Vastu Tips | घरातील वास्तूदोष दूर करण्यासाठी प्रभावी उपाय, जाणून घ्या काय बदल कराल…
जीवनात आनंद, भरभराट आणि सुखसमृद्धी येण्यासाठी काही नियम ज्योतिष शास्त्राची शाखा असणाऱ्या वास्तुशास्त्र अभ्यासाद्वारे बनवले गेले आहेत.
मुंबई : जीवनात आनंद, भरभराट आणि सुखसमृद्धी येण्यासाठी काही नियम ज्योतिष शास्त्राची शाखा असणाऱ्या वास्तुशास्त्र अभ्यासाद्वारे बनवले गेले आहेत. या नियमांकडे दुर्लक्ष करणाऱ्या अनेक घरांमध्ये वास्तु दोष आढळतात. यावेळी, अनेक गंभीर समस्यांना सामोरे जावे लागू शकते. विशेषत: तेथे राहणाऱ्या लोकांना पैशाचे नुकसान होते, मानसिक छळ आणि अशांततेचा सामना करावा लागतो. आपल्या घरातही असे काही वास्तु दोष असल्यास, काही सोपे उपाय करूनही त्यावर मात करता येते (Vastu Tips for eliminate vastu dosh).
वास्तू दोष दूर करण्यासाठी काही टिप्स :
– सकाळी गायत्री मंत्राचा जप करा. आपण हे स्वत: करू शकत नसल्यास, त्यास ध्वनी प्रणालीमध्ये ठेवा आणि त्या आवाजाला संपूर्ण घराच्या कानाकोपऱ्यात पोहोचू द्या. याशिवाय कुटुंबातील सर्व सदस्यांनी संध्याकाळी एकत्र बसून गायत्री मंत्राची उपासना करावी.
– जर तुमच्या घराचा मुख्य दरवाजा दक्षिणेकडे उघडत असेल, तर तो कुटुंबातील सदस्यांसाठी डोके दुखी ठरू शकतो. अशा स्थितीत मुख्य दरवाज्यावर श्वेतार्क गणपती ठेवा. तसेच, घरच्या प्रमुखांनी सातमुखी रुद्राक्षची माळा धारण करा.
– ईशान्य भागाकडील प्रभागात देवघर असावे. या भागात अभ्यास, वाचन, मनन, चिंतन, प्राणायाम, ध्यानधारणा इ. अवश्य करावी. देवघर येथे घेणे शक्य नसेल तर निदान जपजाप्य, पोथीवाचन, ध्यान इ.गोष्टींसाठी येथे यावे.
– आपल्या पूजाघरात कधीही देवतांची छायाचित्रे समोरासमोर ठेवू नका, हा सगळ्यात मोठा वास्तूदोष आहे. याशिवाय पूजा घरात तुपाचा दिवा लावा आणि दररोज तीन वेळा शंख फुंका. शंखच्या आवाजाने घराची नकारात्मकता दूर होते (Vastu Tips for eliminate vastu dosh).
– पूजा कक्षातील भितींना पांढरा, फिकट पिवळा किंवा हलका निळा रंग लावा. दररोज पाण्यात हळद मिसळा आणि विड्याच्या पाने घरात ते पाणी शिंपडा.
– देवघरात देवाला वाहिलेली फुले व हार दुसर्‍या दिवशी काळजीपूर्वक काढा आणि नवीन हार किंवा फूल घाला.
– घराच्या ईशान्य भागात कचरा कधीही गोळा होऊ देऊ नका, तसेच भारी मशीन वगैरे ठेवू नका.
– आपल्या घराण्याची प्रगतीसाठी दाराच्या दोन्ही बाजूंच्या ठिकाण अशोक झाडे लावा. घरातील पश्चिम जागेत अडगळीचे समान ठेवा.
– दररोज घरात धूप जाळून त्यावर हवन साहित्य, कापूर आणि तूप टाकून, देवाचे मंत्र जपा. त्याचा धूर घराच्या प्रत्येक भागात जाऊ द्या, कारण यामुळे घराची नकारात्मकता नष्ट होईल.
– घराच्या भिंतीवर सुंदर हिरवीगार पालवी आणि मन आनंदी ठेवणारी चित्रे लावा. यामुळे घराच्या प्रमुखांना मानसिक शांती मिळेल.
(टीप : वरील माहिती केवळ वास्तुशास्त्राच्या आधारावर असून, वेबसाईट या माहितीशी सहमत असेलच असे नाही.)
(Vastu Tips for eliminate vastu dosh)
हेही वाचा :
Special Story: तुमच्या घराचा दरवाजा कोणत्या दिशेला हवा; काय सांगते वास्तुशास्त्र https://t.co/kTugv9fdfP #Vasstu #Home #vastu
— TV9 Marathi (@TV9Marathi) January 30, 2021
