उद्धव ठाकरे अ‍ॅक्शन मोडमध्ये, आज मातोश्रीवर मोठे निर्णय होणार? आदेश सुटणार? सर्व आमदारांची..

उद्धव ठाकरे यांच्या पक्षातून मोठी बंडखोरी झाली. 6 खासदारांनी पक्षाची साथ सोडली. थेट लोकसभा अध्यक्षांना या खासदारांनी पत्र लिहित स्वतंत्र गट स्थापन करण्याबाबत पत्र दिले. दिल्लीत मोठ्या घडामोडी घडतांना दिसल्या. शिवसेना ठाकरे गटाने खासदारांना बैठकीचे व्हिप जारी केले. मात्र, व्हिप जारी केल्यानंतरही हे खासदार बैठकीला उपस्थित राहिले नाहीत. यानंतर या 6 खासदारांनी एकनाथ शिंदे यांच्या उपस्थितीमध्ये थेट शिवसेना शिंदे गटात प्रवेश केला. हा उद्धव ठाकरे यांच्याकरिता अत्यंत मोठा झटका होता. उद्धव ठाकरे यांनी या 6 खासदारांच्या मतदार संघात जात सभा घेतल्या. यादरम्यान त्यांच्याकडून जोरदार टीका यांच्यावर करण्यात आली. उद्धव ठाकरे मुंबईत दाखल होताच विधान परिषदेच्या उपसभापती पदाकरिता सचिन आहिर यांनी थेट अर्ज भरला. हा उद्धव ठाकरे यांच्याकरिता मोठा दुसरा धक्का ठरला. सचिन आहिर यांचा मोठा जनसंपर्क वरळी मतदार संघात आहे. आदित्य ठाकरेंच्या अत्यंत जवळचे म्हणून सचिन आहिर यांची ओळख होती.

सचिन आहिर यांच्या शिवसेना शिंदे गटाच्या प्रवेशाने थेट झटका बसला. त्यामध्येच अजूनही काही आमदार हे एकनाथ शिंदे यांच्या संपर्कात असल्याचे सांगितले जाते. सचिन आहिर यांच्या शिवसेना शिंदे गटातील प्रवेशानंतर आता उद्धव ठाकरे अलर्ट मोडवर आहेत. त्यांनी तात्काळ आमदारांची बैठक बोलावली आहे. आज सायंकाळी 7 वाजता राज्यातील आमदारांची बैठक मातोश्री येथे पार पडणार आहे.

पक्षफुटीच्या पार्श्वभूमीवर उद्धव ठाकरे या आमदारांसोबत संवाद साधणार असल्याची माहिती मिळत आहे. नक्की कोण आमदार एकनाथ शिंदे यांच्या संपर्कात आहेत, हे कळू शकले नाही. पण आमदार फुटणार असल्याची जोरदार चर्चा आहे. आता शिवसेना ठाकरे गटाच्या या बैठकीकडे राज्याच्या नजरा आहेत. ठाकरे गट अलर्ट मोडवर आहे.

ज्यावेळी खासदारांच्या फुटीच्या चर्चा रंगल्या होत्या, त्यावेळीही ठाकरेंकडून मातोश्रीवर बैठकीचे आयोजन करण्यात आले होते. कारण राज्यात अजूनही शिंदेंचे ऑपरेशन टायगर सुरू आहे. ठाकरे गटाला मोठा धक्का शिंदे देऊ शकतात. या बैठकीला नक्की कोण कोण आमदार दाखल होतात हे पाहण्यासारखे ठरणार आहे.