भोंदूबाबा अशोक खरात महिलांसाठी वापरायचा वेगळा पॅटर्न… आणखी एका मोठ्या अपडेटने उडवली खळबळ

स्वयंघोषित ज्योतिषी आणि भोंदूबाबा अशोक खरात प्रकरणाने सर्वत्र वातावरण तापलं आहे. रोज भोंदूबाबा प्रकरणी वेगवेगळ्या आणि धक्कादायक अपडेट समोर येत असल्यामुळे त्याच्यावर कठोर कारवाई करण्यात यावी.. अशी मागणी होत आहे. दरम्यान, भोंदूबाबा अशोक खरात प्रकरणी आणखी एक धक्कादायक माहिती समोर आली आहे. ज्यामुळे सर्वत्र खळबळ उडाली आहे. समोर आलेल्या माहितीनुसार बाबा महिलांसाठी वेगळा मोबाईल फोन वापरत होता. त्या मोबाईलवर इतर कोणाचे नाही तर, फक्त महिलांचे फोन यायचे आणि भोंदूबाबा त्याच मोबाईलवरून फोन करायचा… अशी माहिती समोर येत आहे.

भोंदू बाबा याच्याकडे महिलांसाठी वेगळा फोन होता, तर इतर भाविकांसाठी वेगळा फोन असल्याची माहिती समोर येत आहे. महिलांच्या नंबर साठी बाबाने वेगळा मोबाईल घेतलेला. वास्तव नक्की काय आहे, हे कोणाच्या लक्षात येऊ नये म्हणून भोंदूबाबा खरात याचा वेगळात पॅटर्न होता…

भोंदू बाबा महिलांशी संपर्क साधण्यासाठी जो मोबाईल वापरत होता, त्या मोबाईलमध्ये फक्त महिलांचे नंबर असल्याची माहिती समोर आली आहे. एवढंच नाही तर, बाबाच्या प्रभावाखाली असलेल्या महिलांचे नंबर वेगळ्याच नावाने सेव्ह केले होते. आता याप्रकरणी अधिक चौकशी सुरु आहे.

सांगयचं झालं तर, भोंदूबाबा अशोक खरात याचे काळे सत्य समोर आल्यानंतर 17 मार्च रोजी खरात याच्याविरोधात तक्रार दाखल करण्यात आली आण 18 मार्च रोजी पहाटेच पोलिसांना त्याला अटक केली. त्यानंतर 1 तारखेपर्यंत पोलीस कोठडीत ठेवण्यात येणार आहे.

लिंगपिसाट अशोक खरातच्या काळा कारनाम्यांचे जवळपास 56 व्हिडीओ समोर आले. तसेच त्याच्याविरोधात 11 तक्रारी दाखल झाल्याची माहिती समोर आली आहे. भोंदूबाबाने महिलांना गूढ औषध देत त्यांच्यावर लैंगिक अत्याचार केले. एवढंच नाही तर, अल्पवयीन मुलींवर देखील त्याने अत्याचार केल्याची माहिती समोर येत आहे.

अशोक खरात याने फक्त महिलांवर अत्याचारच नाही तर, अनेक लोकांची आर्थिक फसवणूक, लुबाडणूक केली आहे.. अनेक उद्योजकांनी देखील त्याच्या विरोधात तक्रार दाखल केली आहे. एसआयटीचं पथक या संपूर्ण प्रकरणाचा तपास करत असून भोंदू खरातचे अनेक कारनामे, त्याची अश्लील कृत्य, लोकांना फसवण्यासाठी त्याने वापरलेल्या युक्त्या, या एकेक गोष्टींचा आता पर्दाफाश होत आहे. आता याप्रकरणी पुढे काय होणार पाहणं महत्त्वाचं ठरणार आहे.