बलात्काऱ्याचं पाद्यपूजन करणं हे महिला आयोगाच्या अध्यक्षांचं काम आहे का? करुणा मुंडे भडकल्या; थेट मागणी काय?

नाशिकच्या अशोक उर्फ कॅप्टन खरात प्रकरणात धक्कादायक खुलासे होताना दिसत आहेत. काही व्हिडीओही पुढे आली आहेत. यादरम्यानच महिला आयोगाच्या अध्यक्षा रुपाली चाकणकर यांच्या राजीनाम्याची मागणी केली जात आहे. या प्रकरणावर आता करुणा मुंडे यांनी मोठे भाष्य केले. यासोबतच त्यांच्याकडून रुपाली चाकणकर यांच्या राजीनाम्याची थेट मागणी करण्यात आली. चाकणकर यांच्यावर काही गंभीर आरोपही करण्यात आले. करुणा मुंडे यांनी म्हटले की, रुपाली चाकणकर यांनी महिला आयोगाच्या अध्यक्षपदाचा राजीनामा द्यावा नसेल तर मुख्यमंत्र्यांनी त्यांना बडतर्फ करावे. महिला आयोगाच्या अध्यक्षा एका बलात्कारी व्यक्तीच्या घरी रांगोळी काढतात आणि दुसऱ्या बलात्कारीच्या पाद्यपूजन करत आहेत. हे महिला आयोगाच्या अध्यक्षांचे काम आहे का? असा प्रश्नही करुणा मुंडे यांनी उपस्थित केला.

पुढे बोलताना करुणा मुंडे यांनी म्हटले की, रुपाली चाकणकर यांना लाज वाटली पाहिजे.. महिला आयोग पद संविधानिक आणि जबाबदारी पद आहे. महिला आयोगाच्या अध्यक्ष म्हणजे असे बलात्कारी साधुसंत आणि नेता लोकांच्या पाठीशी घालणार आहे का? संजय राऊत यांनी केलेल्या विधानावर बोलताना करुणा मुंडे यांनी म्हटले, माझी पण गेल्या तीन वर्षापासून राजीनामाची मागणी आहे, मुख्यमंत्री देवेंद्र फडणवीस आणि दिल्लीला सर्वांकडे पत्र दिलेला आहे.

रुपाली चाकणकर यांचा राजीनामा झाला पाहिजे. कंगना राणावत आज प्रियांका गांधींवर भाष्य करत आहेत. भाजपमध्ये सामील झाल्यानंतर कंगना रणौत आता ड्रायक्लिन झाल्या का? यावर त्यांनी म्हटले की, प्रियंका गांधींनी आजपर्यंत आपला ओढणीही उतरू दिलेली नाही आणि तुम्ही त्यांच्यावर टीका करत आहात. भाजपमध्ये सामील झाल्यानंतर तुम्ही साडी परिधान करण्यास सुरुवात केली आहे आणि इतरांना चारित्र्यहिन म्हणत आहात.

आता रुपाली चाकणकर यांच्या राजीनाम्याची मागणी करुणा मुंडे यांनी केली. महिला आयोगाच्या अध्यक्षा रुपाली चाकणकर यांच्या राजीनाम्याच्या मागणीसाठी करुणा मुंडे मंत्रालयासमोर आंदोलन करणार आहेत. करुणा मुंडे म्हणाल्या  की, जोपर्यंत रुपाली चाकणकर राजीनामा देत नाहीत, तोपर्यंत सोमवारपासून मंत्रालयासमोर मी आंदोलन करणार. यासोबतच त्यांनी म्हटले की, मी  धनंजय मुंडे यांना मंत्री होऊ देणार नाही आणि त्यांचे आमदारपदही लवकरच जाणार आहे.