Caesarean Mark | सिझेरिअनच्या खुणा जात नाहीयत? मग, ‘हे’ घरगुती उपाय नक्की ट्राय करा!
सिझेरियन ऑपरेशननंतर शरीर आणि टाके यासाठी विशेष काळजी घेणे आवश्यक आहे. ऑपरेशननंतर काही दिवस टाक्यांच्या जागी वेदना देखील जाणवते, परंतु वेळेप्रमाणे ती बरी देखील होते.
मुंबई : सिझेरियन ऑपरेशननंतर शरीर आणि टाके यासाठी विशेष काळजी घेणे आवश्यक आहे. ऑपरेशननंतर काही दिवस टाक्यांच्या जागी वेदना देखील जाणवते, परंतु वेळेप्रमाणे ती बरी देखील होते (Home Remedies for Caesarean stich Mark).
सिझेरियन ऑपरेशनमध्ये बाळ बाहेर काढण्यासाठी 6 इंचाचा कट बनवला जातो, ज्याची जखम कालांतराने बरी होते, पण त्याजागी डाग राहतात. जेव्हा जेव्हा एखादी स्त्री हे डाग पाहते तेव्हा, तिला तिच्या ऑपरेशनची त्वचा आठवते आणि नकळत कधी कधी तिला वाईट देखील वाटते. जर आपल्यालाही ही समस्या असेल, आणि सिझेरिअनच्या खुणा लपवायच्या असतील, तर काही घरगुती उपचारांच्या सहाय्याने आपण सी-सेक्शनचे चिन्ह कमी करू शकता किंवा पूर्णपणे मिटवू देखील शकता.
व्हिटामिन ई तेल आणि कांद्याचा रस
टाके सी-सेक्शन डिलीव्हरीनंतरही तसेच राहतात. व्हिटामिन ई तेल आणि कांद्याचा रस एकत्रित करून लावल्याने डाग कमी होण्यास मदत होते. तसेच यामुळे डाग आणखी गडद होणे थांबते. यासाठी बाजारातून व्हिटॅमिन ई कॅप्सूल घ्या, त्यातून तेल काढा आणि त्यात कांद्याचा रस मिसळा व दररोज या डागांवर वापरा. त्याच्या नियमित वापराने, डाग हळूहळू कमी होतील.
मध आणि कोकाआ बटर
त्वचेसाठी मध खूप फायदेशीर असते. मध डाग वाढण्यास प्रतिबंध करते. नैसर्गिक उपचार म्हणून मध उत्तम काम करतो, परंतु ते वापरण्यापूर्वी एकदा डॉक्टरांना विचारा. याव्यतिरिक्त, कोकोआ बटर देखील सीझेरिअन ऑपरेशनचे डाग कमी करू शकते. कोकोआ बटर एक नैसर्गिक अँटिऑक्सिडेंट म्हणून काम करते. हे केवळ डाग कमी करण्यातच मदत करत नाही, तर जखम भरून काढण्यासाठी देखील मदत करते. कोको बटर क्रीमने या डागांवर मसाज करा. यामुळे डाग अधिक हलका होतो (Home Remedies for Caesarean stich Mark).
व्हिटामिन ई तेल आणि कोरफड तेल
डाग बरे करण्यास व्हिटामिन ई तेल फायदेशीर ठरते. या तेलाने मालिश केल्याने ऊती मऊ होतात आणि त्वचा लवकर बरी होते. हे तेल फारसे चिकट नसते आणि आपण ते कोणत्याही हंगामात वापरू शकता.
सिझेरिअन स्कार काढून टाकण्यासाठी आपण एलोवेरा जेल देखील वापरू शकता. आपण घराच्या घरी कोरफडच्या पानापासून जेल काढू शकता. कोरफड जेल टाक्यांचे डाग सौम्य करते. यामुळे त्वचेची जळजळ किंवा खाज सुटण्यापासूनही आराम मिळतो.
लिंबू
लिंबूचा उपयोग डाग व स्कार कमी करण्यासाठी केला जातो. कोणत्याही प्रकारचे त्वचेचे डाग किंवा सिझेरिअनचे डाग लिंबाने हलके केले जाऊ शकतात. लिंबू सिट्रस फळ आहे, म्हणून आपण लिंबाचा रस केवळ टाके पूर्णपणे भरल्यानंतरच लावावा. जेव्हा टाक्यांमुळे होणारी वेदना पूर्णपणे संपेल, तेव्हाच त्यावर लिंबाचा रस लावावा. जखम बरी होण्यापूर्वी लिंबाचा वापर करू नये.
(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
(Home Remedies for Caesarean stich Mark)
हेही वाचा :
Gestational Diabetes | गर्भावस्थेदरम्यान मधुमेहाची समस्या? मग ‘या’ डाएट टिप्स नक्की फॉलो करा!#GestationalDiabetes | #pregnancy | #diabetes | #Diethttps://t.co/mVsWGfVvje
— TV9 Marathi (@TV9Marathi) February 17, 2021
