मोठी बातमी! शिवसेना ठाकरे गटात मोठा भूकंप, नेत्याने सोडली उद्धव ठाकरेंची साथ, शेकडो कार्यकर्त्यांसह भाजपात प्रवेश

राजकीय वर्तुळातून मोठी बातमी समोर येत आहे. शिवसेना ठाकरे गटाला आणखी एक मोठा धक्का बसला आहे, नेत्यानं आपल्या शेकडो कार्यकर्त्यांसह शिवसेना ठाकरे गटाचे प्रमुख उद्धव ठाकरे यांची साथ सोडत भाजपात प्रवेश केला आहे. लोकसभा निवडणुकीत महाविकास आघाडीला चांगलं यश मिळालं होतं, मात्र त्यानंतर विधानसभा निवडणुकीत हे यश महाविकास आघाडीला टिकवता आलं, नाही या निवडणुकीत महाविकास आघाडीचा मोठा पराभव झाला, महायुतीला या निवडणुकीत मोठं यश मिळालं तेव्हापासून शिवसेना ठाकरे गटात गळती सुरू झाली आहे. अनेक दिग्गज नेत्यांनी उद्धव ठाकरे यांची साथ सोडत शिवसेना शिंदे गट आणि भाजपात प्रवेश केला. दरम्यान ही गळती थांबवण्यात अजूनही उद्धव ठाकरे यांना यश मिळालेलं नाहीये.  आता पुन्हा एकदा शिवसेना ठाकरे गटाला मोठा धक्का बसला आहे.

डोंबिवलीमध्ये शिवसेना ठाकरे गटाला मोठा धक्का बसला आहे.  शहर प्रमुख प्रकाश तेलगोटे यांनी आपल्या शकडो कार्यकर्त्यांसह भाजपात प्रवेश केला आहे.  कल्याण डोंबिवलीत महापालिकेची निवडणूक संपल्यानंतर हा शिवसेना ठाकरे गटासाठी पहिला मोठा धक्का मानला जात आहे.  शिवसेना ठाकरे गटाच्या शहरप्रमुखांनी शेकडो पदाधिकारी कार्यकर्त्यांसह भाजपात प्रवेश केला आहे.  भाजप प्रदेश अध्यक्ष रविंद्र चव्हाण आणि भाजप नगरसेवक दिपेश म्हात्रे यांच्या उपस्थितीत प्रकाश तेलगोटे यांनी भाजपात प्रवेश केला. दरम्यान समोर आलेल्या माहितीनुसार प्रकाश तेलगोटे हे शिवसेना ठाकरे गटावर नाराज होते, पक्षातील वरिष्ठ नेत्यांच्या मनमानीमुळे त्यांनी उद्धव ठाकरे यांची साथ सोडत भाजपात प्रवेश केल्याचं बोललं जात आहे.

महापालिका निवडणुकीत देखील एक दोन महापालिका वगळता शिवसेना ठाकरे गटाला म्हणावं असं यश मिळालं नाही. या निवडणुकीत देखील भाजप हा राज्यात नंबर एकचा पक्ष राहिला तर शिवसेना शिंदे गटाला देखील चांगलं यश मिळालं.  त्यानंतर आता पुन्हा एकदा नेते इतर पक्षात प्रवेश करताना दिसत आहेत. ही पक्षाला लागलेली गळती रोखण्याचं मोठं आव्हान आता उद्धव ठाकरे यांच्या समोर असणार आहे.