महाराष्ट्रात एकाच ठिकाणी दोन रेल्वे स्टेशन ते देखील वेगवेगळ्या नावाने, कुठे आहेत ?

Indian Railways : एकाच ठिकाणी दोन वेगवेगळ्या नावांची रेल्वे स्थानके (Railways Station) आहेत. असे तुम्हाला कुणी सांगितले तर विश्वास बसणार नाही. पण हे खरं आहे. ते देखील महाराष्ट्रातच. महाराष्ट्रात (Maharashtra) असलेल्या अहमदनगर (Ahamdnagar) जिल्ह्यात ही आश्चर्यकारक बाब आहे. श्रीरामपुर आणि बेलापुर ही दोन स्थानकं एकाच ठिकाणी आहे. फक्त या स्थानकांचे रेल्वे ट्रॅक विरुद्ध दिशेला आहे. या स्थानकांमुळे अनेक प्रवाश्यांची दिशाभूल होत असते. त्यामुळे या स्थानाकावरून प्रवास करणाऱ्यांना विशेष काळजी घ्यावी लागते. प्लॅटफॉर्म क्रमांक तपासूनच येथे प्रवास करावा लागतो. अन्यथा प्रवाशांचा गोंधळ हा निश्चित असतो.

महाराष्ट्रात रेल्वेचा विस्तार मोठ्या प्रमाणात आहे. तसा रेल्वेचा इतर देशांच्या तुलनेत विचार केला तर भारताचा रेल्वे विस्तारात जगात चौथा क्रमांक लागतो.

याशिवाय ऑस्ट्रेलियाची जितकी लोकसंख्या आहेत तितकेच प्रवासी भारतातील रेल्वेने दररोज प्रवास करतात असा दावा देखील अनेकदा केला जातो.

त्यामुळे भारतातील रेल्वेचा विस्तार बघता रेल्वेने प्रवास करणाऱ्यांची संख्या मोठी आहे. त्यामुळे रेल्वेचा विस्तार करतांना विशेष काळजी घेण्यात आली आहे.

असे असले तरी महाराष्ट्रात अहमदनगर येथील एकाच ठिकाणी दोन वेगवेगळ्या नावाची असलेली रेल्वे स्थानके अनेकदा चर्चेचा विषय ठरत असते.

याशिवाय असे देखील एक रेल्वे स्थानक आहे जिथे दोन राज्यांची सीमा आहेत. महाराष्ट्र आणि गुजरात राज्याची सीमा असलेल्या ठिकाणी नवापुर रेल्वे स्थानक आहे.

या रेल्वेस्थानकावर एक अशी बाब आहे जी संपूर्ण देशात कुठेही नाही. एकच प्रवासी सूचना ही चार भाषेत केली जाते. त्यात इंग्रजी, हिन्दी, मराठी आणि गुजराती भाषांचा समावेश आहे.

त्यामुळे शक्यतो आपण कुठल्याही रेल्वे स्थानकावर गेलो तर तिथे एकाच स्थानकाचे नाव असते. परंतु महाराष्ट्रातील अहमदनगर जिल्ह्यातील एकाच ठिकाणी दोन स्थानके असल्याने त्याची अनेकदा चर्चा होत असते.