मालेगावात एकाच दिवसात 51 रुग्ण कोरोनामुक्त, आतापर्यंत एकूण 428 रुग्णांना डिस्चार्ज

राज्यात कोरोनाबाधितांच्या संख्येत सातत्याने वाढ होत आहे. त्यामुळे प्रशासनाच्या चिंतेत वाढ झाली (Corona Patient recover in Malegaon) आहे.

मालेगावात एकाच दिवसात 51 रुग्ण कोरोनामुक्त, आतापर्यंत एकूण 428 रुग्णांना डिस्चार्ज

मालेगाव : राज्यात कोरोनाबाधितांच्या संख्येत सातत्याने वाढ होत आहे. त्यामुळे प्रशासनाच्या चिंतेत वाढ झाली (Corona Patient recover in Malegaon) आहे. पण याच दरम्यान मालेगावातून एक दिलासादायक बातमी समोर आली आहे. कोरोना हॉटस्पॉट ठरलेल्या नाशिक जिल्ह्यातील मालेगावात एकाच दिवसात तब्बल 51 कोरोना रुग्ण कोरोनामुक्त झालेले आहेत. तर तालुक्यात आतापर्यंत एकूण 428 रुग्ण कोरोनामुक्त झालेले आहेत. एवढ्या मोठ्या प्रमाणात कोरोना रुग्ण बरे झाल्याने नागरिकांनाही दिलासा मिळाला (Corona Patient recover in Malegaon) आहे.

कोरोना हॉटस्पॉट ठरलेल्या मालेगावातून एवढ्या मोठ्या प्रमाणात रुग्ण कोरोनामुक्त होत असल्याने आरोग्य यंत्रणा आणि प्रशासनाला मोठा दिलासा मिळाला आहे. त्यासोबत मालेगावातील 93 अहवाल आले असून यातील 90 अहवाल निगेटिव्ह आले आहेत. तर 3 अहवाल कोरोना पॉझिटिव्ह आले आहेत. मालेगावात आतापर्यंत एकूण 605 कोरोना रुग्ण आढळले आहेत. तर आतापर्यंत एकूण 33 कोरोना रुग्णांचा मृत्यू झाला आहे.

नाशिकमधील येवल्यातही आता कोरोना रुग्णांच्या संख्येत घट झाल्याचे समोर आले आहे. येवल्यात गेल्या दोन दिवसात कोरोना रुग्णांच्या संख्येत लक्षणीय घट दिसत आहे.

नाशिक शहरात आज दिवसभरात तीन कोरोना रुग्ण आढळले आहेत. तर कुंभारवाडा, सिद्धेश्वर नगर, गोसाविवाडी परिसर 14 दिवसांसाठी सील करण्यात आले आहे. नाशिकमध्ये आतापर्यंत 700 पेक्षा अधिकांना कोरोनाची लागण झाली आहे.

दरम्यान, राज्यात आतापर्यंत 29 हजार 100 कोरोना रुग्ण आढळले आहेत. तर 1 हजार 68 रुग्णांचा कोरोनाने मृत्यू झाला आहे. 6 हजार 564 कोरोना रुग्ण कोरोनामुक्त झालेले आहेत.

संबंधित बातम्या : 

Corona : पुणे 141, कोल्हापूर 7, औरंगाबाद 30, एकाच दिवसात कोरोना रुग्णांच्या संख्येत झपाट्याने वाढ

Maharashtra Corona Update | राज्यातील कोरोनाबाधितांचा आकडा 29 हजारांवर, मुंबईत 17,671 रुग्ण

कमेंट करा

कमेंट करा

Your email address will not be published. Required fields are marked *