मुंबईत 25 जागांवर राज ठाकरेंचे उमेदवार, कुठे-कुठे होणार शिंदे विरुद्ध मनसे लढत?

Maharashtra Assembly Elections 2024 : महाराष्ट्रातील विधानसभा निवडणुकांचे बिगुल वाजले आहे. येत्या २० नोव्हेंबरला महाराष्ट्रात मतदान होणार आहे. तर २३ नोव्हेंबरला निकाल जाहीर होणार आहे. यंदा विधानसभा निवडणुकीत महायुती विरुद्ध महाविकासआघाडी अशी लढत पाहायला मिळणार आहे. विधानसभा निवडणुकांची रणधुमाळी सुरु होताच राज्यातील सर्वच पक्ष जोमाने कामाला लागले आहेत. सध्या सर्वत्र प्रचाराचा धुराळा उडताना दिसत आहे. मुंबईतील 36 विधानसभा मतदारसंघात अटीतटीची लढत पाहायला मिळणार आहे. मुंबईतील काही जागांवर महायुती विरुद्ध महाविकासाआघाडी, तर काही महायुती विरुद्ध महाविकासआघाडी विरुद्ध मनसे अशी तिरंगी लढत रंगणार आहे.

36 पैकी 25 जागांवर मनसेचे उमेदवार

मुंबईतील 36 विधानसभा मतदारसंघांपैकी 25 जागांवर महाराष्ट्र नवनिर्माण सेनेने उमेदवार घोषित केले आहे. राज ठाकरेंनी लोकसभा निवडणुकीत महायुतीला पाठिंबा दिला होता. पण विधानसभा निवडणुकीत त्यांनी सर्वाधिक उमेदवार लढवणार असल्याचे सांगितले होते. मनसेने मुंबईतील 25 जागांवर उमेदवारांची घोषणा केली आहे. यामुळे महायुतीत अस्वस्थता पाहायला मिळत आहे. मनसेने मुंबईतील विधानसभेच्या 36 पैकी 25 जागांवर निवडणूक लढवत असल्याने या सर्व जागांवर मनसे विरुद्ध महायुती सा सामना रंगणार आहे. या २५ जागांपैकी भाजप 17 जागांवर तर शिवसेना शिंदे गट 16 जागांवर निवडणूक लढवत आहे.

यंदा माहीम आणि वरळी विधानसभा मतदारसंघ हे मुंबई विधानसभा निवडणुकीत हायव्होलेटेज मतदारसंघांपैकी एक असणार आहेत. कारण माहीम आणि वरळी विधानसभा निवडणुकांच्या रिंगणात मनसे, शिंदे गट आणि ठाकरे गट यांच्यात लढत होणार आहे. मनसेने माहीम विधानसभा मतदारसंघातून अमित ठाकरेंना उमेदवारी दिली आहे. त्याविरुद्ध ठाकरे गटाकडून महेश सावंत आणि शिंदे गटाकडून सदा सरवणकर निवडणुकीच्या रिंगणात उतरले आहेत. तर वरळी विधानसभा मतदारसंघातून ठाकरे गटाकडून आदित्य ठाकरे रिंगणात उतरले आहेत. त्यांच्या विरोधात शिंदे गटाकडून मिलिंद देवरा आणि मनसेकडून संदीप देशपांडेंना उमेदवारी देण्यात आली आहे. त्यामुळे या दोन्ही मतदारसंघात तिरंगी लढत होणार आहे.

मुंबईतील कोणत्या जागांवर शिंदे गट विरुद्ध मनसे लढत?