‘या’ पद्धतीने बनवा एकदम कडक मसाला चहा, एक घोट घेताच व्हाल ताजेतवाने

2026 चे नवीन वर्ष सुरू झाले आहे. त्यात वातावरणात खूप थंडावा असल्याने तुम्ही सर्वजण नवीन वर्षाच्या सकाळी थंड वाऱ्याचा आनंद घेत असाल. या थंडीत जर कोणी तुम्हाला कडक मसालेदार चहाचा कप दिला, तर नवीन वर्ष साजरा करण्याचा आनंद द्विगुणीत होईल. तर कडक मसालेदार चहा तुमचा सकाळचा थकवा आणि थंडी दोन्ही लगेच कमी करतो. पण आता तुम्ही घरी अद्भुत, गरम आणि स्वादिष्ट चहा बनवू शकता, जो केवळ तुमची चवच वाढवेल असे नाही तर तुमची सकाळची ऊर्जा आणि आनंद देखील वाढवेल. आजच्या लेखात आपण कडक चहा बनवण्याची एक सोपी रेसिपी जाणून घेणार आहोत तेही एका खास टिप्ससह जो तुमचा चहा प्रत्येक वेळी एकदम परफेक्ट होईल.

साहित्य

पाणी – 3 कप

दुध – 1.5 कप

चहा पावडर – 3 चमचे

साखर- 3 चमचे

वेलची- 2

पुदिन्याची पाने- 5 ते 6 (पर्यायी)

लेमनग्रास- 1 तुकडा

केशर- 4-5

दालचिनी पावडर

कडक मसाला चहा बनवण्याची पद्धत

तुमच्या नेहमीच्या चहाच्या भांड्यात 3 कप पाणी घेऊन मोठ्या आचेवर उकळू द्या. पाणी उकळत असताना त्यात वेलचीचे दाणे आणि किसलेले आले टाका. आता हे पाणी 3-4 मिनिटे उकळू द्या जेणेकरून मसाले नीट पाण्यात मिक्स होतील.

पाणी उकळ्यानंतर चहापावडर आणि साखर या पाण्यात मिक्स करा. त्यानंतर हे पाणी 3-4 मिनिटे उकळू द्या, लक्षात ठेवा की चहापावडर पाण्यात नीट उकळवा.

आता यात दीड कप दूध मिक्स करा आणि 2-4 मिनिटे चहा मस्तपैकी मोठ्या आचेवर उकळवा. हळूहळू ढवळत राहा. यामुळे चहाचा परिपूर्ण रंग आणि चव तयार होतो.

पुदिना आणि लेमनग्रास टाका आणि 1-2 मिनिटे चहा पुन्हा उकळवा. हवे असल्यास शेवटी चिमुटभर वेलची पावडर, दालचिनी किंवा काळी मिरी पावडर टाका.

अशा पद्धतीने कडक गरमागरम चहा पिण्यास तयार आहे.

टिप्स आणि ट्रिक्स

चहा मध्ये तुम्ही आलं किसून किंवा ठेचून टाकू शकता. तसेच चहा बनवताना नेहमी दूध खोलीच्या तापमानावर असावे.

चहा बनवताना दुध आणि पाणी योग्य प्रमाणात वापरा. अर्धा कप पाणी आणि दीड कप दूध मिक्स करून तुम्ही सहज तीन कप चहा बनवू शकता.

तुमच्या आवडीनुसार चहा मध्ये चहाचे मसाले आणि साखर मिक्स करा.

(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)