श्वेता महाले यांनी पुन्हा संजय गायकवाड यांना डिवचलं, आमच्या..
आमदार श्वेता महाले आणि संजय गायकवाड यांच्यातील वाद काही थांबण्याचे नाव घेत नाही. त्यातच श्वेता महाले यांनी पुन्हा मोठा टोला गायकवाड यांना लगावला. दोन्ही नेत्यांमधील वाद महायुतीसाठी डोकेदुखी ठरलीये.
आमदार संजय गायकवाड आणि आमदार श्वेता महाले यांच्यातील वाद काही कमी होण्याचे नाव घेत नाहीये. त्यातच आता पुन्हा एकदा संजय गायकवाड यांना श्वेता महाले यांनी जोरदार टोला लगावला. बाप तो बाप रहेगा, विषय वाढताना दिसला. आमदार महाले बाप तो बाप रहेगा, या गाण्यावर थिरकल्या. यावर आमदार संजय गायकवाड माध्यमांशी बोलताना म्हटले होते की, बाप तो बाप रहेगा हे माणसाने बोललेले बरं. पण एखाद्या बाईने म्हटले की, बाप आहे… तर बाई बापासारखे शरीर कुठून आणणार आहे. गायकवाड आणि महाले यांच्यातील वाद कमी व्हायचा तर हा वाद वाढताना दिसत आहे. पुन्हा आमदार श्वेता महाले यांनी संजय गायकवाड यांना डिवचल्याचे बघायला मिळाले. यासोबतच यावेळी त्यांनी राहुल बोंद्रेवरही टीका केली.
आमदार श्वेता महाले म्हणाल्या की, बुलढाण्याचा बिहार झालेला आहे. आपल्याला पुन्हा बिहारचा आपला शांत बुलढाणा करायचा आहे. यापुढे बुलढाणा मतदारसंघात कुठेही हुकूमशाही दडपशाही अजिबात चालणार नाही.विजुभाऊंच्या (सत्कार कार्यक्रमाचे आयोजक ) पत्नीलाही उचलून नेण्याची व गायब करण्याची भाषा झाली, असल्याचा गंभीर आरोप श्वेता महाले यांनी यादरम्यान केला.
बुलढाणा मतदार संघातील गावात सत्कार स्वीकारताना चिखलीच्या भाजप आमदार श्वेता महाले यांनी पुन्हा आमदार संजय गायकवाडांना डिवचलं. त्यांनी बुलढाण्याचा बिहार झाल्याचे म्हटले. यादरम्यान त्यांनी माजी आमदार राहुल बोंद्रेंवर टीका केली. यावेळी थेट म्हटले की, आमच्या चिखली मतदारसंघातही एक नटरंग आहे… नाव न घेता त्यांनी ही टीका केली.
भाजपा आमदार महाले आणि शिंदे गटाचे आमदार संजय गायकवाड यांच्यातील वाद काही कमी होत नाहीये. दोन्ही बाजूंनी आरोप केली जात आहेत. राहुल ब्रोंद्रे हे काँग्रेसमधून भाजपात प्रवेश करणार होते, त्याची सर्व जबाबदारी ही श्वेता महाले यांच्यावर होती. मात्र, ऐनवेळी काँग्रेसचे नेते राहुल गांधी यांचा फोन राहुल ब्रोंद्रेंना आला आणि त्यांनी आपला निर्णय बदलला. हा मोठा धक्का आमदार महालेंसाठी होता.
