AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

शरद पवार यांच्या भेटीनंतर पार्थ पवार आक्रमक, नेत्यांची तातडीची बैठक बोलावली; राष्ट्रवादीत काय घडतंय?

शरद पवार यांच्या भेटीनंतर पार्थ पवार सक्रिय झाले असून, राष्ट्रवादीच्या नेते, पदाधिकाऱ्यांसोबत बैठकांचा धडाका लावला आहे. या अनपेक्षित घडामोडींमुळे राष्ट्रवादीत नेमके काय शिजत आहे, याबाबत राजकीय वर्तुळात उत्सुकता आहे. पुणे निधी वाटपाचा वाद आणि पक्षांतर्गत रणनीतीवर या बैठकांत चर्चा झाल्याचे बोलले जात आहे.

शरद पवार यांच्या भेटीनंतर पार्थ पवार आक्रमक, नेत्यांची तातडीची बैठक बोलावली; राष्ट्रवादीत काय घडतंय?
parth pawarImage Credit source: tv9 marathi
| Updated on: Aug 22, 2026 | 12:18 PM
Share

दोन दिवसांपूर्वीच ज्येष्ठ नेते शरद पवार यांची राष्ट्रवादीचे नेते पार्थ पवार यांनी भेट घेतली होती. या भेटीत दोन्ही नेत्यांमध्ये राज्य आणि केंद्रातील राजकीय परिस्थितीवर चर्चा झाल्याचं सांगितलं जात आहे. या भेटीनंतर पार्थ पवार अधिकच आक्रमक झाले आहेत. शरद पवार यांना भेटल्यानंतर पार्थ पवार यांनी पक्षांतर्गत बैठकांचा झपाटा लावला आहे. काल रात्री राष्ट्रवादीच्या नेते, पदाधिकाऱ्यांशी बैठक घेऊन चर्चा केल्यानंतर पार्थ यांची आता पुन्हा एकदा नेते आणि पदाधिकाऱ्यांसोबत बैठक सुरू आहे. या बैठकीत नेमकी कशावर चर्चा होणार हे गुलदस्त्यात आहे. पार्थ पवार यांनी लागोपाठ दोन दिवस बैठक घेतल्याने राष्ट्रवादीत नेमकं काय घडतंय? अशी चर्चा रंगली आहे.

पार्थ पवार यांनी काल शुक्रवारी रात्री मोजक्या मंत्र्यासोबत बैठक केली होती. या बैठकीत विविध विषयांवर चर्चा झाली. राज्यातील राजकीय परिस्थिती, केंद्रातील मंत्रीपद आणि राज्यातील विकास कामे आदी मुद्द्यांवर चर्चा झाल्याचं सांगितलं जात आहे. तसेच मंत्र्यांच्या खात्यात येणाऱ्या अडचणीवरही चर्चा झाल्याची सूत्रांची माहिती आहे. पार्थ पवार यांच्या वरळी येथील निवासस्थानी पार पडलेल्या बैठकीत मंत्री नरहरी झिरवळ, बाबासाहेब पाटील, छगन भुजबळ, इंद्रनील नाईक उपस्थित होते.

कारण गुलदस्त्यात

कालच्या बैठकीनंतर आज दुसऱ्या दिवशी राष्ट्रवादी काँग्रेस पक्षाची कोअर कमिटीची बैठक सुरू झाली आहे. पार्थ पवार यांच्या वरळी येथील शुभदा निवासस्थानी या बैठकीला सुरुवात झाली आहे. बैठकीला प्रदेशाध्यक्ष सुनील तटकरे, नवाब मलिक, मंत्री नरहरी झिरवळ, बाबासाहेब पाटील, छगन भुजबळ, इंद्रनील नाईक उपस्थित आहेत. गेल्या अर्ध्या तासापासून ही बैठक सुरू आहे. या बैठकीत कोणत्या विषयावर चर्चा सुरू आहे हे मात्र अद्याप गुलदस्त्यात आहेत.

पवारांना भेटले अन्…

दोन दिवसांपूर्वीच पार्थ पवार यांनी शरद पवार यांची भेट घेतली होती. सिल्व्हर ओक येथे जाऊन सुमारे तीन तास त्यांनी शरद पवारांशी चर्चा केली होती. या भेटीचा तपशील गुलदस्त्यात ठेवण्यात आला होता. त्यानंतर पार्थ पवार यांनी अचानक पक्षातील पदाधिकाऱ्यांच्या बैठका घेण्यास सुरुवात केल्याने सर्वांच्या भुवया उंचावल्या आहेत. राष्ट्रवादीत काय घडतंय? अशी चर्चा सुरू झाली आहे.

पुण्यातील वाद

दरम्यान, पुण्यात भाजप आणि राष्ट्रवादीत तणातणी सुरू आहे. राष्ट्रवादीच्या दोन नगरसेवकांचा निधी कापण्यात आल्याने दोन्ही पक्षातील तणाव वाढला आहे. या पार्श्वभूमीवर राष्ट्रवादीची बैठक होत असून त्यात हा विषय निघण्याची शक्यता वर्तवण्यात येत आहे. पुण्यातील राष्ट्रवादीच्या नेत्यांनी याबाबत उपमुख्यमंत्री सुनेत्रा पवार यांच्याकडे तक्रार केली आहे. त्यानंतर भाजपचे नेते आणि राज्याचे मंत्री चंद्रकांत पाटील यांनी पार्थ पवार यांच्याशी फोनवर चर्चा केली आहे. निधी वाटपाच्या मुद्द्यावर चंद्रकांत पाटील आणि पार्थ पवार यांच्यात सोमवारी बैठक होण्याची शक्यता आहे. निधी वाटपाच्या मुद्द्यावरून झालेल्या वादाची पार्थ पवारांनी राष्ट्रवादीच्या स्थानिक पदाधिकाऱ्यांकडून माहिती घेतली होती. त्यामुळे आता दोन्ही नेत्यांमध्ये चर्चा झाल्याने या वादावर तोडगा निघण्याची शक्यता आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी