पूजा चव्हाण आत्महत्या : चित्रा वाघ यांच्याकडून पहिल्यांदाच मंत्री संजय राठोड यांच्यावर थेट आरोप

आता मुख्यमंत्री उद्धव ठाकरे याप्रकरणावर प्रतिक्रिया देणार का, याकडे सर्वांचे लक्ष लागले आहे | Chitra wagh

पूजा चव्हाण आत्महत्या : चित्रा वाघ यांच्याकडून पहिल्यांदाच मंत्री संजय राठोड यांच्यावर थेट आरोप
Chitra Wagh_ Sanjay Rathod

मुंबई: पुजा चव्हाण या तरुणीच्या आत्महत्याप्रकरणात (Pooja Chavan) आता भाजपकडून पहिल्यांदाच आमदार संजय राठोड (Sanjay Rathod) यांचे थेटपणे नाव घेण्यात आले आहे. भाजप नेत्या चित्रा वाघ यांनी शुक्रवारी एक व्हीडिओ ट्विट केला. यामध्ये त्यांनी संजय राठोड यांच्यावर थेट टीका केली आहे. संजय राठोड यांच्यावर सदोष मनुष्यवधाचा गुन्हा दाखल करुन पोलिसांनी त्यांच्या मुसक्या आवळल्या पाहिजेत, अशी आक्रमक भूमिका चित्रा वाघ यांनी घेतली आहे. त्यामुळे आता मुख्यमंत्री उद्धव ठाकरे याप्रकरणावर प्रतिक्रिया देणार का, याकडे सर्वांचे लक्ष लागले आहे. (BJP leader Chitra Wagh slams Sanjay Rathod)

चित्रा वाघ नेमकं काय म्हणाल्या?

पूजा चव्हाण या युवतीची आत्महत्या नसून, हत्याच असल्याचे बरेच अपडेट्स गेल्या दोन दिवसात आपल्यासमोर आले आहेत. त्यामध्ये जवळपास दहा ११ ऑडिओ क्लिप, फोटोज समोर आलं आहे. या ऑडिओ क्लिपमध्ये तिला आत्महत्येपासून परावृत्त करण्यापासून ते आत्महत्या झाल्यानंतर तिचा दरवाजा तोड पण मोबाईल ताब्यात घे, असं मंत्री अरुण राठोड नावाच्या माणसाला सांगत आहेत. हे आपण ऐकलं. पोलीस याबाबत काहीच स्पष्टता देत नाहीत. पूजा राठोड हिच्या परिवारावर दबाव असू शकतो. पोलिसांनी सदसदविवेकबुद्धी शाबूत ठेवून, सुमोटो अंतर्गत हा गुन्हा दाखल करायला हवा. या फोटोज, ऑडिओ क्लिप्सना गेले दोन दिवसापासून वेगवेगळ्या माध्यमातून येणाऱ्या बातम्या, सोशल मीडियातून येणाऱ्या बातम्या यांचा थेट रोख शिवसेनेचे मंत्री संजय राठोड यांच्याकडे आहे. त्यामुळे त्यांच्यावर सदोष मनुष्यवधाचा गुन्हा दाखल झालाच पाहिजे. यासाठी राजकीय इच्छाशक्ती तितकीच महत्त्वाची आहे.

भाषणांमध्ये महिलांची सुरक्षांबद्दल बोलणं, घोषणा करणं सोपं असतं. पण आता मला राज्याचे मुख्यमंत्री आणि गृहमंत्र्यांना सांगायचं आहे, कसली वाट बघताय? एवढे पुरावे आहेत, फोटो आहेत, ऑडिओ क्लिप आहेत, मुसक्या आवळायचे सोडून, कसली वाट बघताय? ताबडतोब कारवाई करा, असं चित्रा वाघ म्हणाल्या.

 

कोण आहेत संजय राठोड?

संजय राठोड हे शिवसेनेचे विदर्भातील बडे नेते आहेत

शिवसेनेचे नेते संजय राठोड हे पहिल्यांदा 2004 साली यवतमाळमधील दिग्रस विधानसभा मतदार संघातून विजयी झाले.

त्यानंतर 2009 आणि 2014 अशा दोन्ही वेळा पुन्हा संजय राठोड आमदार म्हणून विधानसभेत गेले.

फडणवीसांच्या 2014 साली राठोड यांच्याकडे यवतमाळच्या सहपालकमंत्रिपदासह महसूल राज्यमंत्रिपदाची धुरा सोपवण्यात आली.

2019 मध्ये जेव्हा महाविकास आघाडीचं सरकार आलं तेव्हा, त्यांच्याकडे वने, आपत्ती व्यवस्थापन, मदत आणि पुनर्वसन मंत्रिपदाचा भार सोपवण्यात आला.

संबंधित बातम्या:

मलाच जीव द्यावा लागेल, असं कथित मंत्री का म्हणाला?; पूजा चव्हाण आत्महत्या प्रकरण गळ्याचा फास ठरणार?

पुजाला न्याय मिळवून देण्यासाठी बहिणही सरसावली, इन्स्टावर भावूक पोस्ट, माझी बहिण वाघिण होती

(BJP leader Chitra Wagh slams Sanjay Rathod)

Published On - 8:09 pm, Fri, 12 February 21

Click on your DTH Provider to Add TV9 MARATHI