सात खासदार फुटण्याची शक्यता, उद्धव ठाकरे यांनी उचलले मोठे पाऊल, पदाधिकाऱ्यांना सांगितले..

उद्धव ठाकरे यांच्या शिवसेना पक्षात मोठा बंड होण्याची शक्यता आहे. तश्या हालचाली देखील सुरू आहेत. काल दिल्लीमध्ये घडामोडी घडताना दिसल्या. उद्धव ठाकरे यांनी याच बंडाच्या पार्श्वभूमीवर आपल्या पक्षातील खासदारांची एक बैठक मातोश्रीवर घेतली होती. या बैठकीला काहीजण गैरहजर होते, ते ऑनलाईन पद्धतीने जॉईन झाल्याचे सांगण्यात आले. मात्र, त्यानंतर काल काही मोठ्या घडामोडी घडल्या. ऑपरेशन टायगर सुरू आहे. सूत्रांच्या माहितीनुसार, ठाकरे यांच्या पक्षातील काही खासदार थेट आपला वेगळा गट स्थापन करण्याची शक्यता आहे. ही शक्यता खरी ठरली तर खासदारांचा हा निर्णय म्हणजे उद्धव ठाकरे यांच्यासाठी मोठा धक्का असू शकते. ठाकरे सेनेकडून खासदार फुटीच्या बातमीने डॅमेज कंट्रोलचा प्रयत्न सुरू . कार्यकर्ते, पदाधिकाऱ्यांना विश्वासात घेण्याचे काम सुरू आहे. ईशान्य मुंबईच्या बैठकीत ठाकरेंनी मोठा विश्वास व्यक्त केला.

खासदार फुटीवर विश्वास ठेऊ नका, असेही त्यांनी आपल्या पदाधिकाऱ्यांना सांगितले. खासदार संजय दिना पाटीलसोबत आहेत, अफवांवर विश्वास ठेऊ नका, असे उद्धव ठाकरे यांनी पदाधिकाऱ्यांच्या बैठकीत सांगितले. याबाबतची अधिकची माहिती अशी की, काल मातोश्रीमध्ये ईशान्य मुंबईच्या पदाधिकाऱ्यांची बैठक पार पडली. या बैठकीला विभागप्रमुख, संघटक आणि पदाधिकारी बैठकीला उपस्थित होते.

यादरम्यान उद्धव ठाकरे यांनी संपूर्ण पदाधिकाऱ्यांना विश्वासात घेतले. खासदार फुटणार नाहीत, खासदार आपल्यासोबतच आहेत, अशाप्रकारचे विश्वास कालच्या बैठकीत उद्धव ठाकरे यांनी व्यक्त केला. खासदारांनाही सूचना देण्यात आल्या की, ज्यापद्धतीने बातम्या सुरू आहेत, त्यानुसार, पदाधिकाऱ्यांना विश्वासात घेऊन आपले स्पष्टीकरण देण्याच्या सूचना देखील उद्धव ठाकरे यांनी दिल्या आहेत.

ठाकरेंची शिवसेना फुटणार असल्याच्या चर्चांदरम्यान उद्धव ठाकरे यांनी काल मातोश्रीवर ईशान्य मुंबईच्या पदाधिकाऱ्यांची बैठक घेत काही महत्वाच्या सूचना खासदार फुटीच्या बातम्यांदरम्यान दिल्या आहेत. काल 12.30 वाजता ही बैठक मातोश्रीवर पार पडला. यादरम्यान उद्धव ठाकरे यांनी पदाधिकाऱ्यांना मार्गदर्शन केले. त्यानंतर पुन्हा सायंकाळी दिल्लीमध्ये काही मोठ्या घडामोडी घडताना दिसल्या. शिवसेना ठाकरे गटाचे 7 खासदार फुटणार असल्याची चर्चा आहे.