महिलेसोबत शुटिंगचा वाद विकोपाला, 3 तरुण आपसात भिडले, एकाला गच्चीवरुन खाली फेकलं

कोणते वाद कधी आणि कोणत्या थराला पोहोतील काहीही सांगता येत नाही. रागाच्या भरात एखादी व्यक्ती आपलं नियंत्रण गमावते आणि त्या काही मिनीटांच्या रागातून मोठी घटना घडते. जी अत्यंत भयानक असते. आता देखील असंच काही घडलं आहे.  महिलेसोबतचा शुटिंगचा वाद विकोपाला गेला आणि त्यामध्ये एका तरुणाला स्वतःचा जीव गमवावा लागला. ही घटना नाशिक याठिकाणी घडली आहे.  ज्यामुळे सर्वत्र खळबळ उडाली असून पोलीस घटनेची कसून चौकशी करत आहेत.

मिळालेल्या माहितीनुसार, महिलेसोबत केलेल्या शुटिंगचा वाद मनात धरत तीन तरुणांमधील वाद विकोपास गेला. यामध्ये एका तरुणाचा मृत्यू झाला आहे. राहुल संजय सरकटे असं मृत व्यक्तीचं नाव असून, त्याचं वय 30 वर्ष आहे. नाशिक येथील विल्होळी येथे ही धक्कादायक घटना घडली आहे.

समोर  येत असलेल्या माहितीनुसार, राहुल सरकटे आणि वैभव मेंगळ यांची झटापट झाली. घराच्या गच्चीवर संशयितांनी तिघांवर कोयत्याने हल्ला केल्याचा आरोप आहे. गाडेकर, खरे आणि राहुल यांच्यावर संशयितांकडून जीवघेणा हल्ला केला. त्यानंतर रक्तबंबाळ अवस्थेतील राहुल याला गच्चीवरून खाली फेकल्याने त्याचा जागीच मृत्यू झाला.

घडलेल्या घटनेनंतर पोलिसांनी तातडीने कारवाई करत तीन संशयितांना अटक केली आहे.  अजय रामदास गांगुर्डे, वैभव गोविंद मेंगळ यांच्यासह तिसऱ्या संशयिताला पोलिसांनी ताब्यात घेतलं असून पोलीस आता प्रकरणाची कसून चौकशी करत आहे.

वादाची सुरुवात नेमकी कशामुळे झाली. या प्रकरणात आणखी किती जणांचा सहभाग आहे? तरुणाला फेकून देण्याची वेळ का आली? अशा सर्व पैलूंचा विचार करत पोलिसांनी चौकशी सुरु केली आहे. या प्रकरणामुळे परिसरात खळबळ उडाली आहे.

मंगळवारी देखील नाशिक येथे एक धक्कादायक घटना घडल्याची माहिती समोर आली. गर्लफ्रेंडने मित्राच्या मदतीने घरातच बॉयफ्रेंडची गळा चिरुन हत्या केली. वसंत गोरखनाथ सातपुते असं चाळीस वर्षीय मृत व्यक्तीचे नाव आहे.  कथित आरोपी महिला हसिना शेख आणि मृत वसंत सातपुते लिव्हइन रिलेशनशिपमध्ये राहत होते.

समोर येत असलेल्या माहितीनुसार, मृत सातपुते सतत हसिना यांचे पैसे चोरायचा आणि मद्यपान देखील करायचा. एवढंच नाही तर, त्याला जुगाराचं देखील व्यसन असल्याचा संशय व्यक्त करण्यात येत आहेय. याच कारणामुळे दोघांमध्ये सतत वाद व्हायचे… पोलीस या प्रकरणाचा देखील कसून तपासा करत आहेत.