एकनाथ शिंदेंचे धक्कातंत्र सुरूच… आठ दिवसात दुसरा मोठा धक्का… अजून कोण फुटणार?
Sachin Ahir Legislative Council Deputy Chairman: ठाकरे सेनेलाच नाही तर सर्वांनाच उपमुख्यमंत्री एकनाथ शिंदे यांनी मोठा धक्का दिल्याचे मानले जात आहे. सचिन अहिर विधान परिषदेच्या उपसभापती पदाचा अर्ज भरला आहे. आज अर्ज भरण्याचा अखेरचा दिवस होता. शिंदे यांनी पुन्हा एकदा ऑपरेशन टायगर राबवले आणि अहिर यांना उपसभापती पदी घेण्याचा निर्णय घेतला.
Eknath Shinde – Uddhav Thackeray- Sachin Ahir: उपमुख्यमंत्री एकनाथ शिंदे यांनी आठ दिवसात उद्धव ठाकरे यांना दुसरा मोठा धक्का बसला. उद्धव ठाकरे हे विदर्भ आणि मराठवाडा दौऱ्यावरून परत येताच शिंदे सेनेने ऑपरेशन टायगर राबवले. कुणालाही थांगपत्ता न लागू देता हे ऑपरेशन करण्यात आले. सचिन अहिर हे थेट विधान परिषद उपसभापती पदाचा अर्ज भरतानाच समोर आले. त्यामुळे सर्वांनाच मोठा धक्का बसला. वरळी विधानसभा मतदारसंघात सचिन अहिर यांची मोठी ताकद आहे. यापूर्वी शिंदे सेनेने 6 खासदार फोडले. त्यानंतर आठच दिवसात हा मोठा धक्का मानल्या जात आहे.
6 खासदारानंतर दुसरा धक्का
याच महिन्यात उद्धव ठाकरे यांना एकनाथ शिंदे यांनी मोठा धक्का दिला. ऑपरेशन टायगरमध्ये मराठवाडा, विदर्भ, अहिल्यानगर आणि मुंबईतील खासदारांना सुरूंग लावल्या गेला. गेल्या आठवड्यात राज्यात हायहोल्टेज ड्रामा रंगला होता. खासदारानंतर आता ऑपरेशन टायगरमध्ये उद्धव ठाकरे गटाचे सर्व आमदार संपर्कात असल्याचा दावा शिंदे सेनेकडून करण्यात आला आहे. त्यामुळे या आठ दिवसानंतर आगामी काळात उद्धव सेनेला पुन्हा धक्कातंत्र देण्याची तयारी शिंदे सेनेने केल्याचे मानले जाते.
संजय दिना पाटील
संजय जाधव
संजय देशमुख
नागेश आष्टीकर पाटील
भाऊसाहेब वाकचौरे
ओमराजे निंबाळकर
हे खासदार फुटल्यानंतर आता आमदार सचिन अहिर हे सुद्धा शिंदे गटात दाखल झाले आहेत. आदित्य ठाकरे यांच्या जवळच्या मतदारसंघातच फुटीचे मोठे बीज रोवल्या गेल्याने हा मोठा धक्का मानल्या जात आहे. उद्धव ठाकरे यांचे कोण कोणते नेते आणि आमदार शिंदे सेनेच्या वाटेवर आहेत याची चर्चा सुरू आहे.
क्रमवार यादीत कोण कोण?
आता कोणते आमदार शिंदे सेनेत येतील असा प्रश्न मंत्री आणि प्रवक्ते संजय शिरसाट यांना विचारला असता. क्रमवार यादी तयार आहे. त्यातील कुणाला कधी घ्यायचे याचा निर्णय उपमुख्यमंत्री आणि आमचे नेते एकनाथ शिंदे घेतील असे सूचक वक्तव्य शिरसाट यांनी केले आहे. त्यामुळे येत्या काही दिवसात ठाकरे सेनेला अजून धक्के बसण्याची शक्यता आहे.
घराणेशाही करेल तो बर्बाद होईल
घराणेशाही करेल तो बर्बाद होईल अशी प्रतिक्रिया महसूल मंत्री चंद्रशेखर बावनकुळे यांनी दिली. त्यांनी 2019 मधील घडामोडींवर मोठी टीका केली. त्यावेळी उद्धव ठाकरे यांच्या निर्णयावर त्यांनी टीका केली. ठाकरे यांनी पाठ फिरवताच यवतमाळ आणि इतर ठिकाणी पदाधिकाऱ्यांनी राजीनामा दिल्याचे त्यांनी सांगितले.
