NCP Ajit Pawar Group Candidate List: अजित पवार गटाची पहिली यादी; 38 जणांची नावं जाहीर, कुणा- कुणाला संधी?

विधानसभा निवडणुकीसाठी राष्ट्रवादी अजित पवार गटाती पहिली यादी जाहीर झाली आहे. 38 उमेदवारांची पहिली यादी अजित पवार गटाने जाहीर केली आहे. यात राष्ट्रवादीचे राष्ट्रीय अध्यक्ष, राज्याचे उपमुख्यमंत्री अजित पवार यांच्या उमेदवारीचीही घोषणा करण्यात आली आहे. अजित पवार बारामतीतून निवडणूक लढणार आहेत. याचबरोबर मंत्री छगन भुजबळ, मंत्री दिलीप वळसे पाटील यांची उमेदवारीदेखील जाहीर करण्यात आली आहे. भाजप, शिवसेना शिंदे गटानंतर आता राष्ट्रवादी अजित पवार गटाची पहिली उमेदवार यादी जाहीर झाली आहे.

राष्ट्रवादी अजित पवार गटाची पहिली उमेदवार यादी

बारामती- अजित पवार

आंबेगाव- दिलीप वळसे पाटील

अमरावती- सुलभा खोडके

इंदापूर- दत्तात्रय भरणे

पिंपरी- अण्णा बनसोडे

पाथरी- निर्मला विटेकर

मावळ – सुनील शेळके

येवला- छगन भुजबळ

कागल- हसन मुश्रीफ

सिन्नर – माणिकराव कोकाटे

श्रीवर्धन – अदिती तटकरे

उदगीर- संजय बनसोडे

अर्जुनी मोरगाव राजकुमार बडोले

माजलगाव- प्रकाश सोळंखे

वाई – मकरंद पाटील

खेड आळंदी- दिलीप मोहिते पाटील

अहमदनगर – संग्राम जगताप

इंदापूर- दत्तात्रय भरणे

अहमदपूर- बाबासाहेब पाटील

कळवण- नितीन पवार

कोपरगाव- आशुतोष काळे

अकोले- किरण लहामटे

वसमत – राजू नवघरे

चिपळूण- शेखर निकम

जुन्नर- अतुल बेनके

मोहोळ- यशवंत माने

हडपसर- चेतन तुपे

देवळाली- सरोज अहिरे

चंदगड- राजेश पाटील

इगतपुरी – हिरामण खोसकर

तुमसर- राजू कारेमोरे

पुसद- इंद्रनील नाईक

नवापूर- भरत गावित

मुंब्रा कळवा- नजीब मुल्ला

पहिल्या यादीतून महिलांना संधी

अजित पवार गटाच्या पहिल्या उमेदवार यादीत महिलांनादेखील संधी देण्यात आली आहे. राज्याच्या महिला आणि बालविकास मंत्री अदिती तटकरे यांना श्रीवर्धनमधून उमेदवारी देण्यात आली आहे. अमरावतीतून सुलभा खोडके यांना उमेदवारी जाहीर झालीय. सरोज अहिरे यांना देवळाली, तर पाथरीतून निर्मला विटेकर यांना उमेदवारी देण्यात आली आहे.

पहिल्या यादीत सुनील टिंगरेंचं नाव नाही

अजित पवार गटाची पहिली यादी जाहीर झाली. यात पुण्यातील वडगाव शेरी मतदारसंघाचं नाव नाहीये. अजित पवार गटाचे सुनील टिंगरे हे वडगाव शेरीचे आमदार आहेत. मात्र त्यांचं नाव या पहिल्या यादीत नाहीये. त्यामुळे हा मतदारसंघ भाजपकडे जाणार का? याबाबत राजकीय वर्तुळात चर्चा होत आहे.