चेहऱ्यावरील डाग दूर करण्यासाठी तांदळाच्या पिठापासून बनवा असा फेस पॅक, मिळेल चमकदार त्वचा

प्रत्येकाला आपला चेहरा चमकदार दिसावा असे वाटत असते. पण सध्या वातावरणातील बदल आणि बदलती जीवनशैली यामुळे यांचा परिणाम आपल्या त्वचेवर होतो आणि त्यामुळे चेहऱ्यावर मुरुम आणि पिगमेंटेशनमुळे डाग तसेच राहतात. तर तुम्हालाही ही समस्या सतावत असेल तर तुम्ही तांदळाच्या पिठाच्या मदतीने ते दूर करू शकता. तांदळाचे पीठ त्वचेसाठी वरदानापेक्षा कमी नाही.

तांदळाच्या पिठामध्ये व्हिटॅमिन बी, व्हिटॅमिन ई आणि अँटीऑक्सिडंट्स भरपूर प्रमाणात असतात, जे त्वचा सुधारण्यास, डाग कमी करण्यास आणि चमकदार त्वचा मिळविण्यास मदत करतात. जर तुम्हालाही निर्दोष आणि चमकदार त्वचा मिळवायची असेल, तर आजच्या या लेखात तांदळाच्या पिठापासून बनवलेले 3 सोपे फेस पॅक आहेत, जे तुमची त्वचा निरोगी आणि चमकदार बनवतील. चला तर मग जाणून घेऊयात…

तांदळाचे पीठ आणि दुधाचा फेस पॅक

तांदळाच्या पीठ आणि दुध यापासुन तयार केलेला हा फेसपॅक त्वचेला उजळ करण्यासाठी मदत करतो. या फेसपॅकमध्ये लॅक्टिक अॅसिड असते, जे त्वचेतील मृत त्वचेच्या पेशी काढून टाकते आणि त्वचा उजळ करते. तांदळाचे पीठ त्वचेला एक्सफोलिएट करते आणि चमकदार बनवते. तसेच हळदीमध्ये दाहक-विरोधी गुणधर्म भरपूर असतात, ज्यामुळे डाग कमी होतात.

साहित्य-

• 2 चमचे तांदळाचे पीठ
• 1 टीस्पून कच्चे दूध
• 1 चिमूटभर हळद

फेसपॅक कसा बनवायचा?

• एका भांड्यात तांदळाचे पीठ घ्या, त्यात दूध मिक्स करा आणि पेस्ट बनवा.
• जर तुमची त्वचा कोरडी असेल तर तुम्ही त्यात गुलाबपाणी देखील घालू शकता.
• हा पॅक चेहऱ्यावर लावा आणि 15-20 मिनिटे सुकू द्या. त्वचेवर लावलेला पॅक सुकल्यानंतर हलक्या हाताने स्क्रब करा आणि थंड पाण्याने चेहरा धुवा.

तांदळाचे पीठ आणि मधाचा फेस पॅक

हा फेस पॅक त्वचेला मॉइश्चरायझिंग आणि अँटी-एजिंग करण्यासाठी वापरला जातो. मध त्वचेला मॉइश्चरायझ करते आणि बॅक्टेरियापासून संरक्षण करते. तसेच या पॅकमध्ये वापरलेली कोरफड जेल त्वचेला थंड करते आणि सुरकुत्या कमी करते. तर तांदळाचे पीठ त्वचेचा रंग समतोल करते.

साहित्य-

• 2 चमचे तांदळाचे पीठ
• 1 चमचा मध
• 1 टीस्पून कोरफड जेल

फेसपॅक कसा बनवायचा?

• वरील सर्व साहित्य एकत्र मिक्स करून जाड पेस्ट तयार करा.
• हा पॅक चेहरा आणि मानेवर लावा.
• 20 मिनिटा नंतर त्वचेवर लावलेला पॅक थंड पाण्याने धुवा.

तांदळाचे पीठ आणि दह्याचा फेस पॅक

तेलकट त्वचेसाठी आणि मुरुमांवर नियंत्रण ठेवण्यासाठी हा फेस पॅक फायदेशीर आहे. दह्यामध्ये लॅक्टिक अॅसिड असते, जे मुरुम आणि ब्लॅकहेड्स कमी करते आणि लिंबाचा रस त्वचेवरील अतिरिक्त तेल नियंत्रित करतो. तसेच तांदळाचे पीठ छिद्रांना घट्ट करते आणि त्वचा मऊ करते.

साहित्य-

• 2 चमचे तांदळाचे पीठ
• 1 टीस्पून दही
• 1 चमचा लिंबाचा रस

फेसपॅक बनवण्याची पद्धत-

• वरील सर्व साहित्य मिक्स करा आणि पेस्ट बनवा.
• तयार फेसपॅक चेहऱ्यावर लावा आणि 15 मिनिटे तसेच ठेवा.
• जेव्हा फेसपॅक सुकेल तेव्हा ओल्या हातांनी मालिश करून चेहरा धुवा.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)