अमित शाह उद्या मुंबईत येऊन देणार सरप्राईज, मुख्यमंत्रीपदाचा सस्पेंस वाढला
महाराष्ट्र विधानसभा निवडणुकीतील शानदार विजयानंतर महायुतीमध्ये रस्सीखेच सुरू आहे. 132 जागा जिंकणारा भाजप मुख्यमंत्रिपद सोडायला तयार नाही. तर मुख्यमंत्री एकनाथ शिंदे हे अडीच वर्षे मुख्यमंत्रीपदासाठी आग्रही आहे. त्यामुळे आता अमित शाह हेच मुंबईत येऊन मोठी घोषणा करणार आहेत.
महाराष्ट्र विधानसभा निवडणुकीत मोठ्या विजयानंतर आता महायुतीमध्ये सत्तेतील वाट्यासाठी रस्सीखेच सुरू झाली आहे. 132 जागा जिंकणारा भाजप मुख्यमंत्रिपद सोडायला तयार नाही. तर मुख्यमंत्री एकनाथ शिंदे हे अडीच वर्षे मुख्यमंत्रीपदावर ठाम आहेत. त्यामुळे सरकार स्थापनेबाबत सस्पेंस वाढला आहे. आता यावर तोडगा काढण्यासाठी केंद्रीय गृहमंत्री अमित शहा उद्या मुंबईत येणार असल्याची माहिती आहे. इतकंच नाही तर अमित शहा स्वतः मुख्यमंत्रीपदाची घोषणा करणार असल्याची माहिती आहे. मंत्रिपदाच्या वाटपाच्या मुद्द्यावरही शहा फॉर्म्युला देणार आहेत.
महाराष्ट्रात भाजपने 148 जागांवर निवडणूक लढवली होती आणि त्यापैकी 132 जागांवर विजय मिळवला. शिंदेंच्या शिवसेनेने 80 जागा लढवल्या आणि 57 जागा जिंकल्या. आता एकनाथ शिंदे हे मुख्यमंत्रिपदासाठी खूप उत्सुक आहेत. पण एकनाथ शिंदे यांना मुख्यमंत्री केल्यास राष्ट्रवादीचा विरोध आहे. त्यांचा देवेंद्र फडणवीस यांना पाठिंबा आहे. त्यासाठी त्यांनी भाजप नेतृत्वाला संदेश देखील पाठवला आहे. उपमुख्यमंत्री अजित पवार यांनी भाजपचा मुख्यमंत्री व्हायला हवा असे असे सांगत देवेंद्र फडणवीस यांना पाठिंबा दिला आहे. आता अमित शहा उद्या मुंबईत येत असल्याने मुख्यमंत्रीपदाबाबत उद्या घोषणा होऊ शकते.
महायुतीत नव्या सरकारमध्ये दोन उपमुख्यमंत्री असणार आहेत. त्यामुळे महाराष्ट्रात राजस्थान फॉर्म्युला चर्चेत आहे. भाजप नेतृत्वाने भजनलाल शर्मा यांना मुख्यमंत्री केले. शर्मा हे पहिल्यांदाच आमदार झाले आणि त्यांना थेट मुख्यमंत्री करण्यात आले होते. तसेच भाजप नव्या चेहऱ्याला संधी देऊ शकते.
मध्य प्रदेशप्रमाणे महाराष्ट्रातही भाजपला तीन चतुर्थांश बहुमत मिळाले आहे. मध्य प्रदेशात भाजपने मुख्यमंत्री शिवराज सिंह चौहान यांना हटवून मोहन यादव यांच्याकडे कमान सोपवली. यादव यापूर्वी सिंह मंत्रिमंडळात कॅबिनेट मंत्री होते. तसेच कॅबिनेट मंत्र्याला मुख्यमंत्री म्हणून बढती दिली जाऊ शकते.
तिसरा फॉर्म्युला बिहारचा आहे. 2020 मध्ये बिहारमध्ये एनडीएला बहुमत मिळाले. निकालात मुख्यमंत्री नितीश कुमार यांचा पक्ष तिसऱ्या क्रमांकावर आहे. त्यांचे 43 आमदार निवडून आले होते. पण भाजपने नितीशकुमार यांना दिलेले वचन पाळले आणि त्यांना मुख्यमंत्री केले. महायुतीने राज्याची विधानसभा शिंदे यांच्या नेतृत्वाखाली लढली होती. अशा स्थितीत बिहार पॅटर्नच्या आधारे शिंदे पुन्हा एकदा मुख्यमंत्री होऊ शकतात. असा दावा शिवसैनिक करत आहेत.
