Beauty Tips : उन्हाळ्यात तेलकट त्वचेमुळे त्रस्त आहात? तर आजच घरी तयार करा मध, दही आणि आंब्याचा फेसपॅक !

मुंबई : आंबा खायला प्रत्येकालाच आवडतो. तसेच आंबा खाणे आपल्या आरोग्यासाठी खूप फायदेशीर आहे. मात्र, आंबा आरोग्यासाठीच नाहीतर आपल्या निरोगी त्वचेसाठी देखील खूप फायदेशीर आहे. आंब्यामध्ये व्हिटॅमिन ए, सी सोबतच कॉपर, झिंक, पोटॅशियमसारखे अनेक मिनरल्स असतात. आज आम्ही तुम्हाला आंब्यापासून तयार होणारा एक फेसपॅक सांगणार आहोत. ज्यामुळे तुमची त्वचा चांगली होण्यास मदत होईल. (Honey, Curd and mango face pack are beneficial for the face)

आपल्या सर्वांनाच माहिती आहे की, उन्हाळ्यात त्वचा अधिक तेलकट होते. तेलकट त्वचेमुळे चेहऱ्यावर मुरुम येतो. मात्र, जर आपण आंब्याचा फेसपॅक आपल्या चेहऱ्याला लावला तर चेहऱ्यावरील तेलकटपणा आणि मुरुमाची समस्या दूर होण्यास मदत होईल. या फेसपॅकमुळे त्वचेतील अतिरिक्त तेल काढून टाकण्यास मदत करते. हा फेसपॅक तयार करण्यासाठी मध, दही आणि आंब्याचा रस लागणार आहे.

दोन चमचे आंब्याचे रस, एक चमचा मध आणि एक चमचा दही एकत्र चांगले मिक्स करून पेस्ट तयार करा. ही पेस्ट आपल्या चेहऱ्यावर साधारण 20 मिनिटे ठेवा आणि चेहरा पाण्याने धुवा. ही पेस्ट आठवड्यातून साधारण दोन ते तीन वेळा लावली पाहिजे. यामुळे आपल्या चेहऱ्यावरील तेलकटपणा दूर होईल. आंब्यामध्ये असणाऱ्या घटकांमुळे शरीराची प्रतिकारशक्ती वाढण्यास मदत होते. चेहऱ्यावरील सुरकुत्या कमी होण्यासाठी आंबा उपयुक्त ठरतो.

आंब्यामुळे शरीरातील नसा, टिश्यू व स्नायू मजबूत होतात. तसेच शरीर आतून स्वच्छ होते व रोगप्रतिकारशक्ती वाढण्यास मदत होते.‘व्हिटामिन बी6’ मुळे रक्तातील ‘होमोसेस्टीना’चे प्रमाण संतुलित राहते व हृद्यविकाराचा धोका कमी होतो. आंब्यात फायबर्सही मुबलक प्रमाणात असल्याने पोट साफ होण्यासही त्याची चांगली मदत होते. दहीमध्ये एक लॅक्टिक अॅसिड असते. ज्यामुळे त्वचेचे संरक्षण होते. तसेच, उन्हाळ्याच्या हंगामात, त्वचेवर परिमाण होत असतो.

दहीमध्ये लिंबाचा रस घाला आणि त्याची पेस्ट तयार करा. ही पेस्ट चेहऱ्याला लावल्यास उन्हापासून चेहऱ्याचे संरक्षण होते. त्वचेला आराम मिळतो आणि त्वचा साफ होते. तसेच, केसांमधील डान्ड्रफची समस्या काढून टाकण्यात दही देखील उपयुक्त आहे. डोक्यातील कोंडा टाळण्यासाठी केसांना दही लावणे फायदेशीर ठरते. यासाठी केसांना दही लावून अर्ध्या तासाने केस धुवावे. दह्यामध्ये फॅटचे प्रमाण अधिक असते. दह्यामध्ये दुधासारखेच पोषक घटक असतात. दह्यामध्ये कॅल्शियम भरपूर प्रमाणात असते.

संबंधित बातम्या : 

Hair Mask | केस गळती, रुक्षपणा समस्या होणार दूर, ‘हा’ हेअर मास्क ठरेल केसांसाठी वरदान!https://t.co/eedFAgnEcM#HairCare #HairMask

— TV9 Marathi (@TV9Marathi) December 19, 2020

(Honey, Curd and mango face pack are beneficial for the face)