Skin Care | पावसाळ्यातही अधिक घाम येतोय? मग, ‘या’ टिप्स नक्की ट्राय करा!

मुंबई : काही लोकांना पावसाळ्यातही नेहमीपेक्षा जास्त घाम येतो. या हंगामात उष्णता आणि घामामुळे आपल्याला त्वचेच्या अनेक प्रकारच्या समस्यांना सामोरे जावे लागते. त्वचेवर लालसरपणा, रॅशेस, शरीराला दुर्गंधी यासारख्या समस्या उद्भवत असतात. आर्द्रतेमुळे, अंडरआर्म आणि प्रायव्हेट पार्ट्समध्ये जास्त त्रास होतो. पावसाळ्यात, स्काल्प तेलकट, तर शरीराचे काही भाग कोरडे होतात आणि जास्त घाम आल्यामुळे चिकटपणा येतो.

जास्त घामामुळे बुरशीजन्य संसर्ग आणि मुरुमांची समस्या वाढते. जर, तुम्ही देखील पावसाळ्यात जास्त घामामुळे अस्वस्थ असाल, तर आम्ही तुम्हाला काही टिप्स सांगणार आहोत. काही सोप्या टिप्स फॉलो करून तुम्ही या समस्येपासून मुक्त होऊ शकता.

अँटी बॅक्टेरियल साबण

सुगंधी साबणाऐवजी अँटी बॅक्टेरियल साबण खरेदी करा. अँटी बॅक्टेरियल साबण शरीरावरील जंतूंचा नाश करते आणि त्वचेच्या जीवाणूंचे संरक्षण करण्यास मदत करते. वैयक्तिक स्वच्छतेसाठी दररोज स्नान करणे अतिशय आवश्यक आहे.

चांगले फ्रॅबिक निवडा

उन्हाळी हंगामात घट्ट सिंथेटिक कापडांऐवजी हलके, आरामदायक सुती कपडे परिधान करा. हे आपल्या कपड्यांमधून हवा खेळती राहण्यास मदत करते. याशिवाय, कोणाबरोबरही आपले कपडे आणि आपला टॉवेल शेअर करणे टाळावे.

इसेन्शिअल ऑईल वापरा

आंघोळ करताना, लॅव्हेंडर तेलाचे 2 ते 3 थेंब घाला. हे तेल तुम्हाला दिवसभर ताजेतवाने ठेवण्यास मदत करते. इसेन्शिअल ऑईल घामावर नियंत्रण ठेवतात आणि शरीराची दुर्गंधी दूर करतात. या व्यतिरिक्त, आपण इच्छित असल्यास, आपण पेपरमिंट ऑईल देखील वापरू शकता. कारण, त्यामुळे घामाची समस्या दूर राहण्यास मदत होते. तसेच केस मऊ होतात.

पावडर

घामापासून मुक्त होण्यासाठी अँटी फंगल पावडरचा वापर केला जाऊ शकतो. पावसाळ्याच्या दिवसात अँटी-पर्सपिरंटचा वापर केला जाऊ शकतो. अंडरआर्म्सचा वास दूर करण्यासाठी कोरफड जेलचाही वापर करू शकता. अंडरआर्म्स मसाज करण्यासाठी तुम्ही त्याचा थेट वापर करू शकता.

आहारावर लक्ष केंद्रित करा

पावसाळ्यात मसालेदार आणि तळलेल्या गोष्टी खाणे टाळावे. याऐवजी आपल्या आहारात सॅलड आणि भाज्या अधिक खा. तसेच, कॉफी पिणे टाळा.

स्वतःला हायड्रेटेड ठेवा

पावसाळ्यात शरीराला हायड्रेटेड ठेवणे खूप महत्वाचे आहे. वाढलेल्या आर्द्रतेमुळे पुरेसे पाणी न प्याल्याने शरीराचे निर्जलीकरण होऊ शकते. यामुळे दिवसभरात 7 ते 8 ग्लास पाणी अवश्य प्या.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

(Sweating even in the rainy season then try these tips)

हेही वाचा :

चिकट केसांची समस्या दूर करण्यासाठी ‘हे’ हेअर मास्क केसांना लावा आणि समस्या दूर करा!

Sesame Oil : तिळाच्या तेलानी रोज त्वचेची मालिश करा आणि सुंदर त्वचा मिळवा! 

Skin Care Tips : ग्लोइंग स्किनसाठी ‘हे’ घरगुती फेसपॅक नक्की वापरा!