Bird Flu | बर्ड फ्ल्यू माणसांनाही होऊ शकतो, काळजी घ्या; डॉ. अजित रानडे यांचं आवाहन

परभणीत बर्ड फ्ल्यूमुळे कोंबड्यांचा मृत्यू झाल्याचं आढळून आलं आहे. त्यापार्श्वभूमीवर ‘टीव्ही9 मराठी’शी संवाद साधताना डॉ. अजित रानडे यांनी हे आवाहन केलं. (bird flu Virus can transmit to Humans says dr. ajit ranade)

  • विनायक डावरुंग, टीव्ही 9 मराठी, मुंबई
  • Published On - 12:04 PM, 11 Jan 2021

मुंबई: राज्यात बर्ड फ्ल्यूने त्याचं अस्तित्व दाखवलं आहे. पक्ष्यांमध्ये होणारा हा आजार असला तरी तो माणसांनाही होऊ शकतो. त्यामुळे काळजी घ्या, असं आवाहन पशु वैद्यकीय महाविद्यालयाचे अधिष्ठाता डॉ. अजित रानडे यांनी केलं आहे. (bird flu Virus can transmit to Humans says dr. ajit ranade)

परभणीत बर्ड फ्ल्यूमुळे कोंबड्यांचा मृत्यू झाल्याचं आढळून आलं आहे. त्यापार्श्वभूमीवर ‘टीव्ही9 मराठी’शी संवाद साधताना डॉ. अजित रानडे यांनी हे आवाहन केलं. बर्ड फ्ल्यू हा पक्ष्यांमध्ये होणारा आजार आहे. स्थलांतरित पक्ष्यांमुळे हा आजार पसरतो. हा विषाणू पक्ष्यांसाठी घातक आहे. माणसांनाही त्याची लागण होऊ शकते. पण माणसांना या रोगाची लागण होणं अत्यंत दुर्मिळ आहे. पण काळजी घेतली पाहिजे, असं रानडे म्हणाले.

जगात 42 लोकांना बर्ड फ्ल्यूची लागण

गेल्या पाच वर्षातील आकडेवारी पाहिली तर जगात आतापर्यंत 40 ते 42 लोकांना बर्ड फ्ल्यूची लागण झालेली आहे. महाराष्ट्रात तर अशी एकही केस आढळलेली नाही, असं त्यांनी स्पष्ट केलं. तसेच पक्ष्यांसोबत राहणाऱ्यांनी काळजी घ्यायला हवी. पोल्ट्रीफार्ममध्ये स्थलांतरित पक्ष्यांचा शिरकाव होणार नाही, याची दक्षता घेण्याची गरज असल्याचंही त्यांनी सांगितलं.

चिकन-अंडी खा

मुंबईत अजूनही कुठे हा फ्ल्यू आढळलेला नाही. मुंबईत काही भागात मृत अवस्थेत पक्षी आढळून आले. त्यांचे नमूने तपासले जात आहेत. त्याचा अहवाल आल्यावरच योग्य ते निदान होईल, असंही ते म्हणाले. चिकन-अंडी खाण्यास हरकत नाही. पण 70 डिग्री तापमानावर ते शिजवून खावे, असं त्यांनी सांगितलं. 2006 साली पहिल्यांदा आपल्या देशात हा रोग आला. पुण्यात या रोगाचे नमूने तपासले जातात. त्यानंतर अंतिम परिक्षणासाठी भोपाळला पाठवतात, असंही त्यांनी स्पष्ट केलं. (bird flu Virus can transmit to Humans says dr. ajit ranade)

 

संबंधित बातम्या:

Bird Flu | परभणीत 80 हजार कोंबड्या मारणार; 6 जिल्ह्यात धोका: मंत्री सुनील केदार

Bird Flu | परभणीत बर्ड फ्ल्यूचा धसका; संध्याकाळपर्यंत 10 हजार कोंबड्या नष्ट करणार

परभणीतल्या कोंबड्यांचा मृत्यू बर्ड फ्लूनेच, जिल्हाधिकाऱ्यांची माहिती, महाराष्ट्र अलर्टवर

Bird Flu | राज्यात बर्ड फ्ल्यूचं संकट; चिकन-अंडी खाणाऱ्यांसाठी पशुसंवर्धन मंत्र्यांचा मोलाचा सल्ला

(bird flu Virus can transmit to Humans says dr. ajit ranade)