Maharashtra News LIVE: दिवाळीदरम्यान ठाणे ATS ची खुप मोठी कारवाई, ⁠कुप्रसिद्ध फरार नक्षलवाद्याला अटक

दुष्काळामुळे नागपूरच्या फळ मार्केटमध्ये संत्र्याची आवक ३० टक्के घटली. आवक घटल्याने गेल्या वर्षीच्या तुलनेत संत्र्याला ३०
ते ४० टक्के जास्त दर.  चांगल्या दर्ज्याच्या संत्र्याला एक हजार रुपये प्रति शेकडा दर.  तर कळमना मार्केटमध्ये चांगल्या संत्र्याला ५० हजार रुपये टन दर. दर चांगला मिळत असल्याने शेतकऱ्यांना दिलासा. दुष्काळामुळे पाणी कमी असल्याने संत्र्याच्या दर्जावर परिणाम

सोलापूर जिल्ह्यात ऊसदरासाठी राजू शेट्टी आंदोलन करणार.३१०० रुपयांच्या दराविरोधात राजू शेट्टी आक्रमक. रविवारी पंढरपुरात आंदोलनाची दिशा ठरणार.

पुणे जिल्ह्यातील चाकण-तळेगाव मार्गावरील खराबवाडी हद्दीत दुधाच्या टँकरच्या लोखंडी शिडीला दोरीच्या साहाय्याने गळफास घेतलेल्या अवस्थेत एका अनोळखी तरुणाचा मृतदेह आढळून आला आहे. या घटनेमुळे परिसरात एकच खळबळ उडाली असून, हा आत्महत्येचा प्रकार आहे की यामागे घातपात आहे, याबाबत विविध चर्चा सुरू आहेत. घटनेची माहिती मिळताच महाळुंगे दक्षिण एमआयडीसी पोलिसांनी घटनास्थळी धाव घेत पंचनामा केला. मृत तरुणाची ओळख पटविण्यासह मृत्यूमागील नेमके कारण शोधण्याचे काम पोलिसांकडून सुरू आहे.आत्महत्या की घातपात? पोलिसांच्या तपासानंतरच मृत्यूचे गूढ उलगडणार!

– भाजपचे सहा, शिंदेच्या शिवसेनेचे दोन अर्ज वैध
– ठाकरेंच्या शिवसेनेचेही दोन अर्ज छाननीत वैध
– काँग्रेस नगरसेवक सूफी जीन यांनी दिलेला अर्ज मात्र बाद
– काँग्रेसचा स्वतंत्र गट अस्तित्वात नसल्याने आयुक्तांचा निर्णय
– भाजपचे माजी नगरसेवक सुनील आडके यांच्या नावाने दाखल केला होता अर्ज
– देशात आणि राज्यात परस्परविरोधी पक्ष, नाशकात मात्र वेगळे राजकीय समीकरण?
– सूफी जीन यांनी भाजपच्या आडके यांच्यासाठी अर्ज दाखल केल्याने चर्चेला उधाण
– जीन यांच्याकडे भाजपचा अर्ज पोहोचला कसा, हा प्रश्न अनुत्तरित

धाराशिव जिल्ह्यातील वाढत्या पाणीटंचाईच्या पार्श्वभूमीवर मोठा दिलासा मिळाला आहे उजनी धरणातून धाराशिव जिल्ह्यासाठी १ टीएमसी पाणी मिळण्याचा मार्ग मोकळा झाला आहे. जलसंपदामंत्री राधाकृष्ण विखे पाटील यांनी पुढील आवर्तनात पाणी सोडण्यास मंजुरी दिली असल्याची माहिती आमदार राणाजगजितसिंह पाटील यांनी दिली आहे. घाटणे बॅरेजमार्गे रामदरा, पांगरदरवाडी आणि सिंदफळ या तीन तलावांमध्ये हे पाणी साठवण्यात येणार आहे. पाणीपुरवठा योजनेची चाचणी करून प्रत्यक्ष पाणी आणण्याची कार्यवाही केली जाणार आहे. त्यामुळे दुष्काळाच्या संकटात धाराशिवकरांच्या पिण्याच्या पाण्याचा प्रश्न सुटण्यास मोठी मदत होणार आहे..