म्हणून कार्य करते. हे आपल्या त्वचेचा कोरडेपणा आणि सूर्य प्रकाशाने होणारा त्रास टाळण्यास मदत करते. यासाठी तुम्ही दोन चमचे माचा ग्रीन टी घ्या. त्यात कच्चे दूध घाला. त्याची चांगली पेस्ट बनवा. ही जाड पेस्ट चेहर्‍यावर आणि गळ्यावर वापरा. 15 मिनिटांसाठी तसेच सोडा. त्यानंतर चेहरा आणि मान पाण्याने धुवा.

वजन कमी करण्यासाठी

हा चहा लठ्ठपणा कमी करण्यासाठी रामबाण उपाय मानला जातो. एका संशोधनात असेही समोर आले आहे की, जर 12 आठवड्यांपर्यंत सतत हा चहा सेवन केला, तर शरीराची अतिरिक्त चरबी कमी होते. तसेच कंबरेचे आकार आणि शरीराचे वजन देखील कमी होते.

(टीप : कुठल्याही कृतीपूर्वी डॉक्टरांचा किंवा सौंदर्यतज्ज्ञांचा सल्ला घेणे बंधनकारक आहे.)

संबंधित बातम्या : 

Side Effect | केसांना ब्लीच करताय? सावधान…. वाचा काय परिणाम होऊ शकतो

(Matcha Tea is beneficial for the skin)

Read Full Article

Click on your DTH Provider to Add TV9 MARATHI