Special Story | निसर्गाचा एक अद्भुत चमत्कार ‘सांधण व्हॅली’, एकदा तरी सफर केलीच पाहिजे!

निसर्गाच्या कुशीत दडलेलं ‘सांधण व्हॅली’ अर्थात ‘सांधण दरी’  हे आश्चर्य आजही आपल्यापैकी अनेकांच्या नजेरेपासून दूर आहे.

Special Story | निसर्गाचा एक अद्भुत चमत्कार ‘सांधण व्हॅली’, एकदा तरी सफर केलीच पाहिजे!
सांधण व्हॅली
Follow us
| Updated on: Feb 07, 2021 | 12:42 AM

मुंबई : महाराष्ट्राला लाभलेला निसर्गाचा वरदहस्त म्हणजे ‘सह्याद्री’. सुट्टी मिळाली आणि फिरण्याचा विषय निघाला की, पहिल्यांदा डोळ्यासमोर येतो तो म्हणजे ‘सह्याद्री’. सह्याद्रीच्या कुशीत लपलेली अनेक ठिकाणे नेहमीच पर्यटकांना भूरळ घालत असतात. याच निसर्गाच्या कुशीत दडलेलं ‘सांधण व्हॅली’ अर्थात ‘सांधण दरी’  हे आश्चर्य आजही आपल्यापैकी अनेकांच्या नजेरेपासून दूर आहे. अहमदनगर जिल्ह्यातल्या साम्रद या गावातून पुढे दीड ते दोन किमी नागमोडी वळणे घेत जाणारी ही खोल दरी ट्रेकर्ससह इतर भटक्यांनाही मोहात पाडते (How to reach Sandhan Valley trek near ahmadnagar).

पावसाळ्याचे चार महिने वगळता वर्षभर पर्यटक इथे गर्दी करतात. सांधण दरीतल्या निमुळत्या वाटेवरून पुढे जात रात्री तिथेच मुक्काम करायचा हाच इथे आलेल्या अनेकांचा प्लॅन असतो. ही चिंचोळी वाट पुढे इतकी निमुळती होत जाते की, कित्येक ठिकाणी सूर्याचा प्रकाश जमिनीपर्यंत पोहचत नाही. समोर आजोबा पर्वत, रतन गड आणि मागे अलंग-मदन-कुलंग गड आणि कळसुबाई शिखर सह्याद्रीच्या विशालतेची साक्ष देत असताना ही सांधण दरी सर करणे आपल्याला वाटते तितके सोपे नाही.

सर्वात खोल दरी

आशिया खंडातील सर्वात खोल दऱ्यांमध्ये ‘सांधण व्हॅली’चा दुसरा क्रमांक लागतो. म्हणूनच ती पाहण्यासाठी जगभरातून पर्यटक गर्दी करतात. एका अतिप्राचीन जिओग्राफिक फॉल्टलाईन (भौगोलिक प्रस्तरभंग रेषा) म्हणजे जमिनीला पडलेली एक मोठी भेग यामुळे निर्माण झालेली ही दरी किंवा घळ हा निसर्गाचा अद्भुत असा चमत्कारच आहे. सांदण दरी दोनशे ते चारशे फुट खोल आणि जवळ-जवळ 4 किमी लांबवर पसरलेली आहे.

कधी भेट द्याल?

पावसळ्यात सांदण दरीला जाणे अशक्य असते. कारण पावसाचे पाणी याच दरीतुन वेगाने खाली कोसळते. त्यामुळे येथे जाण्याचा उत्तम कालावधी म्हणजे उन्हाळा किंवा हिवाळा. दुपारच्या प्रहरात दरीतील ऊन-सावल्यांचा खेळ बघण्यासारखा असतो. दरीत गेल्यावर मार्गक्रमण करताना पाण्याचे दोन पुल लागतात. पहिला पुल 2 ते 4 फुट आणि दुसरा पुल 4 ते 6 फुट पाण्यात असतो. हिवाळ्यात या पाण्याची पातळी थोडी अधिक असू शकते (How to reach Sandhan Valley trek near ahmadnagar).

कसे पोहोचाल?

‘सांधण व्हॅली’ला पोहचण्यासाठी अहमदनगर जिल्ह्यातील भंडारदरा धरणाच्या जलाशयाच्या काठाने साम्रद या गावी जावे लागते. पुण्यावरुन पोहचण्यासाठी आळेफाटा-संगमनेर-अकोले-राजूर-शेंडी(भंडारदरा)-उडदावणे-साम्रद असा रस्ता आहे. मुंबईकरांसाठी कल्याण-कसारा घाट-इगतपुरी-घोटी मार्गे शेंडीला पोहचता येते. तर नाशिकहूनही घोटीमार्गे येथे पोहचता येईल.

काय-काय बघाल?

घळीच्या मुखाजवळच उजव्या हाताला पाणवठा आहे. नैसर्गिकपणे डोंगरातून झिरपणारे थंडगार नितळ पाणी म्हणजे जणू अमृतच! माणसे आणि जनावरांसाठी दगड रचून वेगळी सोय केलेली दिसते. अतिशय अरुंद घळ, कधी आठ-दहा फूट तर कधी अगदीच जेमतेम एक माणूस जाईल एवढी तीन फूट रुंदी आणि दोन्ही बाजूंना अंगावर येणारा दगडी कमीतकमी दोनशे आणि जास्तीत जास्त चारशे फूट उंचीचा पाषाणकडा आहे. त्याच घळीतून खाली उतरत दरीच्या अगदी शेवटच्या मुखाशी जाता येते.

अंदाजे या निमुळत्या घळीची लांबी एक किलोमीटर आहे. त्यानंतर समोर विराट कोकणकड्याचा भाग दिसतो. एकदम हजार-दीडहजार फुटांचा ड्रॉप आणि समोर करुळ घाटाचा कडा आहे. सांधण घळीत पावसाळ्यात काही ठिकाणी बरेच पाणी भरते. त्यामुळे त्या जागा थोड्या जपूनच किंबहुना दोराच्या आधारानेच पार कराव्यात. तुम्हीही येत्या सुट्टीत ‘सांधण व्हॅली’ला भेट देण्याची योजना आखत असाल, तर मुक्कामाची आणि जेवणाची सोय जवळच्या साम्रद गावात होऊ शकते. मग वाट कसली बघताय? बॅग भरा आणि चला सांधण दरीच्या सफरीला…

(How to reach Sandhan Valley trek near Ahmednagar)

हेही वाचा :

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.