कुठे टू-व्हिलरची अंत्ययात्रा, तर कुठे गाड्या भंगारात विकल्या, इंधन दरवाढीविरोधात काँग्रेस आक्रमक
यावेळी केंद्र सरकार विरोधात जोरदार घोषणाबाजी करण्यात आली. तसेच पेट्रोल, डिझेलची दरवाढ तातडीने मागे घ्या, अशी मागणीही यावेळी करण्यात आली. (Congress Agitation against Petrol Diesel Price hike)
मुंबई : गेल्या काही दिवसांपासून इंधनाच्या दरात सातत्याने वाढ होत आहे. त्यामुळे सर्वसामान्य जनतेच्या खिशाला फटका बसत आहे. सतत सुरु असलेल्या इंधन दरवाढीच्या विरोधात काँग्रेस राज्यव्यापी आंदोलन करत आहे. पुणे, कोल्हापूर, इचलकरंजी, सोलापूर, वर्धा यांसह ठिकठिकाणी जिल्ह्यातील पेट्रोल पंपांवर काँग्रेस कमिटीकडून निदर्शन करण्यात आले. यावेळी केंद्र सरकार विरोधात जोरदार घोषणाबाजी करण्यात आली. तसेच पेट्रोल, डिझेलची दरवाढ तातडीने मागे घ्या, अशी मागणीही यावेळी करण्यात आली. (Congress Agitation against Petrol Diesel Price hike)
कोल्हापुरात पेट्रोल डिझेल दरवाढीविरोधात आंदोलन
पेट्रोल डिझेल दरवाढीविरोधात आज काँग्रेस राज्यव्यापी आंदोलन केले. कोल्हापुरात शेतकरी पेट्रोल पंपावर हे आंदोलन करण्यात येणार आहे. या आंदोलनात काँग्रेस नेते आणि पालकमंत्री सतेज पाटील सहभागी होणार आहे.
पेट्रोल, डिझेल व गॅस दरवाढीच्या निषेधार्थ नेरूळ तालुका ब्लॉक काँग्रेसचे अध्यक्ष रवींद्र सावंत यांच्या नेतृत्वाखाली वतीने अभिनव पध्दतीने ‘लॉलीपॉप’ आंदोलन करण्यात आले. पेट्रोलपंपावर इंधन भरण्यासाठी आलेल्या चालकांना यावेळी काँग्रेसच्या आंदोलनकर्त्याकडून ‘लॉलीपॉप’ चॉकलेट देण्यात आले. pic.twitter.com/LTgRSAyXXw
— Maharashtra Congress (@INCMaharashtra) June 7, 2021
पुण्यात 25 पेट्रोल पंपांसमोर आंदोलन
कोल्हापूरपाठोपाठ पुण्यात पेट्रोल, डिझेलच्या दरवाढीविरोधात काँग्रेसकडून आंदोलन करण्यात येत आहे. पुण्यात विविध ठिकाणच्या 25 पेट्रोल पंपांसमोर आंदोलन करण्यात येत आहे. अलका टॉकीज चौकातील पेट्रोल पंपावर माजी आमदार मोहन जोशी यांच्या नेतृत्वाखाली आंदोलन करण्यात येणार आहे.
सोलापुरात गाड्या भंगारात विकून आंदोलन
सोलापुरात इंधन दरवाढीविरोधात युवक काँग्रेसच्या वतीने निषेध आंदोलन करण्यात आले. सोलापुरात गाड्या भंगारात विकून आंदोलन करण्यात आले. यावेळी अनेक स्कुटी, गाड्या भंगारात विकण्यात आल्या. तसेच यावेळी दिवसेंदिवस वाढणाऱ्या पेट्रोल डिझेल दरवाढीचा निषेध करण्यात आला. यावेळी मोदी सरकारच्या विरोधात जोरदार घोषणाबाजी करण्यात आली.
मोदी सरकारने पेट्रोल-डिझेलमधून कराच्या रुपाने लाखो कोटी रुपये नफा मिळवून सामान्य जनतेला महागाईच्या खाईत लोटले. सरकारच्या या अन्यायी इंधन दरवाढीविरोधात यवतमाळ येथे आंदोलन करण्यात आले. pic.twitter.com/9Zp53WCkts
— Maharashtra Congress (@INCMaharashtra) June 7, 2021
पेट्रोल पंपपर्यंत टू व्हीलरची अंत्ययात्रा
इचलकरंजी शहरात शहर काँग्रेसच्या वतीने पेट्रोल डिझेल दरवाढीच्या विरोधात निदर्शन करण्यात आली. मोदी सरकार चले जाव, अशी घोषणाबाजी यावेळी करण्यात आली. तसेच शहरातील पेट्रोल पंप पर्यंत टू व्हीलरची अंत्ययात्रा काढण्यात आली. राज्यातील पेट्रोल डिझेल दर कमी करावेत, अन्यथा तीव्र आंदोलन करण्यात येईल, असा इशारा काँग्रेस कार्यकर्त्यांनी दिला आहे.
मोदी सरकारने पेट्रोल-डिझेलमधून कराच्या रुपाने लाखो कोटी रुपये नफा मिळवून सामान्य जनतेला महागाईच्या खाईत लोटले. सरकारच्या या अन्यायी इंधन दरवाढीविरोधात नाशिक शहर कॉंग्रेस मध्य विभागाच्या वतीने हातगाडीवर दुचाकी ठेवून अनोख्या पद्धतीने आंदोलन करण्यात आले. pic.twitter.com/QCHk59eeLa
— Maharashtra Congress (@INCMaharashtra) June 7, 2021
मोदी सरकारच्या काळात इंधनदरवाढ नित्याची
कोरोनाच्या संकटाने जनता त्रस्त असताना त्यात महागाईचा मार सहन करावा लागत आहेत. मोदी सरकारच्या इंधन व गॅसच्या अन्यायी दरवाढीविरोधात श्रीरामपूर तालुका व शहर कॉंग्रेस कमिटीतर्फे आंदोलन करण्यात आले. pic.twitter.com/Pt0uMi0cfh
— Maharashtra Congress (@INCMaharashtra) June 7, 2021
मुंबई-पुण्यासह अनेक शहरात पेट्रोलचं शतक
आंतरराष्ट्रीय बाजारात (International Market) कच्च्या तेलाच्या (Crude Oil) किंमतीत सातत्याने वाढ होत आहे. याचा परिणाम देशांतर्गत बाजारात (Domestic Market) इंधनाच्या दरावरही झाला आहे. गेल्या काही दिवसांपासून पेट्रोल आणि डिझेलच्या किंमतीत (Petrol Diesel Rate) सातत्याने वाढ होत आहे. देशभरातील विविध शहरांमध्ये आज (सोमवार, 7 जून 2021) पेट्रोल दरात प्रतिलीटर 28 पैशांनी वाढ झाली आहे. तर डिझेलचा दरही 27 पैशांनी वाढला आहे.
मुंबई, पुण्यासह इतर शहरात पेट्रोलच्या दराने शतक गाठलं आहे. आज पुणे शहरात पेट्रोलचा दर हा शंभरच्या पुढे गेला आहे. सध्या पुणे शहरात पेट्रोल हे प्रतिलीटर 101.38 रुपये इतका झाला आहे. तर डिझेलचा दर हा 91.94 रुपये इतका आहे. त्याशिवाय मुंबईत पेट्रोलने शंभरी ओलांडली आहे. मुंबईत पेट्रोल हे 100.98 रुपये प्रतिलीटर इतक्या दराने विकले जात आहे. तर मुंबईत डिझेलचा दर 92.99 रुपये एवढा आहे. (Congress Agitation against Petrol Diesel Price hike)
मोदी सरकारने पेट्रोल-डिझेलमधून कराच्या रुपाने लाखो कोटी रुपये नफा मिळवून सामान्य जनतेला महागाईच्या खाईत लोटले. सरकारच्या या अन्यायी इंधन दरवाढीविरोधात नाशिक येथे महाराष्ट्र इंटक अध्यक्ष मा. जयप्रकाश छाजेड यांच्या नेतृत्वाखाली आंदोलन करण्यात आले. pic.twitter.com/g5DPMqKvYt
— Maharashtra Congress (@INCMaharashtra) June 7, 2021
संबंधित बातम्या :
Petrol Diesel Price | इंधन दरवाढीचा भडका, महाराष्ट्रात पेट्रोल शंभरी पार, नवे दर काय?
सोन्याचा दर पुन्हा गगनाला भिडणार; वर्षाअखेरीस सोन्याचा प्रतितोळा भाव किती?
महागाईचा भडका, इंधनदरवाढीपाठोपाठ खाद्यतेलाच्या किंमती गगनाला, दर काय?
