International Women’ Day 2021 : हेल्दी राहण्यासाठी लाईफस्टाइलमध्ये करा ‘हे’ बदल

मुंबई : महिला एकाच वेळी अनेक काम करण्यात पटाईत असतात. घरकाम ते आॅफिस काम यादरम्यानच्या धावपळीच्या आयुष्यात महिला आपल्या आरोग्याकडे दुर्लक्ष करतात. वाढत्या वयानुसार स्त्रीच्या शरीरात बरेच बदल होतात. अशा परिस्थितीत महिलांनी आपल्या आरोग्याची विशेष काळजी घेतली पाहिजे. आज आंतरराष्ट्रीय महिला दिन जगभर साजरा केला जात आहे. या खास प्रसंगी आम्ही तुम्हाला काही खास टिप्स सांगत आहोत त्यामुळे तुम्ही निरोगी आणि तंदुरुस्त राहू शकता. (Follow these tips to stay healthy)

-बरेच लोक आपला दिवसाची सुरूवात चहा किंवा कॉफीपासून करतात. परंतु त्याऐवजी आपण एक ग्लास पाणी प्यावे. आपणास आपल्या वाढत्या वजनावर नियंत्रण ठेवायचे असेल तर सकाळी लिंबू आणि मध मिसळून एक ग्लास कोमट पाणी प्या. यामुळे तुमचे वजनही वाढणार नाही. आणि दिवसभर तुम्हाला चांगले देखील वाटेल.

-घरातील काम उरकून आॅफिसला निघताना बऱ्याच महिला नाश्ता करण्याकडे दुर्लक्ष करतात. किंवा थोडा वेळाने करू म्हणून त्या नाश्ता करत नाहीत. मात्र, असे न करता महिलांना सकाळी वेळ काढून नाश्ता करणे आवश्यक आहे. शक्यतो महिलांनी सकाळी हेल्दी नाश्ता केला पाहिजे.

-सर्व कामांमध्ये महिला स्वत: ला वेळ देत नाहीत. मात्र, महिलांनी दररोज व्यायामासाठी कमीत कमी 10 ते 15 मिनिट तरी वेळ दिला पाहिजे.

-हेल्दी राहण्यासाठी महिलांनी योगा, चालणे किंवा जिम लावली पाहिजे. त्यांनी आपल्या आरोग्याकडे दुर्लक्ष नाही केले पाहिजे.

-महिलांच्या आहारात फायबर, प्रथिने आणि जीवनसत्त्वे भरपूर प्रमाणात असणे आवश्यक आहे. अन्नामध्ये साखरेचे प्रमाण कमी करा. आहारात साखरेच्या अधिकतेमुळे लठ्ठपणा, हृदयरोग, मधुमेह होण्याचा धोका वाढतो.

संबंधित बातम्या : 

Teeth Staining Food | पांढऱ्याशुभ्र दातांना खराब करणाऱ्या ‘या’ 6 गोष्टी वेळीच टाळा!

Dark Circle Home Remedy | डोळ्यांखाली काळी वर्तुळे येतायत? ‘या’ टिप्स नक्की वापरून पाहा…

Mushroom | ‘व्हिटामिन डी’चा नैसर्गिक स्त्रोत, जाणून घ्या ‘मशरूम’ खाण्याचे फायदे…

(Follow these tips to stay healthy)