LPG Cylinder : गॅसची टंचाई आणि थेट सिलेंडरची धाडसी चोरी, चोरट्याने हॉस्पिटलच्या स्वयंपाकगृहातून गॅस टाकीच पळवली

LPG Cylinder Stolen in Buldana: देशभरात गॅस सिलेंडरच्या तुटवड्याने हाहाकार उडाला आहे. पहाटे पाच वाजेपासून नागरिक एका सिलेंडरसाठी एजन्सीबाहेर रांगेत उभे आहेत. बुकिंग करूनही गॅस मिळत नसल्याची नागरिकांची ओरड आहे. एका सिलेंडरसाठी इतकी कसरत सुरू असताना आता घरगुती गॅस सिलेंडर सुरक्षित नसल्याचे समोर आले आहे. घरगुती गॅसचा व्यावसायिक वापराच्या तक्रारी समोर येत आहे. अनेक ठिकाणी छापेमारीत गॅस टाक्या हस्तगत करण्यात येत आहे. या धामधुमीत एका चोरट्याने तर कहर केला आहे. त्याने बुलडाणा येथील रुग्णालयाच्या स्वयंपाकगृहातून गॅस सिलेंडर पळवला. त्यामुळे एकच खळबळ उडाली आहे.

गॅस सिलेंडरच पळवाल

बुलडाणा शहरातील क्षय आरोग्यधाम(टीबी रुग्णालय) येतील स्वयंपाकगृहातून भरलेला गॅस सिलेंडर चोरीला गेला आहे. सोबतच काही साहित्यही चोरीला गेल्याचे समोर आले आहे. चोरट्यांनी स्वयंपाकगृहाचा दरवाजा तोडून चोरी केली. या ठिकाणी 17 सिलेंडर होते. त्यातील एक सिलेंडर त्याने चोरला. त्याने इतर साहित्याचीही येथून चोरी केल्याचे समोर येत आहे. या चोरच्या घटनेची राज्यात चर्चा सुरू आहे. तर काही रुग्णालयांतील कॅँटिन मालक घटनेने अलर्ट झाले आहे. रात्रीच्यावेळी आता जागरण करावे काय असा सवालही विचारला जात आहे.

कर्मचारी गॅस वितरणामध्ये हेराफेरी करत असल्याचा आरोप

धाराशिवमध्ये मुबलक गॅस पुरवठा असल्याचा प्रशासनाकडून सांगण्यात येत आहे मात्र दुसरीकडे घरपोच गॅस पुरवठा बंद करण्यात आला आहे. त्यामुळे गॅस वितरणामध्ये गोंधळाची परिस्थिती निर्माण झाली असून गॅस एजन्सी बाहेर नागरिकांच्या रांगा पाहायला मिळत आहेत. सकाळपासूनच गॅस साठी लोक रांगेत उभा आहेत. गॅस वितरण करणारे कर्मचारी ओळखीच्या लोकांना हेराफेरी करून गॅस पुरवठा करत असल्याचा आरोप नागरिकांनी केलाय. दुसरीकडे तासनतास रांगेत ताटकळत राहावं लागत असल्याने नागरिक संतप्त आहेत.

तर सलग तिसऱ्या दिवशी गॅस एजन्सी बाहेर लोकांच्या लांबच लांब रांगा पाहायला मिळत आहेत. गॅस एजन्सी सुरू होण्याअगोदरच सकाळी सात वाजेपासून लोकांनी गॅस साठी गर्दी केलेली पाहायला मिळत आहे. गॅस वितरणाचं योग्य नियोजन नसल्यानेच गॅस मिळत नसल्याचा आरोप नागरिकांनी केलाय. एकीकडे मुबलक गॅस पुरवठा असल्याचा प्रशासन सांगत असताना या गोंधळाच्या परिस्थितीमुळे प्रशासनाच्या नियोजनावर प्रश्नचिन्ह निर्माण झाला आहे. तर सरकारकडून गॅस टंचाई, तुटवडा नसून प्राधान्याने ग्राहकांना त्याचा पुरवठा केल्या जात असल्याचा दावा करण्यात येत आहे.