यंदाच्या पावसाळ्यात 19 वेळा समुद्राला येणार मोठी भरती,या तारखांना सावध राहा

मोठी भरती असण्याच्या कालावधीदरम्यान नागरिकांनी समुद्रकिनाऱ्याजवळ जाऊ नये, तसेच या मुंबई महानगरपालिकेद्वारे वेळोवेळी देण्यात येणा-या सुचनांचे काटेकोरपणे पालन करावे, असे आवाहन महानगरपालिकेने नागरिकांना पुन्हा एकदा केले आहे.

Reporter Akshay Mankani | Edited By: Atul Kamble | Updated on: Jun 23, 2025 | 8:38 PM

पावसाळ्याला सुरुवात झाली असली तरी यंदाच्या मान्सूनमध्ये उद्या दि.२४ जूनपासून दि. २८ जून २०२५ पर्यंत असे सलग ५ दिवस समुद्राला मोठी भरती येणार आहे.यंदाच्या पावसाळ्यात जून ते सप्टेंबर या ४ महिन्यांच्या कालावधीदरम्यान १९ वेळा समुद्राला मोठी भरती असणार आहे. यावेळी समुद्रात साडेचार मीटरपेक्षा अधिक उंचीच्या लाटा उसळणार आहेत. त्यामुळे नागरिकांना या दिवसात समुद्राच्या किनारी पावसात भिजताना सावधान राहावे असे म्हटले जात आहे.

उद्याच्या मंगळवार दि. २४ ते २८ जून २०२५ पर्यंत असे सलग पाच दिवस समुद्राला मोठी भरती येणार आहे. यंदाच्या पावसाळ्यात म्हणजेच जून ते सप्टेंबर या चार महिन्यांच्या कालावधीदरम्यान एकूण १९ वेळा समुद्राला मोठी भरती येणार आहे. या भरती दरम्यान समुद्रामध्ये साडेचार मीटरपेक्षा अधिक उंचीच्या लाटा उसळणार आहेत. या पावसाळ्यातील मोठ्या भरतीचा तपशिल मुंबई महानगरपालिकेच्या आपत्कालीन व्यवस्थापन विभागामार्फत जाहीर करण्यात आला आहे.

सर्वाधिक उंचीची लाट दि. २६ जून रोजी उसळणार

यामध्ये भरतीचा दिनांक आणि वेळ यासह भरती दरम्यान समुद्रात उसळणा-या लाटांची उंचीदेखील नमूद करण्यात आली आहे. यानुसार यंदाच्या पावसाळ्यात सर्वाधिक उंचीच्या लाटा दि. २६ जून २०२५ रोजी उसळणार आहेत. मोठी भरती असण्याच्या सर्व दिवशी भरती कालावधीदरम्यान नागरिकांनी समुद्रकिनाऱ्याजवळ जाऊ नये, तसेच या मुंबई महानगरपालिकेद्वारे वेळोवेळी देण्यात येणा-या सुचनांचे काटेकोरपणे पालन करावे, असे आवाहन महानगरपालिकेने नागरिकांना पुन्हा एकदा केले आहे.

यंदाच्या पावसाळ्या दरम्यान मोठ्या भरतीचा तपशिल खालीलप्रमाणेः-