AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

धावत्या लोकलमध्ये प्रवाशाची हत्या होताच रेल्वे प्रशासाचे दोन मोठे निर्णय, आता थेट प्रत्येक प्रवाशाची…

गेल्या काही दिवसांपासून मुंबईत सुरु तरी काय? असा प्रश्न तुम्हाला देखील पडला असेल. मुंबईत लोकल ट्रेनमध्ये 22 वर्षांच्या तरुणाची हत्या झाल्यानंतर माहिम स्टेशनबाहेर किरकोळ धक्काबुक्कीचे वाद टोकाला पोहोचले. हत्या होताच रेल्वे प्रशासनाने मोठा निर्णय घेतला आहे.

धावत्या लोकलमध्ये प्रवाशाची हत्या होताच रेल्वे प्रशासाचे दोन मोठे निर्णय, आता थेट प्रत्येक प्रवाशाची...
| Updated on: Jun 28, 2026 | 11:33 AM
Share

मुंबईकरांची लाईफलाईन असलेल्या लोकलमध्ये 22 वर्षीय मयंक लोहार याची हत्या झाली आहे. धावत्या लोकलमध्ये अवघ्या 22 वर्षीय मयंक लोहार या प्रवाशाची चाकू भोसकून झालेल्या हत्येनंतर, रेल्वे पोलिसांनी (GRP) मोठा निर्णय घेतला आहे. मुंबई पोलीस आता लोकल प्रवाशांच्या बॅगांची मॅन्युअल तपासणी तीव्र करणार आहेत. उपनगरीय स्थानकांवर गर्दीमुळे बॅगेज स्कॅनर वापरणं कठीण असल्यानं, सीसीटीव्हीच्या देखरेखीखाली आणि अधिकाऱ्यांच्या उपस्थितीत प्रवाशांच्या लहान पाठीवरील बॅगा (Backpacks) तपासल्या जातील… अशी माहिती समोर येत आहे.

​किरकोळ वादातून होणाऱ्या हत्यारांचा वापर रोखण्यासाठी रेल्वे पोलिसांनी हा महत्त्वाचा निर्णय घेतला आहे. कामगारांनी त्यांच्या कामाची हत्यारे/साधने (उदा. चाकू, धारदार वस्तू) ट्रेन प्रवासात सोबत न बाळगता कामाच्या ठिकाणीच ठेवावीत, असं आवाहन पोलिसांनी केलं आहे. रेल्वे पोलीस आयुक्त राकेश कलासागर यांनी स्वतः बोरीवली रेल्वे स्थानकावर सुरक्षा व्यवस्थेचा आढावा घेतला असून प्रवासी संघटनांशी चर्चा केली आहे.

बोरीवली रेल्वे जीआरपीच्या वरिष्ठ पोलीस निरीक्षकांची बदली

चर्चगेट-नालासोपारा फास्ट लोकलमध्ये झालेल्या तरुणाच्या हत्येनंतर रेल्वे पोलीस प्रशासनात मोठे फेरबदल करण्यात आले आहेत. बोरीवली रेल्वे पोलीस ठाण्याचे वरिष्ठ पोलीस निरीक्षक दत्तात्रेय खोपिलकर यांची बदली करण्यात आली असून त्यांच्या जागी कल्याण जीआरपीचे वरिष्ठ पोलीस निरीक्षक पंढरीनाथ कांदे यांची नियुक्ती करण्यात आली आहे.

सूत्रांच्या माहितीनुसार, सेंट्रल, वेस्टर्न आणि हार्बर मार्गावरील काही रेल्वे पोलीस ठाण्यांतील वरिष्ठ अधिकाऱ्यांच्या तातडीने बदल्या करण्यात आल्या आहेत. 24 जून रोजी चर्चगेट-नालासोपारा फास्ट लोकलमध्ये दरवाजा बंद ठेवण्याच्या किरकोळ वादातून 22 वर्षीय मयंक लोहार याची चाकूने हत्या करण्यात आली होती.

या प्रकरणातील आरोपी रोशन सुवर्ण याने हल्ल्यानंतर प्रवाशांना चाकूचा धाक दाखवत पळ काढला होता; मात्र रेल्वे पोलिसांनी त्याला कुर्ला परिसरातून अटक केली. या प्रकरणानंतर लोकलमधील सुरक्षेचा प्रश्न पुन्हा ऐरणीवर आला असून हत्याकांडानंतर रेल्वे पोलीस यंत्रणेत जबाबदारी निश्चित करण्यासाठी प्रशासकीय पातळीवर तातडीच्या हालचाली सुरू झाल्या आहेत.

माहिममध्ये 35 वर्षीय व्यक्तीवर हल्ला

माहिम स्टेशनबाहेर धक्काबुक्कीच्या वादातून 35 वर्षीय नवीन प्रसन्ना याच्यावर अज्ञात हल्लेखाराने धारदार शस्त्राने वार केल्याची घटना उघडकीस आली आहे. या घटनेने मुंबईतील कायदा-सुव्यवस्थेचा प्रश्न उपस्थित झाला आहे. हल्ल्यात जखमी झालेल्या तरुणाला सायन रुग्णालयात दाखल करण्यात आलं असून त्याच्यावर उपचार सुरू करण्यात आले आहेत.

Follow Us
दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या....
Maharashtra Drought : दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या जिल्ह्यातील कोणत्या तालुक्यांचा समावेश? व्हिडिओ बघाच 
दाऊद इब्राहिमच्या मुंबईतील घराच्या तोडक कारवाईला हायकोर्टाची स्थगिती..
Dawood Ibrahim : दाऊद इब्राहिमच्या मुंबईतील जुन्या घराच्या तोडक कारवाईला हायकोर्टाची स्थगिती; पुढील सुनावणी कधी?
500 कोटींच्या ऑडिओ क्लिपवरुन मनोज जरागेंचा नवा दावा काय?
Manoj Jarange : 500 कोटींच्या ऑडिओ क्लिपवरुन मनोज जरागेंचा नवा दावा काय?
भाजप आमदार महेश बालदींना तीन वर्षांची कारावासाची शिक्षा; निकालानंतर...
Mahesh BaldI : भाजप आमदार महेश बालदींना तीन वर्षांची कारावासाची शिक्षा; मात्र निकालानंतर...
दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय काय?
Maharashtra Drought : आधी पाणी, मग सुशोभीकरण; दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय
शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्ष..
Shivsena : BJP : शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्षबदलाने पालघरच्या राजकारणात खळबळ
शिंदेंचा प्रवासाचा प्लॅन बदलला; रस्तेमार्गे पुण्याकडे रवाना....
Eknath Shinde : हेलिकॉप्टरमध्ये बिघाड, शिंदेंचा प्रवासाचा प्लॅन बदलला; पंढरपुरातून रस्तेमार्गे पुण्याकडे रवाना
शायना एन.सी. यांच्याविरोधात ठाकरे गटाच्या शिवसैनिकांचं आंदोलन...
Pune : बाळासाहेबांचा अवमान सहन करणार नाही...; शायना एन.सी. यांच्याविरोधात ठाकरे गटाच्या शिवसैनिकांचं आंदोलन
शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
Shivsena Supreme Court Hearing : शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
GTA 6 Launch : तब्बल 13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ