आधी जावई, मुलगी आणि व्याहीसोबत पंतप्रधानांची भेट, नंतर केंद्र सरकारवर जोरदार हल्ला; सुप्रिया सुळे नेमकं काय म्हणाल्या?

सुप्रिया सुळे यांनी नुकताच सरकारवर जोरदार टीका केली. सुप्रिया सुळे यांनी म्हटले की, पेट्रोल डिझेलच्या दरवाढीबाबत काही आश्वर्य वाटत नाही. ही फक्त सुरूवात आहे, पिक्चर अभी बाकी है.. कशाचेही सोंग घेता येते हो.. पण पैसे आणि अन्नधान्याचे सोंग घेता येत नाही. मुंबईमध्ये पेट्रोल पंप बंद पडत असल्याच्या प्रश्नावर बोलताना त्यांनी म्हटले की, मला अजिबातच आश्चर्य वाटत नाही. मागच्याच आठवड्यात मुख्यमंत्री देवेंद्र फडणवीस आणि छगन भुजबळ यांचे वेगवेगळी विधाने आहेत. फडणवीस यांनी म्हटले की, काही काळजी करू नका.. आपल्याकडे पेट्रोल डिझेल आहे, आम्ही विश्वास ठेवला. भुजबळ म्हणाले की, 30 दिवसाचा साठा आहे, काटकसरीपणे वापरा. याचा काय अर्थ काढायचा. काय नियोजन केले? राहुल गांधी गेल्या सहा महिन्यांपासून ही गोष्टी मांडत आहेत. काय करतंय सरकार? याबाबतीत सरकार का खरे बोलत नाही.

महागाई, भ्रष्टाचार आणि बेरोजगारी याबाबत आम्ही सविस्तर चर्चा करणार आहोत. इलेक्शन काय येतील आणि जातील. पण जो सामान्य माणूस आहे, जो टॅक्स भरत आहे, त्याने कसे जगाचे? घरी जाऊन भाज्यांचे भाव विचारा.. एकीकडे कांद्याला भाव शेतकऱ्यांना मिळत नाही आणि जो ग्राहक आहे, त्याला तो परवडत नाही. यावेळी त्यांनी भाजपावर जोरदार टीका केली.

पुढे सुप्रिया सुळे यांनी म्हटले की, लोकशाही आणि दडपशाही आम्ही दडपशाहीबद्दल बोलणारे लोक. कोणी राजकारणात यायचे की नाही हा त्यांचा प्रश्न आहे त्यांचा गट ठरवेल की काय करायचे आहे आणि काय नाहीए कोणी कोणत्या निवडणुकीत उतरायचे हे त्यांनी ठरवायचे आहे. निलेश लंके हे केंद्रात कांदा प्रश्नावर लढत आहे. मंत्री आहेत पण ते कांदा प्रश्नावर बोलत नाही. शेतकरी यांना न्याय मिळाला पाहिजे.

दुसरीकडे पंतप्रधान नरेंद्र मोदी यांची भेट सुप्रिया सुळे यांनी घेतली. सहपरिवार त्या नरेंद्र मोदी यांच्या भेटीकरिता पोहोचल्या होत्या. मुलगी रेवतीच्या लग्नाचे निमंत्रण देण्याकरिता त्या पोहोचल्या होत्या. यादरम्यान त्यांच्यासोबत मुलगी रेवती, जावई सारंग लखानी, अरूण लखानी आणि त्यांचे कुटुंब देखील उपस्थित होते. हा विवाहसोहळा मुंबईतच पार पडणार आहे. सुप्रिया सुळे यांचे होणारे जावई सारंग लखानी हे उद्योजक घराण्याशी संबंधित आहेत.