अंजली दमानिया यांना छगन भुजबळ यांच्या घराबाहेर पोलिसांनी रोखलं

गोविंद ठाकूर, प्रतिनिधी- टीव्ही 9 मराठी, मुंबई | 18 नोव्हेंबर 2023 : सामाजिक कार्यकर्त्या अंजली दमानिया या राज्याचे अन्न व नागरी पुरवठा मंत्री छगन भुजबळ यांच्या घराबाहेर पत्रकार परिषद घेणार होत्या. त्यासाठी दमानिया भुजबळांच्या घराकडे निघाल्या. मात्र त्याआधीच पोलिसांकडून अंजली दमानिया यांना अडवण्यात आलं आहे. अंजली दमानिया यांना पोलिसांनी रोखलं आहे. अंजली दमानिया यांना सांताक्रूझ पोलिसांनी ताब्यात घेतलं आहे. त्यानंतर अंजली दमानिया यांना पोलिसांनी जुहू पोलीस ठाण्यात आणण्यात आलं आहे. यावेळी अंजली दमानिया आणि महिला पोलीस कर्मचाऱ्यांमध्ये बाचाबाची झाली.

जालन्यातील अंबडमध्ये काल ओबीसी एल्गार महासभा झाली. या सभेतून छगन भुजबळ यांनी मराठा आंदोलक मनोज जरांगे पाटील यांच्यावर टीका केली आहे. यावर अंजली दमानिया यांनी भाष्य केलंय. त्यांनी राज्याचे उपमुख्यमंत्री देवेंद्र फडणवीस यांच्या भूमिकेवरही प्रश्नचिन्ह उपस्थित केलं आहे. कुठेतरी मला असं वाटतं की, छगन भुजबळांना देवेंद्र फडणवीसांनी जरांगेंना विरोध करण्यासाठी उभं केलं आहे. आता तावा तावाने भुजबळ कसे बोलतात पाहा… जेलमधून बाहेर येण्यासाठी अगदी गरीब बिचारे बनण्याचा आव आणायचा. आता छातीत कळ नाही येत?, असं म्हणत अंजली दमानिया यांनी भुजबळांवर गंभीर आरोप केलेत.

कुठेतरी असे वाटते की भुजबळांना फडणवीसांनी जरंगेंना विरोध करण्यासाठी उभं केलं आहे.

आता तवा तवाने भुजबळ कसे बोलतात पाहा …. आता छातीत कळ नाही येत ? जेल मधून बाहेर येण्यासाठी अगदी गरीब बिचारे बनण्याचा आव आणायचे

— Mrs Anjali Damania (@anjali_damania) November 17, 2023

आज भुजबळांचे भाषण ऐकून तळ पायाची आग मस्तकात गेली. कुणाच्या कष्टाचे खात आहेत भुजबळ?, असं म्हणत दमानिया यांनी भुजबळ यांच्यावर घणाघात केला आहे. सोशल मीडियावरून त्यांनी भुजबळांवर गंभीर आरोप केलेत. अशात आता अंजली दमानिया आज पत्रकार परिषद घेणार आहेत. मात्र त्याआधीच त्यांना ताब्यात घेण्यात आलं आहे. पण आता दमानिया यांची होणार का? आणि जर ही पत्रकार परिषद झाल्यास दमानिया काय बोलणार याकडे सर्वांचं लक्ष आहे.

आज भुजबळांचे भाषण ऐकून तळ पायाची आग मस्तकात गेली.

कुणाच्या कष्टाचे खात आहेत भुजबळ ?

ह्याचा एक छोटा खुलासा , त्यांच्या सांताक्रुझ च्या निवास स्थानांबाहेर उद्या सकाळी ११.३० वाजता.

मीडियाला येण्याची विनंती ….

ला पेटीत फ्लूर, सेंट टेरेसा शाळेच्या बाजूला सांताक्रुझ पश्चिम pic.twitter.com/Pf9lu4QHcC

— Mrs Anjali Damania (@anjali_damania) November 17, 2023

“अनेक खुलासे करणार”

छगन भुजबळ यांच्या कालच्या भाषणानंतर आज मी त्यांच्या घराचं समोर जाऊन पत्रकार परिषद घेणार आहे. मात्र त्यांच्या घराबाहेर पोलिसांनी बंदोबस्त वाढवला आहे. रस्त्यावर बॅरिकेड्स लावल्याचंही दिसतंय. तरीही मी जाऊन पत्रकार परिषद घेईन, पोलिसांनी मला जिथे अडवले तिथे मी पत्रकार परिषद घेणार आहे. छगन भुजबळ यांच्याबाबत अनेक खुलासे मी करणार आहे, असं अंजली दमानिया म्हणाल्या.

आज भुजबळांचे भाषण ऐकून तळ पायाची आग मस्तकात गेली.

कुणाच्या कष्टाचे खात आहेत भुजबळ ?

ह्याचा एक छोटा खुलासा , त्यांच्या सांताक्रुझ च्या निवास स्थानांबाहेर उद्या सकाळी ११.३० वाजता.

मीडियाला येण्याची विनंती ….

ला पेटीत फ्लूर, सेंट टेरेसा शाळेच्या बाजूला सांताक्रुझ पश्चिम pic.twitter.com/Pf9lu4QHcC

— Mrs Anjali Damania (@anjali_damania) November 17, 2023

छगन भुजबळांच्या घरी पोलीस बंदोबस्त वाढवला

मंत्री छगन भुजबळ यांच्या नाशिकच्या निवासस्थानी पोलीस बंदोबस्त वाढवण्यात आला आहे. काल झालेल्या ओबीसी सभेनंतर मंत्री छगन भुजबळ यांच्या विरोधात मराठा समाज आक्रमक झाला आहे. त्यामुळे कुठलाही अनुचित प्रकार घडू नये, म्हणून पोलीस खबरदारी घेत आहेत. भुजबळ यांच्या निवासस्थानाबाहेर पोलीस गस्त घालत आहेत. त्याचप्रमाणे ताफ्यातील पोलीस वाहनांच्या संख्येतही वाढ करण्यात आली आहे.