मुंबईकरांसाठी सावधानीचा इशारा, यंदा मॉन्सूनमध्ये 22 वेळा हाईटाइड, कधी अन् किती धोकादायक…
High Tide Alert: गेल्या वर्षी 'बिपरजॉय' वादळ जूनमध्ये अरबी समुद्रात आले होते. 16 जून 2023 रोजी गुजरातच्या किनारपट्टीला हे वादळ पूर्ण ताकदीने धडकले होते. मागील वर्षी 2023 मध्ये बंगालच्या उपसागरावर 'मोचा' हे अत्यंत तीव्र चक्रीवादळ आले होते.
भारतीय समुद्रात मॉन्सून पूर्व आणि मॉन्सून दरम्यान अनेक वेळा भरती येत असते. अरबी समुद्र आणि बंगालच्या उपसागरामध्ये ही भरती येत असते. यंदा मॉन्सून पूर्व म्हणजे एप्रिल ते जून दरम्यान भरतीचा मोठा धोका नाही. परंतु मॉन्सून दरम्यान यंदा जोरदार भरती येणार आहे. यामुळे यंदाच्या मॉन्सूनमध्ये मुंबईकरांसाठी अलर्ट जारी करण्यात आला आहे. मुंबईच्या समुद्रात यंदा 4.84 मीटरपेक्षा जास्त हायटाईड (भरती) 22 वेळा येण्याची शक्यता आहे. जून ते सप्टेंबर 2024 दरम्यान हे हायटाईड येणार आहे. यामुळे मुंबईतील सखलभागात पाणी साचणार आहे. पावसासोबत हायटाईड आल्यानंतर हा धोका निर्माण होतो.
कधी कशी येणार हायटाईड
जूनमध्ये सात दिवस 4.5 मीटरपेक्षा जास्त उंचीची भरती असेल. जुलैमध्ये असे चार दिवस, ऑगस्टमध्ये पाच दिवस आणि सप्टेंबरमध्ये सहा दिवस अशी भरती असणार आहे. 20 सप्टेंबर रोजी सकाळी 1:03 वाजता उंच भरती 4.84 मीटरपर्यंत पोहोचण्याची अपेक्षा आहे.
जूनमध्ये असे येणार हाईटाइड
5 जून- 11: 17 वाजता – 4.61 मीटर 6 जून -12 : 05 वाजता – 4. 69 मीटर 7 जून – 12 : 50 वाजता – 4 . 67 मीटर 8 जून – 01 : 34 वाजता – 4. 58 मीटर 23 जून – 01: 09 वाजता – 4. 51 मीटर 24 जून- 01: 53 वाजता- 4. 54 मीटर
जुलैमध्ये असे येणार हाईटाइड
22 जुलै – दुपारी 12:50 वाजता – 4.59 मीटर 23 जुलै- दुपारपी 1:29 वाजता – 4.69 मीटर 24 जुलै – दुपारी 02:11वाजता – 4.72 मी 25 जुलै – दुपारी 02:51 वाजता- 4.64 मीटर
ऑगस्टमध्ये असे येणार हाईटाइड
19 ऑगस्ट – सकाळी 11:45 वाजता – 4.51 मीटर 20 ऑगस्ट – दुपारी 12:22वाजता – 4.70 मी 21 ऑगस्ट- दुपारी 12:57 वाजता- 4.81 मीटर 22 ऑगस्ट- दुपारी 1:35 वाजता 4.80 मीटर 23 ऑगस्ट- दुपारी 2:15 वाजता 4.65 मीटर
सप्टेंबरमध्ये असे येणार हाईटाइड
17 सप्टेंबर – सकाळी 11:14 वाजता – 4.54 मीटर 18 सप्टेंबर – सकाळी 11:50 वाजता – 4.72 मीटर 19 सप्टेंबर – दुपारी 12:19 वाजता 4.69 मीटर 20 सप्टेंबर – दुपारी 1:03 वाजता 4.84 मीटर 21 सप्टेंबर – दुपारी 1:42 वाजता 4.50 मीटर 22 सप्टेंबर – दुपारी 2.33 वाजता 4.64 मीटर
मागील वर्षी असे होते वादळ
गेल्या वर्षी ‘बिपरजॉय’ वादळ जूनमध्ये अरबी समुद्रात आले होते. 16 जून 2023 रोजी गुजरातच्या किनारपट्टीला हे वादळ पूर्ण ताकदीने धडकले होते. मागील वर्षी 2023 मध्ये बंगालच्या उपसागरावर ‘मोचा’ हे अत्यंत तीव्र चक्रीवादळ आले होते. प्रदीर्घ सागरी प्रवासानंतर, वादळ म्यानमारच्या दिशेने सरकले आणि 14 मे 2023 रोजी सिटवे जवळील किनारपट्टी ओलांडले.
