Maharashtra News LIVE : राष्ट्रवादीचे काँग्रेसमध्ये विलिनीकरणाचा अगोदरच प्रस्ताव- नाना पटोले

चारकोप मनसेने महागाईविरोधात चक्क “हिंदी” भाषेत बॅनर लावून लक्ष वेधले आहे. मनसे विधानसभा अध्यक्ष दिनेश साळवी यांचा हा हिंदी बॅनर सध्या चर्चेचा विषय ठरला आहे. सोशल मीडियावरून त्यांनी सत्ताधाऱ्यांवर जोरदार हल्लाबोल केला आहे. चारकोप मनसे विधानसभा अध्यक्ष दिनेश साळवी यांनी महागाईच्या मुद्द्यावरून सत्ताधाऱ्यांना लक्ष्य केले आहे. महागाईविरोधात त्यांनी लावलेला “हिंदी” बॅनर सध्या चर्चेत आहे.

राज्यातील राजकारणात मोठ्या घडामोडी घडताना दिसत आहेत. नुकताच दिल्लीमध्ये अचानस नाना पटोले यांना हायकमांडने बोलावले आहे. यादरम्यान युतीच्या मुद्द्यावर चर्चा होण्याची शक्यता आहे.

जुन्या वादातून दोन गटांमध्ये हाणामारी झाली, व्हिडिओ सोशल मीडियावर व्हायरल. दोन्ही गट एकमेकांना भिडले असता लाथा बुक्क्यांनी मारहाण झाल्याचं व्हिडिओ मधून समोर. मारहाण प्रकरणी अंबड पोलीस ठाण्यात 15 जणांच्या जणांच्या विरोधात गुन्हा दाखल

जातपडताळणी समितीने प्रमाणपत्र बनावट असल्याचा निष्कर्ष नोंदवल्याची माहिती. नगरसेवक पद रद्द होण्याची शक्यता; प्रशासकीय प्रक्रिया सुरू. २०१८ मध्ये काढण्यात आलेल्या जातप्रमाणपत्राची शासकीय अभिलेखात नोंद नसल्याचा दावा. संबंधित ‘आपले सरकार सेवा केंद्र’ अस्तित्वात नसल्याचे चौकशीत उघड. महसूल प्रशासनाने प्रकरणाची घेतली गंभीर दखल. तलाठी, मंडळ अधिकारी व दक्षता पथकाकडून दोन वेळा चौकशी

महायुतीचे उमेदवार नंदकिशोर महाजन यांच्या प्रचारासाठी भाजपच्या वतीने छापण्यात आले आहे पोम्प्लेट. या पोम्प्लेटवर शिवसेना शिंदे गटात असलेले माजी खासदार उन्मेष पाटील यांचा फोटो वगळला. विशेष म्हणजे या पोम्प्लेटवर शिंदे गटातील माजी आमदार शिरीष चौधरी यांचा देखील फोटो आहे. शिवसेना शिंदे गटातील माजी खासदार असताना देखील उन्मेष पाटील यांचा फोटो पोम्प्लेट वर टाकण्यात आलेला नाही. नुकत्याच काही दिवसांपूर्वी ठाकरे गटात असलेल्या माजी खासदार उन्मेष पाटलांनी शिवसेना शिंदे गटात प्रवेश केला आहे

श्रीक्षेत्र भीमाशंकर मंदिर तब्बल पाच महिन्यांनंतर १५ जूनपासून भाविकांसाठी खुले होणार असल्याची घोषणा प्रशासनाने केली आहे. मात्र, मंदिरात दर्शनासाठी ऑनलाइन नोंदणी अनिवार्य करण्यात आली असताना त्यासाठीचे संकेतस्थळ अद्याप कार्यान्वित झाले नसल्याने हजारो भाविकांमध्ये संभ्रमाचे वातावरण निर्माण झाले असून, नोंदणीची प्रक्रिया सुरू न झाल्याने भाविकांकडून नाराजी व्यक्त होत आहे.

शेतकऱ्यांच्या विविध मागण्यांसाठी आमदार रोहित पवार यांच्या अन्नत्याग आंदोलनाला थोड्याच वेळात होणार सुरुवात होत आहे. काल रात्रीपर्यंत तरी पोलिसांनी या आंदोलनाला परवानगी दिली नव्हती. आमदार रोहित पवारांच्या आंदोलनाचा निरोप जिल्ह्यातील शरद पवार पक्षाच्या आमदारांना नाहीच. राष्ट्रवादी शरद पवार पक्षात विसंवाद दिसून येत आहे. आमदार उत्तम जानकर आणि आमदार अभिजीत पाटलांना आंदोलनाची माहितीच नाही…

जून महिना अर्धा संपत आला तरी धाराशिव जिल्ह्यातील पाणीटंचाईचे संकट कायम आहे. जिल्ह्यातील तब्बल १२८ गावांना आणि १२ ठिकाणच्या वाड्या-वस्त्यांना टँकरद्वारे पाणीपुरवठा केला जात असून २०८ विहिरी अधिग्रहित करण्यात आल्या आहेत. अनेक प्रकल्प कोरडे पडल्याने उपलब्ध पाणीसाठा केवळ १२.३७ टक्क्यांवर आला आहे. नागरिकांना पिण्याच्या पाण्यासाठी प्रशासनाला ४४ प्रकल्पांमधील पाणी राखीव ठेवावे लागले आहे. विशेष म्हणजे, मागील वर्षी जिल्ह्यात समाधानकारक तसेच काही भागांत सरासरीपेक्षा अधिक पाऊस झाला होता. त्यामुळे यंदा उन्हाळ्यात पाणीटंचाईची तीव्रता कमी राहील, अशी अपेक्षा होती. मात्र दीर्घ कोरडा कालावधी, वाढता पाणी उपसा आणि भूजल पातळीत झालेली मोठी घट यामुळे टंचाई निर्माण झाली आहे.धाराशिव तालुक्यात सर्वाधिक विहिरी अधिग्रहित करण्यात आल्या असून मोठ्या पावसाची प्रतीक्षा असतानाही जिल्ह्यातील अनेक गावांना अजूनही टँकरच्या पाण्यावरच अवलंबून राहावे लागत असल्याचे वास्तव आहे

चारकोप मनसेने महागाईविरोधात चक्क “हिंदी” भाषेत बॅनर लावून लक्ष वेधले आहे. मनसे विधानसभा अध्यक्ष दिनेश साळवी यांचा हा हिंदी बॅनर सध्या चर्चेचा विषय ठरला आहे. सोशल मीडियावरून त्यांनी सत्ताधाऱ्यांवर जोरदार हल्लाबोल केला आहे. चारकोप मनसे विधानसभा अध्यक्ष दिनेश साळवी यांनी महागाईच्या मुद्द्यावरून सत्ताधाऱ्यांना लक्ष्य केले आहे. महागाईविरोधात त्यांनी लावलेला “हिंदी” बॅनर सध्या चर्चेत आहे.

सोशल मीडियावर पोस्ट लिहून दिनेश साळवी यांनी म्हटले आहे की, मतदारांना पैशांचे आमिष दाखवून सत्तेवर आल्यावर ती सत्ता टिकवण्यासाठी अदाणी सारख्या लोकांना खुश करावे लागते. सरकार चालविण्यासाठी पेट्रोल, डिझेल आणि गॅसचे दर वाढवावे लागतात.

शहीद जवान अर्जुन जाधव यांच्या वर आज कराड तालुक्यातील शहापुर येथे लष्करी इतमामात अंतिम संस्कार होणार आहेत. कुटुंबियांसह ग्रामस्थ त्यांच्या पार्थिवाच्या प्रतिक्षेत असुन शहापूर फाटयापासुन अंत्ययात्रा निघणार आहे.

अमरावती विधान परिषद निवडणुकीत काँग्रेसकडून वंचित उमेदवार निलेश विश्वकर्मा यांना पाठिंबा देण्यासंदर्भात बैठकींचे सत्र सुरूच आहे. काल रात्री पाठिंबा संदर्भात दोन बैठका; सुरुवातीला काँग्रेसच्या नेत्यांची अंतर्गत बैठक झाली. त्यानंतर वंचितच्या उमेदवारा सोबत एक गुप्त बैठक झाल्याची विश्वसनीय सूत्रांनी माहिती दिली. वंचित उमेदवाराला पाठिंबा देण्यासंदर्भात आज दुपारपर्यंत निर्णय होण्याची शक्यता आहे. काल झालेल्या बैठकीचा तपशील अमरावतीतील काँग्रेस नेते काँग्रेस प्रदेशाध्यक्ष हर्षवर्धन सपकाळ यांना कळवतील.

राज्य शासनाच्या महत्त्वकांक्षी मुख्यमंत्री माझी लाडकी बहीण योजनेच्या लाभार्थींची ही केवायसी आणि प्रशासकीय पडताळणी पूर्ण झाली असून जालना जिल्ह्यातील तब्बल 86 हजार पेक्षा अधिक लाडक्या बहिणी या योजनेसाठी अपात्र ठरल्याने त्यांचा हप्ता बंद झाला आहे. प्रलंबित इ केवायसी अर्जामधील त्रुटी आणि विविध शासकीय विभागांच्या पडताळणीनंतर या महिलांना योजनेतून अपात्र करण्यात आले असल्याची माहिती महिला आणि बालकल्याण विभागाने दिली. सुरुवातीला जालना जिल्ह्यात 4 लाख 84 हजार 694 महिला लाडक्या बहिणी योजनेच्या लाभार्थी होत्या मात्र त्यानंतर कसून झालेल्या तपासणीत आता केवळ 3 लाख 98 हजार 102 महिलाच पात्र राहिल्या. शिवाय योजनेच्या नियमाचे उल्लंघन करून एकच कुटुंबात एकापेक्षा जास्त लाभ घेणाऱ्या 11 हजार 288 महिला देखील आढळून आल्याचा समोर आलय.