जळगावमध्ये कारचा भीषण अपघात, तीन जणांचा मृत्यू, तीन गंभीर जखमी

जळगावमधून मोठी बातमी समोर येत आहे. जळगाव परिसरातील गाडेगाव येथील घाटात चारचाकी वाहनाचा भीषण अपघात झाला आहे. या अपघातामध्ये तीन जणांचा मृत्यू झाल्याची प्राथमिक माहिती समोर आली आहे, तर इतर तीन जण गंभीर जखमी झाले आहेत. जखमींना उपचारासाठी तातडीने रुग्णालयात दाखल करण्यात आलं आहे. अपघातग्रस्त वाहनातून सहा जण प्रवास करत होते, याच दरम्यान जळगाव परिसरातील गाडेगाव येथील घाटात हा भीषण अपघात झाला आहे. या अपघातामध्ये तीन जणांचा जागीच मृत्यू झाला तर तीन जण गंभीर जखमी झाले आहेत. हा अपघात नेमका कशामुळे झाला याचं कारण अद्याप अस्पष्ट आहे. परंतु चालकाचं वाहनावरील नियंत्रण सुटल्याने हा अपघात झाल्याचा अंदाज व्यक्त केला जात आहे.

घटनेबाबत अधिक माहिती अशी की, जळगाव जवळील गाडेगाव येथील घाटात हा अपघात घडला आहे. चालकाचं कारवरील नियंत्रण सुटून हा अपघात झाल्याची प्राथमिक माहिती आहे. चालकाचं वाहनावरील नियंत्रण सुटल्यानंतर वाहनाने सहा पलट्या मारल्याची माहिती स्थानिकांकडून देण्यात आली आहे. दरम्यान या कारचा जेव्हा अपघात झाला तेव्हा सहा जण प्रवास करत होते. यातील तीन जणांचा जागीच मृत्यू झाला आहे, तर तीन जण गंभीर जखमी झाले आहेत, त्यांना स्थानिकांच्या मदतीने उपचारासाठी रुग्णालयात दाखल करण्यात आलं आहे.

दरम्यान या अपघातामधील मृत आणि जखमींची नाव अद्याप समोर आलेली नाहीयेत, मृत आणि जखमींची ओळख पटवण्याचं काम सुरू असल्याची माहिती पोलिसांकडून देण्यात आली आहे. हा अपघात इतका भीषण होता की अपघातामध्ये कारचा देखील चुराडा झाला आहे. अपघाताची माहिती मिळताच स्थानिकांनी तातडीने घटनास्थळी धाव घेतली आणि कारमध्ये अडकलेल्या लोकांना बाहेर काढलं. या घटनेमुळे परिसरात हळहळ व्यक्त होत आहे. अपघात झाला तेव्हा कारने तब्बल सहा पलट्या मारल्याचं येथील स्थानिकांनी सांगितलं. हा अपघात एवढा भीषण होता की, कारचा देखील चुराडा झाला आहे.