मुलं रोज नाश्त्यात नवीन कायतरी खायला मागताय? तर त्यांना बनवून द्या झटपट पॉइनॲप्पल फ्रेंच टोस्ट, जाणून घ्या रेसिपी
दररोज सकाळी प्रत्येक महिलेला सर्वात मोठी चिंता सतावत असते की नाश्त्यात नवीन कोणता पदार्थ बनवायचा जे मुलांसाठी हेल्दी असेल. तर चिंता करू नका आजच्या लेखात आपण अननस फ्रेंच टोस्ट या रेसिपीबद्दल जाणून घेऊयात जी मुलांसोबत घरातील प्रत्येक व्यक्तीला आवडेल.
रोज सकाळी उठताच प्रत्येक महिलेला पडलेला प्रश्न म्हणजे आज नाश्त्यात काय बनवायचे? त्यात मुलांना आवडेल असा कोणता नाश्ता तेही झटपट आणि हेल्दी बनवता येईल हा विचार सुरू असतोच. तर तुम्ही सुद्धा या समस्येमध्ये पडलेले असाल तर चिंता करून नका. कारण आजच्या लेखात आपण खरोखरच एक चविष्ट आणि नााविन्यपूर्ण अशी रेसिपी जाणून घेणार आहोत जी मुलांपासून मोठ्यापर्यंत प्रत्येकाला आवडेल.
तर डिशच नाव आहे पॉइनॲप्पल फ्रेंच टोस्ट. ही डिश बनवायला जितकी सोपी आहे तितकीच चविष्ट आहे. अननसाचा गोड आणि आंबट चव आणि फ्रेंच टोस्टचा मऊ टेक्सचर मुलांना इतका आवडेल की ते तुम्हाला ही डीश पुन्हा पुन्हा बनवण्याची शिफारस करतील. चला तर ही अननस फ्रेंच टोस्ट कशी बनवण्याची त्याला लागणारे साहित्य काय आहे ते जाणून घेऊयात.
पॉइनॲप्पल फ्रेंच टोस्टसाठी लागणारे साहित्य
ब्रेड स्लाईस: 4 ते 5 (तुम्हाला हवे असल्यास तुम्ही ब्राऊन ब्रेड देखील वापरू शकता)
अंडी: 2
दूध: अर्धा कप
पॉइनॲप्पल क्रश किंवा प्युरी: 3 टेबलस्पून (तुम्ही बारीक चिरलेला ताजा पॉइनॲप्पल देखील वापरू शकता)
साखर किंवा मध: चवीसाठी
व्हॅनिला एसेन्स: 2-3 थेंब (सुगंधासाठी)
बटर: ब्रेड टोस्ट करण्यासाठी
पॉइनॲप्पल फ्रेंच टोस्ट बनवण्याची पद्धत
प्रथम दोन्ही अंडी एका खोल भांड्यात फोडा. त्यात दूध, साखर (किंवा मध), पॉइनॲप्पल क्रश किंवा बारीक चिरलेला आणि व्हॅनिला एसेन्स टाका आणि नीट फेटून घ्या. तुमचे चविष्ट बॅटर तयार होईल.
आता गॅसवर एक नॉन-स्टिक तवा किंवा पॅन ठेवा. आच मध्यम करून तव्यावर थोडे बटर टाका आणि ते वितळू द्या.
आता ब्रेडचा एक स्लाईस घ्या आणि तो तयार केलेल्या अंडी आणि पॉइनॲप्पलच्या मिश्रणात दोन्ही बाजूंनी नीट बुडवा. ब्रेड जास्त वेळ मिश्रणात राहू देऊ नका, अन्यथा ब्रेड तुटू शकते याची काळजी घ्या.
मिश्रणात बुडवलेला ब्रेड लगेच गरम तव्यावर ठेवा. एका बाजूला सोनेरी होईपर्यंत टोस्ट करून घ्या. नंतर तो उलटा करा. दुसऱ्या बाजूला थोडे बटर लावा आणि कुरकुरीत होईपर्यंत टोस्ट करा.
उरलेली ब्रेडही त्याच पद्धतीने टोस्ट करा. तुमचा गरमागरम आणि स्वादिष्ट अननस फ्रेंच टोस्ट तयार आहे. आता तयार पॉइनॲप्पल फ्रेंच टोस्ट वरून थोडे मध टाका, ताज्या पॉइनॲप्पलच्या कापांनी सजवा आणि मुलांना द्या.
तर या टोस्टचा सुगंध आणि चव मुलांचा दिवस आनंददायी बनवेल आणि तुमच्या नाश्त्याच्या मेनूमध्ये कायमचा हिट होईल.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
