आकाशात उडालेले प्रशिक्षणार्थी विमान १०० फूट दरीत कोसळले; वैमानिक बनण्याचे स्वप्न अपुरेचं राहिले
बिरसी येथील विमानतळाहून तीनच्या सुमारास विमान उडाले. त्यात पायलट आणि प्रशिक्षणार्थी महिला होती. त्यानंतर पंधरा मिनिटांनी हे विमान क्रॅश झाले.
गोंदिया : बिरसी येथील विमानतळाहून तीनच्या सुमारास विमान उडाले. त्यात पायलट आणि प्रशिक्षणार्थी (Trainee) महिला होती. त्यानंतर पंधरा मिनिटांनी हे विमान क्रॅश (Plane crash) झाले. हे विमान दोन पहाळांच्या मध्य भागात जळताना दिसले. त्यानंतर पोलीस घटनास्थळी रवाना झाले. ही दुर्घटना बालाघाट (Balaghat) जिल्ह्यातील लांजी आणि किरणापूरच्या मधात भक्कुटोला-कोसमारा पहाडीवर घडली. या घटनेत विमान क्रॅश झाला आहे. त्याठिकाणी पोहचणे कठीण आहे.
दोन पहाडांमध्ये कोसळले विमान
प्रशिक्षणार्थी पायलटचे नाव रुकशंका वरसुका आणि पायलटचे नाव मोहित आहे. बालाघाट येथील पोलीस अधीक्षक समीर सौरभ यांनी सांगितलं की, हे प्रशिक्षणार्थी विमान होते. ते गोंदियातील बिरसी विमानतळावरून उडाले होते. ही घटना बालाघाटवरून ४० किलोमीटर अंतरावर घडली. जंगलात पोहचण्यास अडचणी येत आहेत.
विमानात होते दोन जण
गोंदियातील बिरसी विमानतळावरून उड्डाण केलेल्या प्रशिक्षण विमान उडाले. ते जवळच्या मध्य प्रदेशाच्या बालाघाट जिल्ह्यात अपघात झाला. यात पायलट आणि एक प्रशिक्षणार्थी वैमानिकांचा मृत्यू झाला आहे. मृतकाचे नाव पायलट मोहित तर महिला प्रशिक्षणार्थी वैमानिकाचे नाव वरसुका असे आहे. घटना आज दुपारी साडेतीनच्या सुमाराची आहे.
१०० फूट दरीत कोसळले
बालाघाट जिल्ह्यातील किरणापूर पोलीस ठाण्याच्या हद्दीतील भुक्कुटोला येथे घनदाट जंगल आले. जंगलात हा अपघात झाला. जवळ-जवळ 100 फूट खोल दरीत क्रॅश झालेले विमान सापडले आहे. या प्रकरणाची माहिती मिळताच बालाघाट पोलीस घटनास्थळी रवाना झाले आहेत. दरीत विमान कोसळल्याने त्या ठिकाणी विमानाचे पेट घेतला. ही दरी दोन डोंगरांच्या मधात आहे. त्यामुळे बचावकार्यात अडथळा येत असल्याची माहिती आहे.
अपघाताचे कारण काय
या विमानात एक जण पायलट होता. तर दुसरी प्रशिक्षणार्थी महिला होती. तिनं वैमानिक होण्याचं स्वप्न पाहिलं होतं. पण, अचानक झालेल्या या दुर्घटनेत तिचा मृत्यू झाला. अपघाताचे कारण अद्याप समोर आलं नाही. परंतु, आज दिवसा ढगाळ वातावरण होतं. त्यामुळं कदाचित हा अपघात झाला असावा, अशी शक्यता व्यक्त केली जात आहे.
