मोठी बातमी! अशोक खरातची बायको फरार? गुन्हा दाखल होताच…पोलीस घरी पोहोचताच…

Kalpana Kharat : भोंदू अशोक खरात प्रकरणात रोजच नवनवीन खुलासे होत आहेत. महिलांच्या लैंगिक शोषणाच्या आरोपांसोबतच अशोक खरातच्या आर्थिक व्यवहारांचीही चौकशी केली जात आहे. त्याच्याविरोधात 10 गुन्हे दाखल झाले आहेत. शिर्डी जमीन खरेदीतील कथित फसवणूक प्रकरणातही खरात याच्याविरोधात गुन्हा दाखल करण्यात आला आहे. विशेष म्हणजेच खरात याच्यासह त्याची कल्पना खरात यांनादेखील आरोपी करण्यात आले आहे. म्हणूनच अशोक खरात याच्या अडचणी आणखी वाढण्याची शक्यता व्यक्त केली जात आहे. दरम्यान, आता कायद्याने आपला फास आवळण्यास सुरुवात केल्यानंतर आता मोठी आणि धक्कादायक माहिती समोर आली आहे. अशोक खरातची पत्नी कल्पना खरात फरार झाल्याचे सांगण्यात येत आहे.

कल्पना खरात झाल्या फरार

सूत्रांच्या माहितीनुसार अशोक खरातची पत्नी कल्पना खरात या फरार झाल्या आहेत. शिर्डी पोलिसांत फसवणुकीचा गुन्हा दाखल झाल्यानंतर त्या फरार झाल्या आहेत. गुन्हा दाखल झाल्यानंतर शिर्डी पोलीस हे कल्पना खरात यांच्या मागावर आहेत. त्यांच्या अटकेसाठी दोन पथकं नाशिक आणि पुण्याच्या दिशेनं रवाना झाली आहेत. अशोक खरात याची पत्नी कल्पना खरात यांना कोणत्याही क्षणी अटक होण्याची शक्यता आहे. असे असतानाच आता कल्पना खरात या फरार असल्याचे सांगण्यात येत आहे.

पुण्यात आलिशान इमारतीत तीन बिएचके फ्लॅट

दुसरीकडे अशोक खरात याच्या मुलीबाबतही मोठी आणि धक्कादायक माहिती समोर आली आहे. भोंदूबाबा अशोक खरातच्या मुलीच्या नावावर पुण्यातील मॉडेल कॉलनीतील आलिशान इमारतीत 3 बीएचके फ्लॅट आहे. 24 रत्नम नावाच्या आलिशान सोसायटीत सातव्या मजल्यावर 1055 चौरस फुटांचा हा आलिशान फ्लॅट आहे. 13 सप्टेंबर 2023 रोजी हा फ्लॅट खरेदी करण्यात आला होता.

1 कोटी 20 लाख रोख स्वरुपात दिले

मिळालेल्या माहितीनुसार या फ्लॅटसाठी खरातने संबंधित बिल्डरला 1 कोटी 20 लाख रूपये रोख स्वरूपात दिले होते. सेल डीडमध्ये चेकने व्यवहार केल्याचा कुठलाही उल्लेख नाहीये. राज्यभरातील प्रमुख शहरांमध्ये खरातची स्थावर मालमत्ता असल्याचे समोर आले आहे. पुण्यातील सर्वाधिक महागड्या समजल्या जाणाऱ्या मॉडेल कॉलनीत त्याचे घर असल्याने आता आश्चर्य व्यक्त केले जात आहे.