VIDEO : माजी मंत्री पंकजा मुंडे अचानक ‘गारवा’ रसवंती गृहात

बीड/मुंबई : भाजप नेत्या आणि माजी मंत्री पंकजा मुंडे (Pankaja Munde) या बीड दौऱ्यावर आहेत. प्रजासत्ताक दिनाच्या (Republic Day) निमित्ताने त्यांनी आज वैद्यनाथ सहकारी साखर कारखाना येथे ध्वजारोहण करून राष्ट्रध्वजाला सलामी दिली. या कार्यक्रमाचे फोटो त्यांनी सोशल मीडियावर शेअर केले आहेत. “वैद्यनाथचा गळीत हंगाम यंदा मी सुरू करू शकले याचा मला आनंद आहे. शेतकऱ्यांनी आपला ऊस वैद्यनाथमध्येच गळीतास आणावा. हा कारखाना लोकनेते मुंडे साहेबांचा आत्मा आहे” असं पंकजा मुंडे म्हणाल्या. (Former minister Pankaja Munde suddenly enters ‘Garwa’ Raswanti house, tasted sugarcane juice)

दरम्यान, पंकजा मुंडे यांनी माजलगावकडे जाताना प्रवासादरम्यान ऊसाच्या रसाचा  (sugarcane juice) आस्वाद घेतला. त्याबाबतची माहितीही त्यांनी ट्विटरवर शेअर केली आहे. “माजलगावकडे जात असताना टालेवाडी फाटा येथे श्री गणेश बडे यांच्या ‘गारवा’ रसवंती गृहाला भेट देऊन उसाचा रस पिण्याचा आनंद घेतला”, असं पंकजा मुंडे यांनी म्हटलं आहे.

माजलगावकडे जात असताना टालेवाडी फाटा येथे श्री गणेश बडे यांच्या ‘गारवा’ रसवंती गृहाला भेट देऊन उसाचा रस पिण्याचा आनंद घेतला. pic.twitter.com/YF6dmJGmLU

— Pankaja Gopinath Munde (@Pankajamunde) January 26, 2021

नवनियुक्त ग्रामपंचायत सदस्यांचा सत्कार

दरम्यान, पंकजा मुंडे यांनी या दौऱ्यावेळी ठिकठिकाणी ग्रामपंचायत सदस्यांचे सत्कार केले. “नुकत्याच झालेल्या ग्रामपंचायत निवडणुकींमध्ये माजलगाव तालुक्यातील चोपनवाडी ग्राम पंचायतची निवडणूक बिनविरोध पार पडली.आज नियोजित कार्यक्रमानिमित्त माजलगावकडे जात असताना चोपनवाडी ग्रामपंचायतच्या नवनिर्वाचित सदस्यांनी भेट घेऊन सत्कार केला”, असंही ट्विट पंकजा मुंडे यांनी केलं आहे.

नुकत्याच झालेल्या ग्रामपंचायत निवडणुकींमध्ये माजलगाव तालुक्यातील चोपनवाडी ग्राम पंचायतची निवडणूक बिनविरोध पार पडली.आज नियोजित कार्यक्रमानिमित्त माजलगावकडे जात असताना चोपनवाडी ग्रामपंचायतच्या नवनिर्वाचित सदस्यांनी भेट घेऊन सत्कार केला. pic.twitter.com/dKtkrgkOES

— Pankaja Gopinath Munde (@Pankajamunde) January 26, 2021

पंकजा मुंडेंचा महाबळेश्वर दौरा

नुकतंच पंकजा मुंडे यांनी महाबळेश्वर दौरा केला होता.  त्यांनी मुलगा आणि पतीसोबत महाबळेश्वरची छोटी टूर केली होती. त्याचे फोटो त्यांनी सोशल मीडियावर शेअर केले आहेत. पंकजा मुंडे यांनी या टूरच्या निमित्ताने आलेले काही अनुभवही शेअर केले. लोकांनी गाडी थांबवून फोटोसाठी केलेली विनंती, लोकांच्या प्रेमाचा, आग्रहाचा किस्सा पंकजा मुंडेंनी सोशल मीडियावर शेअर केला होता.

संबंधित बातम्या  

पंकजा मुंडे हवा बदलासाठी महाबळेश्वरमध्ये, दोन फोटोंसह नवा किस्सा शेअर    

धनंजय मुंडे अडचणीत, पंकजा मुंडेंच्या राष्ट्रवादी प्रवेशाची चर्चा, जयंत पाटील म्हणतात….  

पंकजा मुंडे कुठे आहेत?; मौनामागचं कारण काय? 

(Pankaja Munde Mahabaleshwar)