दुर्गादेवीची मूर्ती घेऊन जाताना भाविकांवर काळाचा घाला, समृद्धी महामार्गावर ट्रक आणि बोलेरोचा भीषण अपघात, 7 जणांचा मृत्यू, 12 जण गंभीर जखमी
Dhamangaon Railway Samruddhi Mahamarg Accident: अमरावती जिल्ह्यातील धामणगाव रेल्वे जवळ समृद्धी महामार्गावर ट्रक आणि बोलेरो टेम्पोपिकपमध्ये भीषण अपघात झाला. यामध्ये दुर्गादेवीची मूर्ती घेऊन जाणाऱ्या 7 जणांचा मृत्यू, तर गंभीर जखमी 12 आणि किरकोळ जखमी 6 जण झाल्याची प्राथमिक माहिती समोर येत आहे.
स्वप्नील उमप, प्रतिनिधी, टीव्ही 9 मराठी: अमरावती जिल्ह्यातील धामणगाव रेल्वे जवळ समृद्धी महामार्गावर ट्रक आणि बोलेरो टेम्पोपिकपमध्ये भीषण अपघात झाला. यामध्ये दुर्गादेवीची मूर्ती घेऊन जाणाऱ्या 7 जणांचा मृत्यू, तर गंभीर जखमी 12 आणि किरकोळ जखमी 6 जण झाल्याची प्राथमिक माहिती समोर येत आहे. जखमींना तातडीने धामणगाव ग्रामीण रुग्णालयात प्राथमिक उपचारासाठी आणले त्यानंतर जखमींची प्रकृती चिंताजनक असल्याने सर्व जखमींना वर्धा येथील वैद्यकीय महाविद्यालयात उपचारासाठी हलवण्यात आले आहे.
धामणगाव जवळ चॅनल 97 वर अपघात
शेगाव वरून दुर्गादेवी घेऊन वर्धा जात असताना धामणगाव जवळ चॅनल 97 वर अपघात झाला. समृद्धी महामार्गावर चॅनल 97 जवळ हा अपघात घडला. माहिती मिळताच पोलिस घटनास्थळी दाखल झाले. घटनेची माहिती मिळताच पोलीस अधीक्षक निकेतन कदम, धामणगाव नगराध्यक्ष अर्चना रोठे रुग्णालयात दाखल झाले. धामणगाव रेल्वे स्थानिक पोलीस, धामणगाव रेल्वे येथील स्थानिक नागरिक व पत्रकाराच्या सतर्कतेमुळे जखमींना तातडीने रुग्णालयात हलवण्यासाठी मदत झाली. अपघात कशामुळे घडला याची चौकशी सुरू करण्यात आली आहे.
जखमींवर वैद्यकीय महाविद्यालयात उपचार
समृद्धी महामार्गावर अमरावती जिल्ह्यातील धामणगाव रेल्वेजळ ट्रक आणि टेम्पोचा हा भीषण अपघात घडला. शेगाव येथून दुर्गा मातेची मूर्ती घेऊन भाविक वर्ध्याकडे निघाले होते. भाविकांच्या वाहनाला भीषण अपघात झाला. या अपघातात 12 जण गंभीर जखमी आणि किरकोळ जखमींची संख्या 6 आहे. त्यांच्यावर वर्धा येथील वैद्यकीय महाविद्यालयात उपचार सुरू आहेत. मंगरूळ दस्तगीर पोलीस या घटनेचा पुढील तपास करत आहेत.
कुटुंबावर दु:खाचा डोंगर
वर्धा येथील सोमनाथ ले आऊट, सिंधी मेघे येथील हे भाविक भक्त असल्याची माहिती समोर येत आहे. नवरात्रौ उत्सव लवकरच सुरू होत आहे. त्याचीच तयारी सुरू होती. युवा नवदुर्गा पूजा उत्सव समितीचे हे सदस्य मूर्ती खरेदीसाठी शेगावमध्ये आले होते. त्यांनी दुर्गादेवीची मूर्ती खरेदी केली. त्यानंतर धामणगाव रेल्वेजवळ त्यांच्या वाहनाचा भीषण अपघात झाला. यामध्ये 7 जण ठार, तर 12 जण गंभीर जखमी झाले आहेत. यामुळे परिसरावर शोककळा पसरली आहे.
अपघातातील मयतांची नावं
1-घनश्यामजी पाटील
2-ओम गावंडे
3-सचिन बादलमवार
4-दत्ता कुळसुंगे
