पालघर मायलेकीची हत्या प्रकरण, मुख्य आरोपीला उत्तर प्रदेशातून अटक
हा आरोपी धर्म आणि जातीनुसार आपली नाव बदलून महिलांसोबत लग्न करुन त्यांची फसवणूक करत होता.
पालघर : बोईसर येथील दुहेरी महिला हंत्याकांडातील दोन आरोपींना अटक (Palghar Double Murder Case Accused) करण्यात पोलिसांना यश आलं आहे. या आरोपींपैकी एकाला पोलिसांनी उत्तर प्रदेश येथून अटक करण्यात आली आहे (Palghar Double Murder Case Accused).
हा आरोपी धर्म आणि जातीनुसार आपली नाव बदलून महिलांसोबत लग्न करुन त्यांची फसवणूक करत होता. बोईसर येथील पास्थळ येथील माय लेकींच्या दुहेरी हत्या प्रकरणात बोईसर स्थानिक गुन्हे शाखेने मुख्य आरोपीला उत्तर प्रदेशातील मिर्झापूर येथून अटक केली, तर दुसऱ्या सहआरोपीलाही पोलिसांनी ही अटक केली आहे.
पास्थळ येथील छाया निवास या सदनिकेत मागील आठवड्यात लक्ष्मी पवार (वय 50) आणि तिच्या मुलीचा मृतदेह कुजलेल्या अवस्थेत आढळून आला होता. तपासात सदर महिलेच्या पती आणि दुसरा सहआरोपीकडून या दोन्ही माय लेकींची हत्या करण्यात आल्याचं उघड झालं. धक्कादायक बाब म्हणजे आरोपी आपल्या बनावट नावासह या ठिकाणी गेल्या अनेक महिन्यांपासून या दोन्ही महिलांसोबत राहत होता. यापूर्वी देखील त्याने खोट्या नावाचा आसरा घेऊन एका मुस्लिम महिलेची फसवणूक केल्याची माहिती समोर आली आहे.
या दोन्ही आरोपीला न्यायालयात हजर केलं असता दोन्ही आरोपींना पोलीस कोठडी सुनावण्यात आली आहे. अद्याप हत्येचे कारण अस्पष्ट आहे. याप्रकरणी पालघर पोलीस अधिक तपास करत आहेत. तसेच, या आरोपीने आणखी कोणाकोणाची फसवणूक केली आहे याचाही शोध पोलीस घेत आहेत.
चार वर्षीय मुलीवर अतिप्रसंग करुन जिवंत गोणीत बांधून फेकले, पोलिसांच्या सतर्कतेने चिमुकलीला जीवनदानhttps://t.co/KG7Lcco54r#MinorRapeCase #CrimeNews @MumbaiPolice
— TV9 Marathi (@TV9Marathi) December 21, 2020
Palghar Double Murder Case Accused
संबंधित बातम्या :
महाराष्ट्रात किती टक्के महिलांवर पतीकडून हिंसाचार? NHS च्या अहवालात धक्कादायक खुलासे
नात्याला काळिमा! सावत्र आईने चिमुकल्याला गरम तव्यावर उभे करून दिले चटके
