लोकांनी नियम पाळले नाहीतर लॉकडाऊन शिवाय पर्याय नाही, आरोग्यमंत्री राजेश टोपे यांचं मोठं वक्तव्य
लोकांनी नियम पाळले नाहीतर लॉकडाऊन शिवाय पर्याय नाही,असं वक्तव्य आरोग्यमंत्री राजेश टोपे यांनी केले. Maharashtra Corona Rajesh Tope Uddhav Thackeray
मुंबई: महाराष्ट्रातील वाढत्या कोरोना रुग्णसंख्येच्या पार्श्वभूमीवर आरोग्यमंत्री राजेश टोपे आणि मुख्यमंत्री उद्धव ठाकरे यांच्यामध्ये बैठक पार पडली. लोकांनी कोरोना विषयक नियम पाळले नाहीतर लॉकडाऊन शिवाय पर्याय नाही, असं वक्तव्य आरोग्यमंत्री राजेश टोपे यांनी केलं आहे. (Maharashtra Corona update health minister Rajesh Tope said people if not follow rule no option for lockdown after meeting with CM Uddhav Thackeray)
आपण लॉकडाऊनच्या दिशेने
महाराष्ट्रात दररोज मोठ्या प्रमाणावर कोरोना रुग्णसंख्या वाढत आहे. कोरोना रुग्णसंख्या वाढत राहणं म्हणजे आपण लॉकडाऊनच्या दिशेने जात आहोत, असं राजेश टोपे म्हणाले. कोरोना रुग्णसंख्येला आळा घालण्यासाठी राज्यातील निर्बंध आणखी कडक करण्यात येणार आहेत, अशी माहिती देखील राजेश टोपे यांनी दिली.
आढावा बैठका सुरु राहणार
महाराष्ट्रात गेल्या काही दिवसांपासून 30 हजारांहून अधिक कोरोना रुग्ण दररोज वाढत आहेत. या परिस्थितीचा आढावा घेण्यासाठी मुख्यमंत्री उद्धव ठाकरे आणि आरोग्यमंत्री राजेश टोपे यांच्यात बैठ दुपारी 12.30 वाजल्यापासून ते 1.30 पर्यंत बैठक झाली झाली. दररोज 10 टक्के प्रति दिवस रूग्णसंख्येत वाढ होतेय. दोन -तीन दिवस आणखी आढावा घेतला जाणार आहे.
राज्य सरकारला कठोर निर्णय घ्यावा लागेल, अजित पवारांचे बारामतीमध्ये वक्तव्य
उपमुख्यमंत्री अजित पवार यांनी राज्यातील जनतेला होळीच्या शुभेच्छा दिल्या आहेत. जनतेला आवाहन करुनही प्रतिसाद मिळत नसेल तर राज्य सरकारला कठोर निर्णय घ्यावा लागेल, असं वक्तव्य पवार यांनी केले. आपापली जबाबदारी लक्षात घेवून नियमांचे उल्लंघन न करता होळी साजरी करा.सध्याची परिस्थिती पाहता शांतपणे होळी साजरी करा. पहिल्या लाटेपेक्षा दुसऱ्या लाटेतील कोरोना रुग्णसंख्या अधिक आहे. सध्या कुटुंबच्या कुटुंब कोरोनाबाधित आढळत आहेत ही चिंतेची बाब आहे. प्रत्येकानं नियमांचे पालन केलं पाहिजे. प्रशासन प्रयत्न करतंय, त्यामध्ये जनतेनेही मनावर घेतलं पाहिजे, अशी अपेक्षा अजित पवार यांनी केली.
राष्ट्रवादी काँग्रेस ठाकरे सरकारमधून सध्या बाहेर पडू शकत नाही! वाचा 3 प्रमुख कारणे https://t.co/DZUV9tSD18 @PawarSpeaks @NCPspeaks @OfficeofUT @INCMaharashtra @BJP4Maharashtra @ShivSena #SharadPawar #AmitShah #MahaVikasAghadi #MaharashtraGovernment #shivsena #NCP #Congress
— TV9 Marathi (@TV9Marathi) March 28, 2021
संबंधित बातम्या:
होळीवर बंदी अन् शब-ए-बारातला परवानगी, हिंदू विरोधी ठाकरे सरकारचा निषेध: भातखळकर
(Maharashtra Corona update health minister Rajesh Tope said people if not follow rule no option for lockdown after meeting with CM Uddhav Thackeray)
