Mahapalika Election Result 2026 : महापालिका निवडणुकीत घराणेशाहीला नकार, दिग्गजांच्या नातेवाईकांना पराभवाचा फटका

गेल्या महिन्यात, निवडणूक आयोगाने महापालिका निवडणुकांची (Mahapalika Election 2026) घोषणा केली आणि एकच लगबग सुरू झाली. बघता बघता महिन्याचा कालावधी उलटून गेला आणि काल (15 जानेवारी) राज्यभरातील 29 महापालिकांसाठी मोठ्या प्रमाणत मतदान झालं. तर आज सकालपासूनच मतमोजणीला सुरूवात झाली असून राज्यातील जवळपास 26 महापालिकांमध्ये भारतीय जनता पक्षच आघाडीवर असल्याचे दिसत आहे. दरम्यान या निवडणुकांमध्ये भाजपासह अनेक पक्षांनी त्यांच्याच पक्षातील अनेक नेते, पदाधिकारी यांचे कुटुंबीय, नातेवाईक, मित्र यांना उमेदवारी दिल्याचे चित्र दिसले.

पक्षासाठी मान मोडून झटणाऱ्या, काम करणाऱ्या लोकांना, कार्यकर्त्यांना डावलून या नातेवाईकांना उमेदवारी दिल्याने अनेक पक्षात धूसफूस झाल्याचे चित्रही दिसत होते. पक्षाचे कार्यकर्ते फक्त मेहनतीसाठी आणि संतरंज्या उचलण्यासाठी असतात का असा सवालही अनेकांनी विचारला. घराणेशाहीवरून भाजप, काँग्रेसलवर जोरदार टीका करताना दिसतं, पण त्यांच्या पक्षातही फार वेगळं वातावरण नाही. घराणेशाहीवर सातत्याने आगपाखड करणाऱ्या भाजपाने सुद्धा अनेक नेत्यांच्या नातेवाईकांनाच तिकीट दिल्याने मोठ्या प्रमाणात टीका करण्यात आली होती. या निवडणुकीतही घराणेशाहीचा जोर स्पष्टपणे दिसत होता.

मतदारांनी नाकारली घराणेशाही

मात्र असं असलं तरी राज्यातील जनतेने, मतदारांनी मात्र घराणेशाहीला नकार देत नेत्यांची मुल, पत्नी, मित्र, नातेवाईक यांच्याकडे थेट पाठ फिरवली. भाजप असो की शिवसेना, शिंदे गट, ठाकरे गट, अनेक दिग्गज नेत्यांच्या नातेवाईकांना परभावाच सामना करावा लागला. त्यामध्ये सदा सरवणकर यांचा पुत्र, नवाब मलिक यांचा भा, सुधाकर बडगुजर यांचा मुलगा, डॉन अरूण गवळी यांची मलगी यांच्यासह अनेकांचा समावेश होता. घराणेशाही नको, असं म्हणत मतदारांनी सरळ या उमेदवारांना मतदान करण्यास नकार दिला.

दिगज्जांच्या नातेवाईकांना पराभवाचा फटका

– मुंबई प्रभाग 194 सदा सरवणकरांचे पुत्र समाधान सरवणकर हरले

– मुंबई प्रभाग 165 – नवाब मलिकांचे भाऊ कप्तान मलिका पराभूत

– मुंबई प्रभाग 73 – रवींद्र वायकरांच्या मुलीचा पराभव

– मुंबई प्रभाग 207 – अरूण गवळी यांची मुलगी योगिता गवळी हरल्या

– नाशिकमध्ये सुधाकर बडगुजर यांचे पुत्र दीपक बडगुजर यांचा पराभव. भाजपचे बंडखोर मुकेश शहाणेंनी त्यांना हरवलं. दोन एबी फॉर्म दिल्यानं मुकेश शहाणे यांचा अर्ज बाद झाला होता. बडगुजर पिता पुत्रांनी ही निवडणूक प्रतिष्ठेची केली होती . मात्र आता त्यांच्या मुलाला पराभत व्हायला लागल्याने हा त्याच्यासाठी मोठा धक्का मानला जात आहे.