AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

शरद पवार यांच्या निष्ठावंत कार्यकर्त्याचे उघड आव्हान, चार पक्षांचे निमंत्रण मिळाल्याचा दावा

Lok Sabha Election Maharashtra Politics: एकनाथ खडसे यांना ज्या प्रकारे भाजपने सुद्धा दारापुढे उभा करून ठेवला आहे. त्याच प्रकारे शरद पवार यांनीही त्यांना दारापुढे उभं करावे. शरद पवार यांना धोका देणाऱ्या एकनाथ खडसे यांचा आधी राजीनामा घेतला पाहिजे, अन्यथा त्यांची पक्षातून हकालपट्टी करावी, अशी मागणी संतोष चौधरी यांनी केली.

शरद पवार यांच्या निष्ठावंत कार्यकर्त्याचे उघड आव्हान,  चार पक्षांचे निमंत्रण मिळाल्याचा दावा
sharad pawarImage Credit source: TV9MARATHI
Jitendra Zavar
Jitendra Zavar | Updated on: Apr 16, 2024 | 8:39 AM
Share

लोकसभा निवडणुकीची रणधुमाळी सुरु असताना राजकीय पक्षांना आयाराम गयारामचा सामना करावा लागत आहे. तिकीट न मिळणारे उमेदवार दुसऱ्या पक्षाची साथ घेत आहेत. त्याचवेळी दुसऱ्या पक्षातून दोन दिवसांपूर्वी आलेल्या उमेदवारांना तिकीट दिले जात आहे. शरद पवार यांच्या राष्ट्रवादी काँग्रेसला या प्रकरणाचा फटका बसणार आहे. शरद पवार यांचे निष्ठावंत राहिलेले माजी आमदार पक्ष सोडण्याच्या तयारीत आहेत. आपणास चार पक्षांची ऑफर असल्याचे सांगत त्यांनी शरद पवार यांना उघड आव्हान दिले आहे. जळगाव जिल्ह्यातील राष्ट्रवादी काँग्रेस शरद पवार पक्षाचे माजी आमदार संतोष चौधरी यांनी पक्ष सोडण्याचा निर्णय जाहीर करताना माजी मंत्री एकनाथ खडसे यांच्यावर गंभीर आरोप केले आहेत.

चार पक्षांकडून ऑफर असल्याचा दावा

भुसावळचे माजी आमदार संतोष चौधरी हे शरद पवार राष्ट्रवादी पक्षाकडून उमेदवारी न मिळालेले नाराज आहेत. रावेर लोकसभेचे तिकीट काही दिवसांपूर्वी राष्ट्रवादी आलेले श्रीराम पाटील यांनी तिकीट मिळाले. संतोष चौधरी यांना तिकीट न मिळाल्याने त्यांनी जाहीर नाराजी व्यक्त करत पक्ष सोडणार असल्याचे सांगितले. आता ते प्रहारचे नेते बच्चू कडू यांची भेट घेणार असल्याची त्यांनी स्पष्ट केले आहे. चार, चार पक्षाचे निमंत्रण मला आहेत. तेही चार पक्षाच्या प्रदेशाध्यक्षांचे निमंत्रण आहेत. मी मुंबईवरून दिल्ली जाणार आहे. मी निष्ठावंत कार्यकर्ता आहे. त्यामुळे मी शरद पवार साहेबांना भेटून पुढचा निर्णय घेईल, असे संतोष चौधरी यांनी म्हटले आहे.

खडसे यांच्यावर घाणाघाती आरोप

रावेर लोकसभेचा राष्ट्रवादी काँग्रेसचा उमेदवार एकनाथ खडसे यांच्या सांगण्यावरून निश्चित झाला आहे. त्यांच्या सांगण्यावरूनचं श्रीराम पाटील यांना उमेदवारी मिळाली, असा दावा संतोष चौधरी यांनी केला आहे. महाविकास आघाडीचे सरकार एकनाथ खडसे यांच्या पायगुणामुळे गेले. खडसे राष्ट्रवादीत आले नसते तर हे सरकार गेले नसते. बारा आमदारांची यादी देखील थांबली ते देखील खडसे यांच्या नावामुळे थांबली आहे. खडसे माणूसच कुरापती करणारा आहे, असा आरोप संतोष चौधरी यांनी केला.

शरद पवार यांनी खडसे यांचा राजीनामा घ्यावा

एकनाथ खडसे यांना ज्या प्रकारे भाजपने सुद्धा दारापुढे उभा करून ठेवला आहे. त्याच प्रकारे शरद पवार यांनीही त्यांना दारापुढे उभं करावे. शरद पवार यांना धोका देणाऱ्या एकनाथ खडसे यांचा आधी राजीनामा घेतला पाहिजे, अन्यथा त्यांची पक्षातून हकालपट्टी करावी, अशी मागणी संतोष चौधरी यांनी केली.

एकनाथ खडसे यांच्या 137 कोटी रुपयांच्या प्रकरणाला स्टे का? असा प्रश्न करत ते म्हणाले, एकनाथ खडसे यांना मी जेलमध्ये टाकल्याशिवाय स्वस्थ बसणार नाही. खडसे यांनी किती जणांना जेलमध्ये टाकले आहे, ते विसरले का? असा सवाल संतोष चौधरी यांनी केला.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी