Video : तब्बल 20 वर्षांपासून बंद होता तुपाचा डबा, झाकण उघडताच दिसलं असं काही की भलेभले थक्क; व्हिडीओची तुफान चर्चा!
हा व्हिडीओ पाहून सगळेच थक्क झाले आहेत. विशेष म्हणजे व्हिडीओमध्ये जे काही दिसलंय ते पाहून अनेकजण चकित झाले आहेत. सोबतच या व्हिडीओत जो दावा करण्यात आलाय, त्यावरही मतमतांतरं व्यक्त केली जातायत.
Social Media Viral Video : सोशल मीडियावर कधी काय व्हायरल होईल हे सांगता येत नाही. सध्या सोशल मीडियावर एक अजब व्हिडीओ आला आहे. हा व्हिडीओ पाहून सगळेच थक्क झाले आहेत. विशेष म्हणजे व्हिडीओमध्ये जे काही दिसलंय ते पाहून अनेकजण चकित झाले आहेत. सोबतच या व्हिडीओत जो दावा करण्यात आलाय, त्यावरही मतमतांतरं व्यक्त केली जातायत.
व्हिडीओत नेमकं काय आहे?
सध्या समोर आलेल्या एका व्हिडीओत 20 वर्षांपूर्वीच्या तुपाचा एक डबा दाखवण्यात आलाय. हा डबा तब्बल 20 वर्षांपासून बंद होता, असा दावा करण्यात आलाय. 2006 मध्ये संबंधित व्यक्तीच्या आजोबांचे निधन झाले होते. त्यानंतर त्यांनीच या डब्यात तूप ठवले होते. आता हा डबा उघडण्यात आलाय, असं व्हिडीओ पोस्ट करणाऱ्या राजू शाह नावाच्या व्यक्तीने सांगितलंय. हा व्हिडीओ पाहून आता तूप किती वर्षे टिकू शकते, असे विचारले जात आहे. तर काही नेटकऱ्यांनी व्हिडीओमध्ये दिसणारे तूप नसून ते तुर्कीमधील पारंपरिक ‘तुलुम चीज’ हा पदार्थ असल्याचे अनेकजण सांगत आहेत.
आयुर्वेदात जुन्या तुपाला विशेष महत्त्व
दरम्यान, आयुर्वेदात जुन्या तुपाला ‘पुराण घृत’ असं म्हटलं जातं. 10 ते 15 वर्षे जुने तूप ‘कुंभसर्पि’ म्हणून ओळखले जाते. पारंपरिक आयुर्वेदिक उपचारांमध्ये अशा तुपाचा उपयोग काही औषधे तयार करण्यासाठी केला जात असल्याचे सांगितले जाते. मानसिक आरोग्य, त्वचेचे विकार आणि जखमांवरील उपचारांमध्ये त्याचा उल्लेख आढळतो.
एक आदमी 20 साल बाद अपने घर लौटा था, उसके दादा ने एक डिब्बे मे घी रखा था।
2006 में उसके दादा जी मर गए थे जब वो 20 साल बाद आया और डब्बे को खोला तो घी बिल्कुल सही था।
@grok बताओ क्या इतने साल तक घी खराब नही होता है क्या? https://t.co/mmDwc66HMk
— Raju shah (@iamshah0786) November 1, 2026
तूप की चीज? नेटकऱ्यांमध्ये दोन गट
दरम्यान, या व्हिडीओवर नेटकऱ्यांच्या संमिश्र प्रतिक्रिया येत आहेत. काहींनी शुद्ध तूप आणि मध योग्य पद्धतीने साठवल्यास दीर्घकाळ टिकू शकतात, असे म्हटले आहे. तर काहींनी व्हिडीओमध्ये दिसणारा पदार्थ तुर्कीचे पारंपरिक ‘तुलुम चीज’ असल्याचा दावा केला आहे. काही युजर्सनी त्यातील दुधाचे घटक पाहून तो तूप नसल्याचे म्हटले आहे. त्यामुळे व्हिडीओत दिसणारा पदार्थ हा 20 वर्षे जुने तूप असल्याचे अद्याप सिद्ध झालेले नाही किंवा स्वतंत्रपणे त्याची पडताळणीही करण्यात आलेली नाही.
