IRCTC Nepal Tour : नेपाळ टूरसाठी IRCTC चे नवीन पॅकेज, पर्यटकांना हवाई प्रवासाची संधी
हे टूर पॅकेज 19 ते 24 जूनपर्यंत असणार आहे. नेपाळ दौऱ्यात प्रवाशांना लखनऊ ते काठमांडू आणि लखनऊ परत जाण्यासाठी थेट फ्लाइटची व्यवस्था करण्यात आली आहे. या लेखातून टूरचे भाडे, बुकिंगसह संपूर्ण तपशिल जाणून घेणार आहोत.
मुंबई : आयआरसीटीसीकडून (IRCTC) वेळोवेळी देशांतर्गत विविध भागात असलेल्या पर्यटनस्थळांसाठी ट्रेनमधून टूर पॅकेजचे (Tour package) आयोजन करण्यात येत असते. परंतु आता देशाबाहेरील पर्यटनस्थळाला जाण्यासाठीही विविध पॅकजची सोय करण्यात येत आहे. आयआरसीटीसीकडून आंतरराष्ट्रीय हवाई टूर पॅकेज सुरू करण्यात आले आहेत. आयआरसीटीसी प्रादेशिक कार्यालय (Regional Office) लखनऊ ते नेपाळपर्यंत 6 दिवस आणि 5 रात्रीच्या विदेशी प्रवास टूर पॅकेजचे नियोजन करणार आहे. हे टूर पॅकेज या वर्षी 19 ते 24 जूनपर्यंत चालवले जाणार आहे. या दौऱ्यात प्रवाशांना लखनऊ ते काठमांडू आणि परत लखनऊला थेट विमानाने जाण्याची व्यवस्था करण्यात आली आहे. त्यामुळे या टूर पॅकेजला चांगला प्रतिसाद मिळण्याची आशा आयआरसीटीसीकडून व्यक्त केली जात आहे.
प्रसिद्ध ठिकाणांना भेट
नेपाळ टूरमध्ये काठमांडूतील पशुपतिनाथ मंदिर, बौद्धनाथ स्तूप, दरबार स्क्वेअर, पोखरा येथील मनकामना मंदिर, विंध्यवासिनी मंदिर, गुप्तेश्वर महादेव गुंफा पहायला मिळणार आहे. या दौऱ्यात हिमालयातील टेकड्यांमधील सूर्योदयाचे दर्शन हे विशेष आकर्षण असणार आहे. हवाई प्रवास पॅकेजमध्ये विमान प्रवास, भारतीय भोजन व्यवस्था (नाश्ता आणि रात्रीचे जेवण) आयआरसीटीसीद्वारे हॉटेलमध्ये राहण्याची आणि जेवणाची व्यवस्था केली जाईल.
असे असेल भाडे
उत्तर प्रदेशची राजधानी लखनऊ येथून नेपाळच्या या हवाई दौऱ्यासाठी दोन व्यक्तींच्या एकत्र राहण्याच्या पॅकेजची किंमत 39 हजार प्रतिव्यक्ती आणि तीन व्यक्ती एकत्र राहण्यासाठी पॅकेजची किंमत प्रतिव्यक्ती 38 हजार 850 आहे. जर एखादी व्यक्ती हॉटेलच्या खोलीत एकटी राहिली तर त्याच्यासाठी पॅकेजची किंमत 48,500 रुपये असणार आहे. आयआरसीटीसी नॉर्दर्न झोनचे मुख्य प्रादेशिक व्यवस्थापक अजित कुमार सिन्हा यांनी सांगितले की, या पॅकेजमध्ये मर्यादित जागा उपलब्ध आहे.
इतर पॅकेजेस देखील उपलब्ध
आयआरसीटीसीद्वारे लखनऊहून नेपाळची टूर आयोजित केली जात आहे. याशिवाय मे आणि जून महिन्यात काश्मीर, लेह-लडाख, शिमला-मनाली आणि धर्मशाला-डलहौसी या खोऱ्यांसाठी पॅकेजेस उपलब्ध आहेत.
अशी करा बुकिंग
इच्छुक व्यक्ती पर्यटन भवन, गोमतीनगर, लखनऊ येथील आयआरसीटीसी कार्यालयाशी संपर्क साधू शकतात तसेच वेबसाइट www.irctctourism.com वरून ऑनलाइन बुकिंग करता येणार आहे.
अधिक माहितीसाठी आणि बुकिंगसाठी संपर्क
नेपाळ: 8287930922
काश्मीर आणि लेह-लडाख : 8287930911
शिमला-मनाली आणि धर्मशाला-डलहौसी : 828790912
इतर बातम्या :