देवेंद्र फडणवीसांच्या निवासस्थानी ओबीसी नेत्यांची बैठक; आंदोलनाची रणनीती ठरणार?

विरोधी पक्षनेते देवेंद्र फडणवीस (devendra fadnavis) यांच्या सागर या निवासस्थानी भाजपमधील ओबीसी नेत्यांची बैठक सुरू झाली आहे. या बैठकीत ओबीसी आरक्षणाबाबतची पुढील रणनीती ठरवण्यात येणार आहे.

देवेंद्र फडणवीसांच्या निवासस्थानी ओबीसी नेत्यांची बैठक; आंदोलनाची रणनीती ठरणार?
Devendra Fadnavis
Follow us
| Updated on: Jun 18, 2021 | 2:49 PM

मुंबई: विरोधी पक्षनेते देवेंद्र फडणवीस यांच्या सागर या निवासस्थानी भाजपमधील ओबीसी नेत्यांची बैठक सुरू झाली आहे. या बैठकीत ओबीसी आरक्षणाबाबतची पुढील रणनीती ठरवण्यात येणार आहे. या बैठकीला भाजपचे बडे नेते उपस्थित आहेत. (devendra fadnavis call obc leaders meeting at his residence)

देवेंद्र फडणवीस यांच्या नेतृत्वाखाली ओबीसी नेत्यांची बैठक बोलावण्यात आली आहे. स्थानिक स्वराज्य संस्थेतील ओबीसींचं आरक्षण सुप्रीम कोर्टाने रद्द केलं आहे. राज्य सरकारने केंद्राकडून ओबीसींचा इम्पिरिकल डेटा मिळावा म्हणून सर्वोच्च न्यायालयात जाण्याचा निर्णय घेतला आहे. त्यापार्श्वभूमीवर या बैठकीला महत्त्व आलं आहे. या बैठकीत ओबीसी आरक्षणासाठी आंदोलन करण्याबाबतची रणनीती ठरविण्यात येणार असल्याचं सूत्रांनी सांगितलं. या बैठकीला भाजपचे प्रदेशाध्यक्ष चंद्रकांत पाटील, पंकजा मुंडे आणि चंद्रशेखर बावनकुळे आदी नेतेही उपस्थित असल्याचं सांगितलं जात आहे.

वडेट्टीवारांचं ‘चिंतन’

एकीकडे फडणवीस यांच्या निवासस्थानी ओबीसी आरक्षणाबाबत पुढील रणनीती ठरवण्यासाठी बैठक होत आहे. तर दुसरीकडे राज्याचे मदत आणि पुनर्वसन मंत्री विजय वडेट्टीवार यांनी ओबीसींच्या चिंतन बैठकीचं आयोजन केलं आहे. लोणावळ्यात येत्या 26 आणि 27 जून रोजी चिंतन बैठकीचं आयोजन करण्यात आलं आहे. या दोन दिवसीय शिबिराचं राज्याचे अन्न व नागरी पुरवठा मंत्री छगन भुजबळ उद्घाटन करणार आहेत. या शिबिराला पंकजा मुंडे, नाना पटोले आणि संजय राठोड यांनाही निमंत्रित करण्यात येणार असल्याचं वडेट्टीवार यांनी सांगितलं. ओबीसींना आरक्षण मिळावं, आरक्षणातील अडथळे कोणते आहेत? ते कसे दूर करता येतील? त्यावर काय उपाय आहेत? याबाबतचं चिंतन करण्यासाठी या बैठकीचं आयोजन करण्यात आलं आहे.

भुजबळांचं आंदोलन

राज्याचे अन्न व नागरी पुरवठा मंत्री छगन भुजबळ यांच्या समता परिषदेने काल नाशिकसह राज्यभरात ओबीसींचा आक्रोश मोर्चा काढला होता. यावेळी नाशिकच्या द्वारका चौकात जोरदार निदर्शने करत रास्ता रोको करण्यात आला होता. रास्ता रोको आंदोलनावेळी पोलिसांनी काही आंदोलकांची धरपकडही केली होती. तर, राज्याच्या इतर भागात या आंदोलनाला अल्प प्रतिसाद मिळाला होता.

म्हणून भाजप सक्रिय

ओबीसी आरक्षणाच्या प्रश्नावर काँग्रेसचे प्रदेशाध्यक्ष नाना पटोले आणि विजय वडेट्टीवार आक्रमक झाले आहेत. दोन्ही नेते ओबीसी आहेत. तर, राष्ट्रवादीतून छगन भुजबळांनी ओबीसींचं आंदोलन हाती घेतलं आहे. ओबीसी समाज आपल्याच बाजूने राहावा म्हणून काँग्रेस आणि राष्ट्रवादीमध्ये रस्सीखेच सुरू झाली आहे. मात्र, भाजपमधील ओबीसी नेते अजूनही ओबीसी आरक्षणाच्या मुद्द्यावर म्हणावे तसे सक्रिय झाले नाहीत. त्यामुळेच भाजपने ओबीसींच्या नेत्यांची बैठक बोलावल्याचं सांगितलं जात आहे. (devendra fadnavis call obc leaders meeting at his residence)

संबंधित बातम्या:

ओबीसी आरक्षणासाठी भुजबळ, पंकजा मुंडे, पटोले, संजय राठोड एकाच मंचावर येणार?; वडेट्टीवारांनी बोलावली ‘चिंतन’ बैठक!

मूक आंदोलन सुरुच राहणार, आंदोलन मागे घेणार नाही, संभाजीराजे छत्रपती यांची माहिती

राष्ट्रवादीचा 100 विधानसभा मतदारसंघांवर डोळा?, काय आहे ‘सुपर 100’ मोहीम?; वाचा सविस्तर

(devendra fadnavis call obc leaders meeting at his residence)

Non Stop LIVE Update
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?.
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन.
लोकसभेच्या 16 लढती फिक्स, कुठं कोणासोबत होणार थेट फाईट?
लोकसभेच्या 16 लढती फिक्स, कुठं कोणासोबत होणार थेट फाईट?.
धैर्यशील माने यांना हातकणंगलेतून पुन्हा तिकीट मिळणार का? काय म्हणाले
धैर्यशील माने यांना हातकणंगलेतून पुन्हा तिकीट मिळणार का? काय म्हणाले.
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?.
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?.
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा.
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय.
नवनीत राणांचा प्रचार करणार? बच्चू कडू म्हणाले, 'त्यांच्या बापाची...'
नवनीत राणांचा प्रचार करणार? बच्चू कडू म्हणाले, 'त्यांच्या बापाची...'.
'मोदी आणि माझ्यात वाद नाही'; केंद्रीय मंत्री गडकरींची EXCLUSIVE मुलाखत
'मोदी आणि माझ्यात वाद नाही'; केंद्रीय मंत्री गडकरींची EXCLUSIVE मुलाखत.