Maharashtra News LIVE : दिवाळी संपली, मध्यरात्री CNG आणि PNG महागले, महागाई दर सहा टक्क्यांवर

उपमुख्यमंत्री सुनेत्रा पवार यांच्या कार्यालयाकडून राष्ट्रवादीच्या आमदारांशी संपर्क साधण्यात आल्याची माहिती समोर येत आहे. राष्ट्रवादीच्या विलिनीकरणाविषयी त्यांचं मत जाणून घेण्यात आल्याचा दावा सूत्रांकडून करण्यात येत आहे. गेल्या काही दिवसांपासून दोन्ही पक्षांच्या विलिनीकरणाच्या चर्चांना पुन्हा एकदा हवा मिळाली आहे.

पश्चिम विदर्भातील सर्वात मोठ्या अमरावती जिल्ह्यातील अप्पर वर्धा धरणात केवळ 41 टक्के इतकाच जलसाठा शिल्लक आहे. मागील वर्षी होता 100 टक्के जलसाठा; मागील वर्षीच्या तुलनेत अप्पर वर्धा धरणात 60 टक्के जलसाठा मध्ये घट आली. सिंचन विभागाच्या वतीने ऑगस्ट 2017 पर्यंत पाण्याचे नियोजन करण्यात येत आहे. आगामी काळामध्ये पाणी वाटपात कपात होण्याची शक्यता आहे. यावर्षी शेतकऱ्यांना रब्बी हंगामासाठी पाणी मिळणं अशक्य आहे.

धाराशिव जिल्ह्यात दुष्काळी परिस्थितीमुळे जनावरांच्या चाऱ्याचा प्रश्न गंभीर बनला आहे. पावसाअभावी शेतातील ओला चारा संपुष्टात आल्याने दूध उत्पादक शेतकरी अडचणीत सापडले आहेत. या पार्श्वभूमीवर दूध उत्पादक शेतकऱ्यांनी एकत्र येत सामूहिक निवेदन तयार करून संबंधित तहसील कार्यालयात द्यावे, असे आवाहन खासदार ओमराजे निंबाळकर यांनी केले आहे.इतकेच नाही तर लोकसभा मतदारसंघातील सर्व तहसीलदारांना शेतकऱ्यांची निवेदने स्वीकारून जनावरांच्या चारा आणि पाण्याची तातडीने व्यवस्था करण्याबाबत आवश्यक कार्यवाही करण्याच्या सूचनाही ओमराजे निंबाळकर यांनी दिल्या आहेत. त्यामुळे आता दूध उत्पादक शेतकऱ्यांना दिलासा मिळणार आहे

नागपूर जिल्ह्यात अपघातांचे प्रमाण शून्यावर आणण्याच्या दृष्टीने सर्व संबंधित यंत्रणांनी समन्वयाने ठोस उपाययोजना कराव्यात, असे निर्देश सर्वोच्च न्यायालयाच्या रस्ता सुरक्षा समितीचे अध्यक्ष तथा सर्वोच्च न्यायालयाचे माजी न्यायमूर्ती अभय सप्रे यांनी दिले. जिल्हा नियोजन भवन येथे नागपूर जिल्हा रस्ता सुरक्षा समितीची आढावा बैठक माजी न्यायमूर्ती अभय सप्रे यांच्या अध्यक्षतेखाली झाली. हेल्मेट आणि सीटबेल्टचा वापर अनिवार्य करण्यासाठी सर्व शासकीय विभाग, उद्योग समूह आणि शैक्षणिक संस्थांना स्पष्ट सूचना देण्यात आल्या आहेत.